1 Piɛri 3:9 - Kazambale lé Sebe Sauunu 1979

⁹ Té ka wenyané lɛgi pa wenyané nya lo; yé té ka sɔnɔ lɛgi pa sɔnɔ nya lo; naa, ’ka munu drɔɔ vo, alé we ma lé wo ka laa, kaboen drɔɔ vole we gi.

1 Piɛri 3:9 ပူးပေါင်းရင်းမြစ်များ

Wepélisiananu 42:25

Jozɛfu lé munu lɛ léé, ’wo wolé pulunu fan ’sa nya, yé ’wo wolé gɔɔli pa é ziin wolé pulunu gi do do, yé ’wo zia fɛblele nɔ wo lɛ. Yé wa kɛlɛ a zo.

Wegɔnévɔlenu 17:13

Mi lé éé wezin lɛgi paan wenaané nya, wenaané ’ka dan vuru lɛ alé kɔn ma lo.

Wegɔnévɔlenu 20:22

Té bé fe léé, ’é dan wenyané lɛgi pa lɛ lo. ’I bli vo Gakelebale lɛ, é dan i si lɛ we gi.

Wegɔnévɔlenu 28:10

Mi lé éé mi tegelenu saan zi naané ta, yeeboen éé diaan guru lé é a bo, a gi; naa, mi lé a dɔbɛ ke wéiin, éé fɛ zin yé élé tɔnɔ nya.

Matio 19:29

Dé miomian é daan élé fɛnu ma an tɔ lé we ma, dé alé kɔnnu léé, dé a bwenu léé, dé a burunu léé, dé a ti léé, dé a bu léé, dé a na léé, dé alé nénu léé, dé alé tɛrɛnu léé, dé miomian é daan fɛ ’konu ma an tɔ lé we ma, é dan wo lɛgi ye lɛ gɔnɔ yɔ soru, yé é dan vo lɛ é yuɛma lɛɛfaama a glɛ ’ka lo. Tɔnɔ lé é dan a ble lɛ, yee lé ke bɛ.

Matio 25:34

Yé maa minwiinzan ’é dan a fe lɛ an bɛyilazannu lɛ léé: Ka lé an Ti ka drɔɔ vo, ’ka da; tɔnɔtɛrɛ lé é a kɛlɛ kazé nya tɛrɛ pélisia bléyi va, ’ka nyana ana.

Matio 5:39

Naa, maa lé ka lɛ léé, té kazé lɛgi pa wenyanékɛlɛzan ma lo. Dé mi i bɛyila blin gyɛ, bé koɛzan nɔla a lɛ.

Matio 5:44

Naa, maa lé ka lɛ léé: Ka nyanézannu ’é sɔ ka lɛ ma; munu lé woo bale paan ka ma, ’ka wo drɔɔ vo ma; ’ka wezin kɛlɛ ka zapamunu lɛ ma; munu lé woo nyané valé kle paan ka ta, ’ka bazoro wolé we ma ma.

Maak 10:17

Dé Jézu a zi siana, gɔné do da vlan nya a va, yé é zun é powuo la a ’lɛ, yé é we laa a lee léé: Anzan zin, maa kɛla kaa yé an vo é yuɛma lɛɛfaama yé a glɛ ’ka dɔa loo?

WENÉNÉ LÉ LUK A GYE (Évangile selon Luc) 10:25

Bélidɔwedɔɔzan do nwa yé é Jézu gi dan a fele nya léé: Anzan, maa kɛla kaa yé an vo é yuɛma lɛɛfaama yé a glɛ ’ka dɔa loo?

WENÉNÉ LÉ LUK A GYE (Évangile selon Luc) 18:18

Minwiinzan do we laa Jézu lee léé: Anzan zin, maa kɛla kaa yé an vo é yuɛma lɛɛfaama yé a glɛ ’ka dɔa loo?

Rom munu 12:14

Munu lé woo nyané paan ka ta, ’ka wo drɔɔ vo. ’Ka wo drɔɔ vo, té ka bale pa wo ma lo.

Rom munu 12:17

Té ka wenyané lɛgi pa mi do kpen ma wenyané nya lo; we lé é ke é zima mi faa yuɛ gi, ’ka yee ɛ nagini ma.

Rom munu 8:28

Yé kaa gi dɔɔ léé, munu lé Kazambale éé sɔa wo lɛ, ’té Bale wo laa ’é bɔn‐in danle yɛrama bɛ, we faa lé éé bɔa wo ma, Kazambale a nɔlaan wo ma wezin nya.

Rom munu 8:30

Yé munu lé é wo dɔ é kyɛn, é wo laa é ziin; yé munu lé é wo laa bɛ, é wo kɛlɛ tegele é ziin; yé munu lé é wo kɛlɛ tegele bɛ, é wo tɔ kɛlɛ blɛn é ziin.

Galasi munu 3:14

Wean ma lé we ’konu faa bɔ, yee lé é ke ’ko: Abraam drɔɔvole kɛlɛle é ziin bɛnnu zé nya Jézu Krist gi we ma, é valé Kazambale Léli lé, wa nɔle we fe é kyɛn bɛ, kaalé a yele blipale nya we ma.

Éfez munu 4:32

’Ka kɛlɛ ka ke ma mi zinnu nya, é valé mi ma wedɔɔzannu nya, yé ’ka ka ke ma we vo, bélé fɛan zo lé Kazambale ka ma we vo Krist gi, a zo.

1 Tɛsalɔnik munu 5:15

’Ka yuɛ pa kabozen va léé, té mi do é wenyané lɛgi pa é bɔluzan ma wenyané nya lo. Naa, ’ka yara pa wezin kɛlɛle ta ka ke lɛ, é valé munu faa lɛ.

Ébrunu 12:17

Ka a gi dɔɔ léé, é voéla é sɔ aan wo Ézau lɛ léé, ’é ti ’é drɔɔ vo, é a ma laa yuɛyi bɔrale nyaoo, wean éé ’bɛ kɛla yé a ti é dére nɔla, é ’ka ’bɛ ye lɛ lo, yé wo sɔn vɔ a ma duowo.

Ébrunu 6:14

yé é léé: Weboen nya, maa dan i drɔɔ vo lɛ é baba, yé maa dan i kulu kɛlɛ lɛ di.

1 Piɛri 5:10

Zin faa kɛlɛ Bale, yee ɛ ka laa Jézu Krist gi élé fua lé a glɛ ’ka lo, a blele ma, dé ka nyané ble bléyi sɛ nya faa, é dan gun si lɛ ka ma, é dan ka dɔ lɛ plɛplɛ, é dan ka fuu dɔ lɛ ka ta, é dan ka dɔ lɛ gligli.

1 Samuɛl 26:11

Gakelebale tɔ nya, an bɛ nwale Gakelebale lé nyɔnɔzénnwiinzan ma, ’bɛ a an ma baa. Din lé ke a ’wuoplalafɛ sɔnɔ, é valé ’yi kuo, ’i ’bɛ sia ’wo go.