1 Piɛri 3:8 - Kazambale lé Sebe Sauunu 1979

⁸ A lɛ sɔɔ dére lé é ke léé, ka faa lé gibɔrɔle ’é kɛlɛ do; ka faa bli ’é kɛlɛ do; ka bwenu ’é sɔ ka lɛ; ka nyanai ’é zén; ’kabo kɛlɛ kiéné.

1 Piɛri 3:8 ပူးပေါင်းရင်းမြစ်များ

Lɛrɛvɔ Sɛbɛ 103:13

Fɛan zo lé né ti nyanai éé zén‐é élé nénu ta, A zo lé Gakelebale nyanai éé zén‐é munu lé woo kanaan a lee, wo ta.

Wegɔnévɔlenu 28:8

Mi lé élé fɛnu gi gya tɔnɔ yele élé gɔɔli ma valé a pale a ma we ma, éé wo tééan mi lé a nyanai éé zén‐é nyanégyɛzannu ta, azé nya.

Zakari 7:9

Lai sunyanu lé Gakelebale a fé turu léma: ’Ka we tegele kɛlɛ weboen nya, ’ka wezin kɛlɛ ka ke lɛ yé ka nyanai ’é zén ka ke ta.

Matio 18:33

É ’ka lé i nyanai é zén é ziin i bɔluzan ta, fɛan zo lé an nyanai zén i ta, a zo loo?

WENÉNÉ LÉ LUK A GYE (Évangile selon Luc) 10:33

Naa, Samarizan do lé é ke ta la, ’bɛ bɔ ana yé ’bɛ gɔnézan ye aan wo, ’bɛ nyanai zén a ta.

Kelewenu 2:1

Juifinu lé fɛti lé wa kɛla Taboyi zuo yi yɔ fié wɔlɛ vu, ’té wa laama Pantekot bɛ, a yi bɔ aan wo, ’té wa é zénle ékeva yee fɛ duona.

Kelewenu 27:3

’Bɛ é tu kini, ko bɔ Sidɔn. ’Té Julius éé Pɔl paan é zima, yé é zi nɔ a lɛ léé, ’é go ’é béénu va, ’té ’bɛnu éé wezin kɛla a lɛ.

Kelewenu 28:7

Wɛyi worona tɛrɛ ’ko, wazan laama Publius; alé tɛrɛnu a fɛkona zi. É ko si bɛn nya yé é ko yia é va yi yaa bélé é béénu zo.

Kelewenu 4:32

Mi gu lé wo bli ke Jézu lɛ, wo bli valé wo gibɔrɔle a do. Wo va mi do ’ka a fé léé, ézé fɛ ɛ ke ’ko lo, naa, wolé fɛnu faa vo ékeva.

Rom munu 12:10

Ka bwenu ’é sɔ ka lɛ tegele ma. ’Ka ka bɔluzan kɛlɛ blɛn é mini kaboen ta.

Rom munu 15:5

Kazambale lé éé mi bli kɛla tiéé, ’té éé mi tɔrɔ paan, ’é ka bli kɛlɛ ékeva do ma, Jézu Krist zé zo, léé,

1 Korent munu 1:10

Bwenu, maa we plaan ka lɛ Kaazan Jézu Krist tɔ gi, ka dére ’é kɛlɛ do. Té ka gɔnɔ kini monomono lo, naa, ka faa ’é vo ékeva tegele bli do valé gibɔrɔle do nya.

1 Korent munu 12:26

Yé dé kɔlɛvafɛ do a nyané blena, ’té kɔlɛvafɛnu faa éé nyané blé a va. Yé dé wo kɔlɛvafɛ do tɔ bɔ, ’té kɔlɛvafɛnu faa gi éé nanaan a va.

Éfez munu 4:2

’ka tawo bo kɛlɛle kiéné koo, bli drɔɔ koo, bli tiéé koo, wo nya; ’ka ’wuo dɔ ka ke wuo sɔlɛle nya;

Éfez munu 4:31

We nyanale koo, zapale koo, bliflile koo, zɔdɔle koo, mitɔsɛrɛwe koo, we lɛrɛlɛrɛ gɔnɔ faa koo, woo faa ’é si ka méléna ma.

Éfez munu 4:32

’Ka kɛlɛ ka ke ma mi zinnu nya, é valé mi ma wedɔɔzannu nya, yé ’ka ka ke ma we vo, bélé fɛan zo lé Kazambale ka ma we vo Krist gi, a zo.

Filip munu 2:3

Té ka we do kpen kɛlɛ zakɛlɛle valé kabozen ze vɔle nya lo, naa, ’kabo kɛlɛ kiéné yé ’ka mi bɛnu ye blɛn é mini kabozen ta.

Filip munu 3:16

Naa, é a lé kaa tawo we faa lé kaa a dɔɔ, a yɛrama.

Kolɔs munu 3:12

Bɛwemalé, ’kaa lé Kazambale ka si a va ézé nya, mi sauun valé Bale sɔlɛzannu nya, nyanaizénbli koo, wezin koo, bo kiéné koo, bli drɔɔ koo, bli tiéé koo, ’ka wo zén ka ta bélé sɔ zo ma.

Ébrunu 13:1

’Ka yara pa bwenu lɔrɔpale ta.

SEBE LÉ JAK A GYE (Épitre de Jacques) 2:13

Mian a nyanai ’ka zén‐é lo, mi nyanai ’ka zén‐é ’bɛzan ta alé weblena lo. Nyanai zénle éé weblele keleé.

SEBE LÉ JAK A GYE (Épitre de Jacques) 3:17

Wedɔɔle lé éé sié la gi, é a é vinin sauun, ’bɛ zuo é a drɔɔ, é ébo kunwoo, éé mi bli dɔralaan, a nyanai éé zén‐é é baba, a ma tɔnɔ a di, é ’ka glɛ dɔa mi gi lo, é ’ka ébo drɔan lo.

SEBE LÉ JAK A GYE (Épitre de Jacques) 5:11

Ka ye, munu lé, wo nyané ble bli tiéé nya, ko fé léé, wozé a néné é baba. Ka Job lé bli tiéé we zuo fele ’ma; yé Mizambale alé we kɛlɛ fɛan zo é voéla, ka ’bɛ ye, naa, Mizambale éé mi mawe dɔɔan é baba yé a nyanai éé zén‐é mi ta di.

1 Piɛri 1:22

Webozen lɛdɔmale nya lé ka boen kɛlɛ wéiin, ka sɔle ka ke lɛ tegele bélé bwenu zo we gi, amale sin, ’ka sɔ ka ke lɛ é baba, ka bli faa nya ma.

1 Piɛri 2:17

’Ka munu faa lɛdɔma; ’ka ka bwenu lɔrɔ pa; ’ka kana Kazambale lee; ’ka minwiinzan lɛdɔma.

1 Piɛri 5:5

É ziin, ’kaa mi boronénu, ’ka pla mi segelenu wuo. Yé ’kaa faa, ’ka ka ke kun é zima we faa gi, bo kɛlɛle kiéné nya, naa, Kazambale éé dɔa boblɛnmunu ma, Yé éé zin kɛla bokiénémunu lɛ.

2 Piɛri 1:7

yé ’ka bwenu va sɔlɛle pa Bale lé zi sɔle ka lɛ va, yé ’ka mi lɔrɔ pale pa bwenu va sɔlɛle va.

1 Jan 3:14

Bwenu sɔ kaa lɛ, bɛwemalé kaa a gi dɔɔ léé, kaa si gale va yé kaa go vole é yuɛma va. Mian sɔlɛle ’ka a gi lo, ’bɛzan a ga wuo.