1 Piɛri 4:13 - Kazambale lé Sebe Sauunu 1979

¹³ Naa, ka gi ’é nana léé, nyanénu lé Krist a ble, kazé a wo va, yé ka gi ’é nana fɔɔ yé é gié a glɛ la, Krist lé fua nagɔɔn yi nya.

1 Piɛri 4:13 ပူးပေါင်းရင်းမြစ်များ

Ézai 25:9

’Bɛ yi la, wo dan a fe lɛ léé: Ka ye, ko pale a kolé Bale ’ko, yee ɛ ta, yee ɛ ko sié we gi; ko pale a Gakelebale ’ko, yee ɛ ta; kaa gi ’é nana ma, ko gi ’é nana alé ko sile we gi we ma.

Ézai 35:10

Munu lé Gakelebale wo tabo, wo dan nɔla lɛ yee zi ’léé, Wo dan go lɛ Siɔn guliwuovolɛ lɛrɛ vɔle nya, Yé ginanale lé a glɛ ’ka lo, é dan kɛlɛ lɛ bélé tɔkoro zo wo ’wuo ma; Gidrɔɔ valé ginanale é dan kɛlɛ lɛ wozé nya, Gikyɛdɔle valé dunnule é dan si lɛ ana.

Ézai 51:11

Munu lé Gakelebale wo tabo, wo dan da lɛ wo pa gi, Wo dan go lɛ Siɔn guliwuovolɛ lɛrɛ vɔle nya, Ginanale lé é ’ka nyaan lo, é dan kɛlɛ lɛ wo ’wuo ma bélé tɔkoro zo; Ginanale valé vole drɔɔ é dan kɛlɛ lɛ ana, Nyanéblele valé dunnule é dan si lɛ ana.

Matio 16:27

Maa blami Be, an dan da lɛ an Ti lé fua tɔbɔle nya, é valé alé lanjenu nya, yé maa dan mi faa gooli pa lɛ do do wo kɛlɛwenu yɛrama.

Matio 25:21

Azan lé a lɛ léé: An wuozan zima, yarapawelazan, ’bɛ a é zima. I kɛlɛ yarapawelazan nya we kiéné ’ko gi, amalé maa dan fɛ kiɛre bɛ pa lɛ i lee; ’i da, ’i nyana an va, yé ko gi ’é nana ékeva.

Matio 25:23

Azan lé a lɛ léé: An wuozan zima, yarapawelazan, ’bɛ a é zima. I kɛlɛ yarapawelazan nya we kiéné ’ko gi, amalé maa dan fɛ kiɛre bɛ pa lɛ i lee; ’i da, ’i nyana an va, yé ko gi ’é nana ékeva.

Matio 25:31

Dé maa blami Be da anlé fua ta gɔɔnle nya anlé lanjenu faa nya an va, an dan nyana lɛ anlé webleblin tɔbɔle ta.

Matio 25:34

Yé maa minwiinzan ’é dan a fe lɛ an bɛyilazannu lɛ léé: Ka lé an Ti ka drɔɔ vo, ’ka da; tɔnɔtɛrɛ lé é a kɛlɛ kazé nya tɛrɛ pélisia bléyi va, ’ka nyana ana.

Matio 5:12

Ka bli ’é vo drɔɔ yé ’ka vo gi nanale blɛn gi, naa, ka gooli é dan kɛlɛ lɛ blɛn la gi. A zo duo lé balelayemunu lé wo ke ka ’lɛ é vinin, wo nyané pa wo ta yee ɛ zo.

Maak 8:38

Naa, mian éé yara gya maa valé an dérenu lé we ma, bléyi ’ko vamunu lé wo ke pɛnpɛnnégyɛzannu valé wenyanékɛlɛzannu nya, wo méléna, dé maa blami Be da an Ti lé fuasan nya, é valé lanje sauunnu nya an va, yara é dan an gyɛ lɛ ’bɛzan lé we ma é ziin.

WENÉNÉ LÉ LUK A GYE (Évangile selon Luc) 17:30

A zo duo lé é dan kɛlɛ lɛ maa blami Be nagɔɔn yi nya.

Kelewenu 16:25

Tu méléna, Pɔl valé Silas a bazorona ’té woo lɛrɛ vɔa Kazambale tɔ zin fele nya, ’té bokɔngimunu a maan.

Kelewenu 5:41

Nwunvɔzannu si webolikinimunu va yé wo gi nana léé, Kazambale a ye léé, wo dɔle nyané blele wuo Jézu tɔ ma yara lé.

