1 Piɛri 4:11 - Kazambale lé Sebe Sauunu 1979

¹¹ Dé mi do a we fena, ’é a fe Kazambale dére yɛrama; dé mi do a mi mawe kɛlɛna, ’é a kɛlɛ, plɛplɛ lé Kazambale a nɔ a lɛ, a nya. ’Ka we faa kɛlɛ Kazambale tɔ bɔle we gi Jézu Krist lé, fua valé plɛplɛ ke a lee lɛɛfaama bɛ, a nya. Amɛɛn.

1 Piɛri 4:11 ပူးပေါင်းရင်းမြစ်များ

Lɛrɛvɔ Sɛbɛ 145:13

Ilé plale mi nwiin a lɛɛfaama we nya, a glɛ ’ka lo, Yé i lɛdɔmale ana yifaama.

Ézai 8:20

’Ka go bélidɔwe valé wenayedére va, dé ’bɛ ’ka a fe lɛ a zo lo, ’té munu ’ko va ’ka é kinile lo.

Jérémi 23:22

Dé é kɛlɛ kɔɔn léé, wo nyana anlé wekyɛ zi, ’té wo an dérenu fe anlé munu lɛ, ’té wo wo si wolé tawobɛ naané zuo, ’té wo wo si wo kɛlɛwe lɛrɛlɛrɛnu zuo.

Daniɛl 4:3

Alé tɔmase ’konu a blɛɛn! Yé alé we blɛɛnnu ’ko a plɛplɛ! Munu éé plaan a wuo lɛɛfaama, a glɛ ’ka dɔa lo, yé alé plale mi nwiin éé voo ana mi kulu é kulu zé nya.

Daniɛl 4:34

Bléyi lé wa dɔ, a bɔle zuo, maa Nébukanɛsaa an yara nwa lagizia, yé an ’wuo dɔ an ta é ziin. Yé an Loruzan drɔɔ vo; mi lé é ke é yuɛma lɛɛfaama a glɛ ’ka lo, mi lé a plale mi nwiin glɛ ’ka lo, yé mi kulu é kulu faa éé plaan a wuo, maa a tɔ zin fe yé maa a tɔ nwa.

Daniɛl 7:14

Kɛlɛle minwiinzan nya koo, fuablele koo, plale mi nwiin koo, wa se kɛlɛ a lɛ, yé migɔnɔ faa koo, bɛnnu koo, dére faa do do vɔmunu koo, wa bɔ. Alé plale mi nwiin a plale mi nwiin lé a glɛ ’ka lo, ’té é ’ka giéan lo, a nya, yé a plale mi nwiin ’ka nyaan monomono lo.

Matio 6:13

Té i go ko nya ko gi danna lo; ’i ko si Satan lé plɛplɛ wuo. Plale mi nwiin koo, plɛplɛ koo, fuablele koo, wa izé nya lɛɛfaama. Amɛɛn.

WENÉNÉ LE JAN A GYE (Évangile selon Jean) 13:31

Judas bɔrale zuo Jézu léé: Sin, maa blami Be tɔ kɛlɛ blɛn, yé Kazambale tɔ kɛlɛ an gi blɛn.

Kelewenu 7:38

Munu lé wo zén ékeva bwi gi, yee Moizi a wo va, yé é a lanje va gɔ nwiin, ’té ’bɛ lanje éé we fé a lɛ. Yee Moizi ’ko lɛ lé lanje mi vo é yuɛma dére nɔ, yé é a nɔ kaa lɛ.

Rom munu 11:36

A va lé fɛnu faa éé sié; alé we ma lé fɛnu faa ke; yé fɛnu faa a azé nya. ’Wa tɔ bɔ lɛɛfaama, té a glɛ é dɔ lo ma. Amɛɛn.

Rom munu 12:3

Zin lé Bale a kɛlɛ an lɛ, a nya lé maa lé ka faa do do lɛ léé, té ka kabo ye mi zin baba nya lo; naa, bo kiéné bli ’é kɛlɛ ka gi ma, blipale lé Kazambale a guli ka faa do do ma, a yɛrama.

Rom munu 16:27

Bale lé é ke wedɔɔzan nya é do kpen bɛ, ’wa tɔ zin bɔ Jézu Krist lé we ma lɛɛfaama, té a glɛ é dɔ lo. Amɛɛn.

