1 Piɛri 4:10 - Kazambale lé Sebe Sauunu 1979

¹⁰ Blɛ lé ka a ye, ka faa do do ’é mi bɛnu mawenu kɛlɛ a nya, yé ’ka kɛlɛ Kazambale lé zin gɔnɔ faa gulizannu nya é zima.

1 Piɛri 4:10 ပူးပေါင်းရင်းမြစ်များ

Matio 20:28

’Ko zo lé maa blami Be da. An ’ka da lɛ léé, munu an mawe kɛlɛ lo, an da munu mawe kɛlɛle we gi, ’bɛ valé an gale mi kiɛre tabofɛ nya we gi.

Matio 24:14

Wo dan Kazambale plale mi nwiin lé wenéné ’ko fe lɛ tɛrɛ faa la, wenayedére nya, bɛnnu faa lɛ. A zuo, a ’wuo pla bléyi é dan bɔ lɛ.

Matio 24:21

Naa, nyanéblele é dan kɛlɛ lɛ tɔntɔn fɔɔ é sia tɛrɛ pélisia bléyi va fɔɔ yé é bɔ bléyi ’ko va, nyanéblele ’ko zoɛ ’ka tan bɔ lɛ lo, yé wo ’ka dan a zoɛ ye lɛ monomono lo.

Matio 24:45

Mi leezan yarapawelazan gikinizan lé azan a pla élé kɔngimunu nwiin léé, ’é wolé fɛblele nɔ wo lɛ a nɔbléyi nya, de léé?

Matio 25:17

A zo duo lé, mi lé é talan fié nɔ ’bɛ lɛ, ’bɛzé pa a ma talan fié é ziin.

Matio 25:44

Wo dan a zi pa lɛ an lɛ é ziin léé: Mizan, mɛ yi la lé ko i ye, dé lɔrɔgyɛzan léé, dé ’yiminilɔrɔgyɛzan léé, dé bɛn léé, dé mi porole léé, dé gyɛgyɛzan léé, dé bokɔngizan léé, a nya, yé ko ’ka bɔ lɛ i va loo?

Maak 10:45

Naa, maa blami Be ’ka da lɛ munu lé an mawe kɛlɛle we gi lo; naa, an da munu mawe kɛlɛle we gi, ’bɛ valé an gale mi kiɛre tabofɛ nya we gi.

WENÉNÉ LÉ LUK A GYE (Évangile selon Luc) 12:42

Yé Mizan léé: Mi leezan yarapawelazan gi kinizan lé azan a plaan élé kɔngimunu nwiin léé, ’é wolé fɛblele nɔ wo lɛ a nɔbléyi nya, de léé?

WENÉNÉ LÉ LUK A GYE (Évangile selon Luc) 19:13

Bɛwemalé é wuomunu vu laa yé wolé gɔɔli lé wa laama miné, ’té wa yé moné yaa nyanama ma, é a do do nɔ wo lɛ yé é lé wo lɛ léé: ’Ka go yaawo a nya fɔɔ yé an da.

WENÉNÉ LÉ LUK A GYE (Évangile selon Luc) 8:3

Érɔd leezan Suza na Jane koo, Suzane valé le bɛnu lé woo bɔa a va ’wo leefɛ nɔle nya a lɛ, ’bɛnu koo, woo lé.

Rom munu 15:25

Sin, maa dan go lɛ Jérusalɛm, bɔle Kazambale lé munu va we gi.

Rom munu 15:27

A kɛlɛle sɔ wo lɛ é zima; yé é a lé wa kɛlɛ. Naa, dé bɛnnu wozé lélifɛ zin kenu ye Juifinu va, é a lé bɛnnu ’é bɔ Juifinu va tɛrɛlawenu gi.

1 Korent munu 15:10

Maa ke fɛan nya ’ko, Kazambale lé zin ɛ an kɛlɛ a nya. Yé Kazambale ’ka élé zin sɛrɛ lɛ an ma lo, naa, an nyanama pa é baba, é mini wo faa ta. ’Té é ’ka maabozen nya lo, naa zin lé Kazambale a kɛlɛ an lɛ, yee lé.

1 Korent munu 3:10

Kazambale lé zin lé é a kɛlɛ an lɛ, a nya lé maa kɔngane vɔ bélé kɔn ninikinizan lé é we dɔɔ, a zo; ’té mi bɛ éé kɔn dɔa a ta. Ka faa do do, ’ka yuɛ pa kabozen va a dɔle a ta lé we ma.

1 Korent munu 4:7

De ɛ i kɛlɛ é yɛrama mi pɔnénu vaa? Mɛ fɛ lé bé ye iboaan? Yé dé mi bɛ a nɔ i lɛ, mɛmalé ibo ze vɔa, bélé fɛan zo lé bé ye iboan, a zoo?

2 Korɛnt Munu 6:1

Ko a Kazambale va nyanamapa béénu nya, bɛwemalé ko we plaan ka lɛ léé, Kazambale lé zin lé ka ye, té é vo ka ma é pla lo.

2 Korɛnt Munu 9:1

É ’ka lé maa sɛbɛ gyɛ ka lɛ blɛ kɛlɛle Kazambale lé munu lɛ we ma lo.

Éfez munu 3:8

Maa lé an ke Kazambale lé munu faa va mi kiéné nya, Bale zin ’ko kɛlɛ an lɛ léé, Krist lé fuawenu lé wo ’ka wo gi ’male nyaan lo, maa wolé we fe bɛn bɛnu lɛ,

Éfez munu 4:11

Alé blɛnu lé ke ’ko: é mi kenu kɛlɛ nwunvɔmunu nya; é a kenu kɛlɛ Balelayemunu nya; é a kenu kɛlɛ wenéné fezannu nya; é a kenu kɛlɛ léglizigimunu pazannu valé wepaamigizannu nya,

2 Timoté 1:18

Amalé dé Mizan lé yi blɛn bɔ, Mizan ’é zin kɛlɛ a lɛ é nyanai zénle a ta nya ma. An mawenu lé é a kɛlɛ Éfɛz, bii ɛ gi dɔɔ é zima é mini mi bɛnu lɛ.

Tite 1:7

É a lé léglizi tabinzan é kɛlɛ mi wéiin nya; é a Kazambale bɛgizan nya, azama. Té ’é kɛlɛ boblɛnzan koo, blifli?-?zan koo, nwɛminizan koo, ’wiiéwelazan koo, dabli gɔɔli yezan koo, a do kpen nya lo.

Ébrunu 6:10

Naa, Kazambale ’ka weple kɛla lo. Ka nyanama pa fɛan zo, ’bɛ sele a Kazambale gi. Ka a gɔɔn léé, Kazambale tɔ sɔ ka lɛ, alé munu mawe kɛlɛle nya fɛan zo, ’té ka a kɛlɛna tan bɛ, ’bɛ sele a a gi.

1 Piɛri 5:10

Zin faa kɛlɛ Bale, yee ɛ ka laa Jézu Krist gi élé fua lé a glɛ ’ka lo, a blele ma, dé ka nyané ble bléyi sɛ nya faa, é dan gun si lɛ ka ma, é dan ka dɔ lɛ plɛplɛ, é dan ka fuu dɔ lɛ ka ta, é dan ka dɔ lɛ gligli.

1 Piɛri 5:12

Maa a dére sɛ ’ko pana ka lɛ zia Silvɛn lé é ke an yuɛ gi yarapawela bwe nya, a lee. Maa a gyɛ we plale ka lɛ valé ka bɔn gi kinile we gi léé, Kazambale lé zin bozen a ’bɛ ɛ zo. ’Ka dɔ a ta ma.