Rom munu 5:3

Yé ’bɛ ta loru, ko gi a nanana kolé kleblelenu gi, naa, ko gi dɔɔ léé, kleblele éé dan yara pale we la nya,

Rom munu 8:17

Dé kaa a alé nénu nya, ’té kaa a é ziin tɔnɔblezannu nya, Kazambale lé tɔnɔblezannu nya, tɔnɔblezannu nya Krist va, ’té dé kaa nyané ble a va, lagifua blele a va we gi.

Rom munu 8:18

É a an gi léé, wo ’ka bɔa lao klenu ’ko danle lɛ fua lé kaa dan a ble lɛ tɛlɛ tɛlama bɛ, a ma lo.

2 Korɛnt Munu 1:5

Naa, dé ko nyané kiɛre ble Krist lé we ma, ’té Krist éé ko tɔrɔ paan kiɛre é ziin.

2 Korɛnt Munu 1:7

Ko bli a ka lɛ boenwo; ko gi dɔɔ léé, kazé a kleblele va fɛan zo, a zo duo lé kazé a tɔrɔpaale va é ziin.

2 Korɛnt Munu 4:10

ko Jézu gale ’léé dɔɔ ko kɔlɛ gi, Jézu lé bélile nagɔɔnle ko kɔlɛ gi we ma.

2 Korɛnt Munu 4:17

Kolé klenu ’ka we do nya lo yé wo dan nyaa lɛ laoɛ. Wo ma tɔnɔ é dan kɛlɛ lɛ fuasan lé ke fɛ boen nya, ’té a glɛ ’ka lo, a nya. É gié mi lé gi bɔrɔle faa ta.

Filip munu 3:10

Maa a a va léé, maa Krist dɔɔ, yé plɛplɛ lé é Krist nwa gale va koo, nanale a va alé nyanéblelenu gi koo, maa a wo va. É sɔ an lɛ léé, an ga, bélé fɛan zo lé é ga, a zo,

Kolɔs munu 1:24

Kle lé maa a blena kalé we ma, éé an gi nanaan. Krist kɔlɛ lé ke léglizigimunu nya, a ma kleblele lé wo vo, maa a a lɛ sɔɔna an kɔlɛ nya.

2 Timoté 2:12

dé ko yara pa alé we kɛlɛle ta, ko dan pla lɛ munu nwiin a va; dé ko sɔn vɔ a ma, yee é ziin, é dan sɔn vɔ lɛ ko ma.

1 Piɛri 1:13

Amalé ’ka ka gi bɔrɔlenu dɔ bélé woo doa dɔa ’wo gyɛn fɛan zo, a zo; ’kabo kun, yé zin lé Bale é dan a kɛlɛ lɛ ka lɛ Jézu Krist bɔrayi nya, ’ka bli kɛlɛ a yele lɛ tegele ma.

1 Piɛri 2:21

We ’ko ma lé wo ka laa, naa, Krist é ziin é nyané ble kalé we gi, yé é wekɛlɛmawe vo ka va, kalé we kɛlɛle a ma we gi.

1 Piɛri 5:1

Maa a we plana kalé mi segelenu lɛ. Maa é ziin, maa a wo va mi segele do nya, yé maa Krist lé nyanéblelenu ye, yé anzé a fua tɔbɔle lé é dan bɔra lɛ bɛ, a va. We lé maa a plana ’kaa mi segelenu lɛ, yee lé ke ’ko:

1 Piɛri 5:10

Zin faa kɛlɛ Bale, yee ɛ ka laa Jézu Krist gi élé fua lé a glɛ ’ka lo, a blele ma, dé ka nyané ble bléyi sɛ nya faa, é dan gun si lɛ ka ma, é dan ka dɔ lɛ plɛplɛ, é dan ka fuu dɔ lɛ ka ta, é dan ka dɔ lɛ gligli.

SEBE LÉ JUD A GYE (Épitre de Jude) 1:24

Bale lé, éé bɔa ’é yuɛ pale lɛ ka va yé ka ’ka saan monomono lo, ’té éé bɔa ka kɛlɛle lɛ sauun yé é da ka nya élé fua tɔbɔle va, ’té ka gi nanale a blɛɛn,

Wegɔɔnle 1:7

Bé ye, é dan latinu ta. Mi faa é dan a ye lɛ, a fɔnmunu koo é ziin; tɛrɛ la bɛnnu faa é dan wuvɔ lɛ alé we ma. Iin. Amɛɛn.

Wegɔɔnle 1:9

Maa Jan, maa a ka bwe nya. Nyanéblele valé plale mi nwiin valé yara pale we la lé ko ye Jézu lé we ma, é a kaazé nya. Maa a Kazambale dére valé Jézu lé we fena, amalé wo an si yé wo an zun wɛyi worona tɛrɛ lé wa laama Patimɔ, a ta.