Rom munu 3:2

É a blɛn bɛ faa ma; a vininzan lé ke ’ko: Kazambale é dérenu bɛ pa Juifinu lee.

1 Korent munu 10:31

We ’ko ma lé, dé ka a fɛ blenaoo, dé ka a fɛ mininaoo, dé ka a fɛofɛan kɛlɛnaoo, ’ka wo faa kɛlɛ Kazambale tɔbɔle we ma.

1 Korent munu 12:4

Kazambale Léli lé blɛ gɔnɔ a di, naa, Kazambale Léli duo lé;

1 Korent munu 3:10

Kazambale lé zin lé é a kɛlɛ an lɛ, a nya lé maa kɔngane vɔ bélé kɔn ninikinizan lé é we dɔɔ, a zo; ’té mi bɛ éé kɔn dɔa a ta. Ka faa do do, ’ka yuɛ pa kabozen va a dɔle a ta lé we ma.

1 Korent munu 6:20

Wo ka lɔ fɛwezan blɛn nya. Bɛwemalé ’ka Kazambale tɔ bɔ ka kɔlɛ valé ka léli nya.

2 Korɛnt Munu 2:17

Naa, ko ’ka Kazambale dére vɔɔan vié nya lo, bélé fɛan zo lé mi kiɛre a kɛla, a zo lo. Ko a Krist lé munu nya yé ko a fé tegele, Kazambale dére nya, Kazambale yuɛ va.

2 Korɛnt Munu 9:13

Kalé blɛ ’ko kɛlɛle a nagɔɔn léé, ka a Krist lé Wenéné lɛdɔna a ma, ’té ka fé, bɛwemalé munu éé Kazambale tɔ bɔa, yé blɛnu lé ka kɛla wo lɛ, é valé mi faa lɛ, woo Kazambale tɔ bɔa wolé we ma é ziin.

Éfez munu 1:19

kaa lé kaa bli paan a lɛ, Kazambale a plɛplɛ é baba kaa mawe kɛlɛna fɛan zo koo, yé ka a dɔɔ.

Éfez munu 4:29

Té dére naané do kpen é bɔra ka ’léé lo, naa, dére zima lé éé mi dɔa gligli, ’té munu lé wa maan, ’té éé wo drɔɔ voo bɛ, ’ka yee ɛ fe é febléyi nya ma.

Éfez munu 5:20

’Ka ka Ti Bale bɔ vɔ yifaama we faa ma, Kaazan Jézu Krist tɔ nya,

Éfez munu 6:10

We pɔné lé é ke ’ko: ’ka dɔ gligli Mizan gi, alé plɛplɛ lé a glɛ ’ka lo, a nya.

Filip munu 1:11

yé we tegele kɛlɛle ma tɔnɔ lé éé sié Jézu Krist va, yé kazé ’é kɛlɛ kiɛre, Kazambale tɔ bɔle valé a tɔ zin fele we ma.

Filip munu 2:11

’té nɛnɛ faa a fé léé, Jézu Krist a Mizan nya, Tibale tɔ bɔle we ma.

Kolɔs munu 4:6

Ka dére ’é kɛlɛ é zin yifaama, wɛ ’é kɛlɛ a ma ma, é a lé ka we zi paan mi do do lɛ fɛan zo, kalé a dɔɔle we ma.

1 Tɛsalɔnik munu 2:4

Naa, Kazambale a ye léé, a yara lé é Wenéné fele bɛ pa ko lee, bɛwemalé ko we fé. Ko ’ka kwa kulina léé, kolé we ’é sɔ munu lɛ lo; naa, Kazambale lé é ko bli gi ginian, ko a a va léé, kolé we ’é sɔ yee ɛ lɛ.

1 Timoté 1:17

’Mi lé é ke minwiinzan nya lɛɛfaama, ’té é ’ka gaan lilo, ’té wo ’ka a yé lo, ’té yee do kpen ɛ ke Kazambale nya, ’wa tɔ bɔ yé ’wo fua nɔ a lɛ lɛɛfaama, té a glɛ é dɔ lo. Amɛɛn.

