1 Piɛri 3:4 - Kazambale lé Sebe Sauunu 1979

⁴ naa, ’lɛrɛfɛ lé é ke é yɔɔle mi gi, ’té é ’ka sɛra lo, ’ka ’lɛrɛ ’bɛ nya. Yee lé ke bli zin valé bli drɔɔ nya. Yee ɛ ke fɛwezan nya Kazambale yuɛ gi.

1 Piɛri 3:4 ပူးပေါင်းရင်းမြစ်များ

Lɛrɛvɔ Sɛbɛ 131:2

Naa, an boen a drɔɔ; we do ’ka a ma lo, Maa a bélé né lé wa si nyɔ ma, ’té é a é bu sɔnɔ, a zo; An boen a bélé né lé wa si nyɔ ma, a zo.

Lɛrɛvɔ Sɛbɛ 147:6

Gakelebale éé wenaanébɔmazannu kunwo é zima, Éé wenyanékɛlɛzannu zunwo fɔɔ tɛrɛ va.

Lɛrɛvɔ Sɛbɛ 149:4

Naa, Gakelebale lé munu sɔ ’é lɛ, Wenaanébɔmazan tɔ é dan vɔ lɛ munu va, Bale lé wo bélile we ma.

Lɛrɛvɔ Sɛbɛ 25:9

Éé goo bokiénézannu nya wetegele lé zia, Éé élé zi tawe paan bokiénézannu gi.

Lɛrɛvɔ Sɛbɛ 45:13

Munu lé wo fua ble é baba, wo dan da lɛ blɛnu nya Tii tɛrɛla blɛnzan lɛ léé, a bli ’é kɛlɛ wo ma é zin.

Lɛrɛvɔ Sɛbɛ 51:6

Maa wenyané kɛlɛ bii do ɛ ma; Yé we lé é ke é naané i yuɛ gi, maa a kɛlɛ, Amalé i we ’wuo dɔa tegele, Gun ’ka ilé weblele ma lo.

Ézai 11:4

Naa, é dan nyanégyɛmunu lé we ble lɛ é boen ma; Yé é dan tɛrɛ la nyanaizénlamunu lé we gi bɔi lɛ tegele; É dan tɛrɛlamunu bla lɛ é dére nya bélé vlewɔlɛ zo, Yé é dan mi nyanénu gyɛ lɛ ’é ’léé fu nya.

Ézai 29:19

Wenaanébɔmazannu gi nanale lɛ é dan si lɛ Gakelebale lé we ma, yé Izraɛl lé Mi Sauun é dan kɛlɛ lɛ nyanégyɛzannu lé ginanamazan nya.

Ézai 57:15

Loruzan lé a nyanana ke ana lɛɛfaama, ’té a tɔ ke sauun, é léma: An nyanaan fɛna lorunu na, fɛna sauun na, naa, an nyanaan é ziin, mi lé a bli kyɛ ke é dɔle, ’té ébo kɛlɛ kiéné, a va, léé, maa fuu dɔ bokiénézan ta, yé maa blikyɛdɔzan tɔrɔ paa.

Ézai 61:1

Mizan Gakelebale Léli a an ta, Naa, Gakelebale an suu nyɔnɔ nya, anlé wenéné fele we tɔntɔn?-?bɔmazannu lɛ we ma. É an pa zia, munu lé blikyɛdɔwe blɛn bɔ wo ma, wo bélile we ma; A fele luugimunu valé bokɔngimunu lɛ léé, Wo vo woboma.

Jérémi 51:59

Balelayezan Jérémi we do bɛ pa Maséja be Nérija be Séraja lee, bléyian va lé wo go Babilɔn Judanu nwiinzan blɛn Sédésias nya, Sédésias plale munu nwiin lɛɛ ziɛnzan nya, ’bɛ bléyi va. Naa, Séraja a Sédésias leemunu nwiinzan nya.

Matio 11:29

Maa a bli drɔɔzan nya, yé maa a bo?-?kiénézan nya an bli gi, bɛwemalé ’ka kɛlɛ an va wedraanzannu nya, yé ’ka anlé we draan yé maa dan flinle nɔ lɛ ka boen lɛ.

Matio 21:5

’Ka fe Siɔn munu lɛ léé: Ka ye, ka nwiinzan da ka va É gi drɔɔ nya, ’té é a é nyanale sokofale tina ta, Kɔnésiwi lé né ta.

Matio 23:26

Farizimi yuɛwiizan. ’I ’yiminikana valé fɛblekana gi foli é vinin, yé a lala é dan kɛlɛ lɛ é zima.

Matio 5:5

Mi drɔɔnu a bɛan ’bɛ gi bɛ, ’bɛ a é zima wozé nya, naa, tɛrɛ é dan kɛlɛ lɛ wozé nya.

WENÉNÉ LÉ LUK A GYE (Évangile selon Luc) 11:40

’Tugyɛzannu! Mi lé é fɛ lala kɛlɛ, é ’ka a gi kɛlɛ lɛ é ziin loo?

WENÉNÉ LÉ LUK A GYE (Évangile selon Luc) 16:15

Jézu lé wo lɛ léé: Ka a a va léé, ’wolé we ’é kɛlɛ tegele munu yuɛ gi, naa, Kazambale ka bli dɔɔ; fɛ lé é ke fɛ blɛn nya munu yuɛ gi, é a bélé bo zo Kazambale yuɛ gi.