1 Timoté 6:16

’té vole é yuɛma lé a glɛ ’ka lo é a yee do kpen ɛ lee bɛ, ’té é ke é nyanale san lé mi do kpen ’ka bɔa biéle lɛ a sɔnɔ lo, a gi bɛ, ’té mi do kpen ’ka tan é yuɛ vɔ lɛ a ta lo yé wo ’ka bɔa yuɛ vɔle lɛ a ta boenwo lo bɛ, yee ɛ dan Jézu gɔɔn lɛ. Tɔbɔle valé plɛplɛ a azé nya lɛɛfaama, a glɛ ’ka lo. Amɛɛn.

Tite 2:1

Naa, bii, wenu lé é ke wepaale tegele yɛrama, ’i wo ɛ fe ma.

Tite 2:15

Wenu lé é a lé bé fe munu lɛ, wo lé ke bɛ. ’I we pla munu lɛ, ’i wo saanna gɔɔn wo lɛ. A se a i lɛ. Té mi do kpen i ye boami nya lo.

Ébrunu 13:7

Ka zilɛzannu lé wo Kazambale dére fe ka lɛ é vinin bɛ, wo sele ’é dɔ ka gi ma, wo wolé tɛrɛla nyaa fɛan zo, ’ka bɔn‐in bɔrɔ ’bɛ ma; kalé blipale ’é kɛlɛ bélé wozé zo ma.

Ébrunu 5:12

Naa, ka lé ka namɔn, ’té é a kɔɔn léé, ka kɛlɛ wepaamigimunu nya, ka mawe a a gi léé, ’wo Kazambale lé we pélisiana vininnu paa ka gi é ziin. Ka kinin munu lé wo mawe ke a gi léé, ’wo nyɔ minian, ’té wo ’ka fɛ plɛplɛ va lo, wo nya.

SEBE LÉ JAK A GYE (Épitre de Jacques) 1:19

An bwenu lé ka sɔ an lɛ, ’ka we ’ko dɔɔ ma; é a lé mi faa ’wo tɔné dɔ we lɛ é kele; té wo we zi pa é kele lo, té wo bli é fli é kele lo.

SEBE LÉ JAK A GYE (Épitre de Jacques) 1:26

Dé é dɔ mi do gi léé, ’é a bazorozi do ta, dé kɔ ’ka é vɔle a nɛnɛ wuo lo, ’té é a ’ébozen saanna, ’té mi ’ko lé bazorozi a zi pla nya.

1 Piɛri 2:12

Ka giébɛ ’é kɛlɛ é zima yolémunu worona. Wa ka tɔ sɛrɛna bélé fɛan zo lé ka a wenaanékɛlɛzannu nya, a zo, naa, dé Kazambale da wo va yian nya wo dan Kazambale tɔ zin bɔ lɛ ka kɛlɛwe zinnu yele ma.

1 Piɛri 2:5

ka é ziin, ka a gɔlɛ yuɛmalenu nya yé dé ka bié a va ka dan kɛlɛ lɛ lélikɔn valé Balebanmunu gɔnɔ sauun nya Bale banle we gi, lélifɛ lé é sɔ Kazambale lɛ Jézu lé we ma, a nya.

1 Piɛri 4:10

Blɛ lé ka a ye, ka faa do do ’é mi bɛnu mawenu kɛlɛ a nya, yé ’ka kɛlɛ Kazambale lé zin gɔnɔ faa gulizannu nya é zima.

1 Piɛri 4:16

Naa, dé mian kle ble ’é kɛlɛle Krétiɛn nya lé we ma, té yara ’é ’bɛzan gyɛ ’bɛ we ma lo, naa, ’é Kazambale tɔ bɔ Krétiɛn tɔ lé we ma.

1 Piɛri 5:11

Plɛplɛ a yee ɛ lee, lɛɛfaama, a glɛ ’ka lo. Amɛɛn.

SEBE LÉ JUD A GYE (Épitre de Jude) 1:25

Bale lé é ke Bale do kpen nya, ’té é ke kaa Bélizan nya Kaazan Jézu Krist lé we ma, yee Bale bɛ, tɔbɔle valé fuasan koo, gla valé plɛplɛ koo, wa yee ɛ lee, bléyi faa lé ke é kyɛn koo, lao bléyi koo, bléyi faa lé wo dan da lɛ bɛ, ’bɛ koo, wo gi. Amɛɛn.