Rom munu 1:23

yé Bale lé é ’ka gaan lo, wo alé fuasan tavɔɔ mi lé ’bɛ éé gaan, a yili nya, ’bɛ valé mianénu koo, ganelawinu koo, tawoplɛlawinu koo, wo yili nya.

Rom munu 2:29

Naa, mi a Juifi mi nya é bɔn gi, yé ganedɔle a we lé éé kɛla mi bli gi, a nya, léli yɛrama, é ’ka sɛbɛ yɛrama lo. Juifi mi ’ko tɔ zin fele ’ka sié munu va lo, éé sié Kazambale va.

Rom munu 6:6

kaa gi dɔɔ léé, kaalé blami dɔbɛ a é gyɛle yili la Krist va, kɔlɛ lé wenyané ke nyanama pana a nya, a gale kaa ma we gi, léé, té kaa kɛlɛ wenyané lé luu nya é dɛrɛ lo;

Rom munu 7:22

Kazambale lé bélidɔwe sɔ an gi bli lɛ;

2 Korɛnt Munu 10:1

Maa Pɔl lé ka fe an ma léé, dé maa a ’wo va maa a bo?-?kiénézan nya, yé dé maa si ’wo va an bli a ’wo ma tɔntɔn, maa zanté vɔ ka lɛ Krist lé drɔɔ valé alé zin we ma.

2 Korɛnt Munu 4:16

Bɛwemalé ko fuu ’ka sié ko ta lo. Dé ko kɔlɛ a gana ko maoo, mi lé é ke ko gi, ’té éé nɔlaan é boroné nya yi faa do do ma.

Galasi munu 5:23

bli drɔɔ koo, kɛlɛle i kɔlɛzan nya koo, woo lé. Bélidɔwe ’ka we ’konu ma lo.

Éfez munu 4:2

’ka tawo bo kɛlɛle kiéné koo, bli drɔɔ koo, bli tiéé koo, wo nya; ’ka ’wuo dɔ ka ke wuo sɔlɛle nya;

Kolɔs munu 3:12

Bɛwemalé, ’kaa lé Kazambale ka si a va ézé nya, mi sauun valé Bale sɔlɛzannu nya, nyanaizénbli koo, wezin koo, bo kiéné koo, bli drɔɔ koo, bli tiéé koo, ’ka wo zén ka ta bélé sɔ zo ma.

Kolɔs munu 3:3

Naa, ka a é gale, yé kalé vole é yuɛma a é yɔɔle Krist va Kazambale gi.

1 Tɛsalɔnik munu 4:11

yé ka bli ’é bɔ we ’konu ma ma: ’ka vo drɔɔ, ’ka yara pa kabozen lé we ɛ ta, ’ka nyanama pa kabo bɛ nya, ko fe ka lɛ fɛan zo é kyɛn bɛ, a zo.

2 Tɛsalɔnik munu 3:12

Ko we plaan ’bɛ zoɛ munu faa lɛ, ’té ko wo tunuan Mizan Jézu Krist tɔ nya léé, ’wobo kun, ’wo nyanama pa yifaama, yé ’wobo lé fɛ ble.

1 Timoté 2:2

minwiinzan blɛnnu koo, minwiinmunu koo, wo tɔ ma, ko nyanale duaa koboma we gi, ’té Kazambale lé zi éé sɔa ko lɛ, ’té ko we drɔle kɛla.

2 Timoté 2:25

Munu lé woo za vɔa a lɔ ma, é a lé é we pla wo lɛ bli drɔɔ nya, ’té a bli a a lɛ léé, Kazambale é dan wo bli nɔla lɛ yé wo webozen dɔɔ,

Tite 3:2

té wo mi do tɔ sɛrɛ lo; ’wo kɛlɛ mi drɔɔnu nya; ’wo kɛlɛ mi bli dɔralazannu nya; ’wo kɛlɛ bli drɔɔzannu nya munu faa va.

SEBE LÉ JAK A GYE (Épitre de Jacques) 1:21

Bɛwemalé, ’ka daan we tiridɔle faa valé miblifliwe faa kɛlɛle ma, yé Kazambale dére lé wa vɔ ka bli gi, ’té éé bɔa ka sile lɛ we gi bɛ, ’ka ’bɛ si bli drɔɔ nya.

1 Piɛri 1:23

Naa, wo ’ka ka yaa lɛ é dɛrɛ fɛwɔlɛ lé éé vɔn‐o, a nya lo, wo ka yaa é dɛrɛ fɛwɔlɛ lé é ’ka vɔn‐o lo, a nya, Kazambale dére yuɛmale lé éé voo lɛɛfaama, a nya.

1 Piɛri 3:15

naa, ’ka Krist pa é yɛrama ka bli gi Kazan nya. We lé ka bli ke a lɛ, dé miomian é a gi laa ka lee, ’ka gi fe a lɛ. ’Ka a fe bli drɔɔ valé kanale nya,

1 Samuɛl 16:7

Gakelebale lé Samuɛl lɛ léé: Dé é a gɔné dɔbɛ gioo, dé é a grɔgrɔoo, té i bɔn‐in bɔrɔ ’bɛ ma lo, naa, an sɔn vɔ a ma. We lé é dɔ mi gi, é ’ka Gakelebale gi ’bɛ zo lo; fɛ lé mi a yé é yuɛ nya, yee lé é a naginian, naa, Gakelebale éé mi bli ɛ naginian.