1 Piɛri 3:21 - Kazambale lé Sebe Sauunu 1979

²¹ ’Yi ’ko a batizé lé éé ka sié we gi sin, a tɔmase nya. Batizé ’ka ka kɔlɛ zurule we nya lo, dé kalé wevasibli ’ka we dɔa ka nwiin Kazambale yara lo, yee lé ke batizé nya, yé é ka sié we gi Jézu Krist nwale gale va nya.

1 Piɛri 3:21 ပူးပေါင်းရင်းမြစ်များ

Zakari 13:1

’Bɛ yi la, ’yi’wuo do é dan fɔn lɛ David lé munu valé Jérusalɛm munu zé nya, wenyané valé mi tiridɔwenu lé we ma.

Matio 28:19

’Ka go, ’ka bɛnnu faa kɛlɛ an zuomunu nya, yé ’ka wo batizéwo Ti koo, Be koo, Léli Sauun koo, wo tɔ gi,

Maak 16:16

Mian é bli vo a lɛ yé wa batizéwo, é dan si lɛ we gi. Mian é ’ka é bli vo lɛ a lɛ lo, alé we é dan a gyɛ lɛ.

WENÉNÉ LE JAN A GYE (Évangile selon Jean) 13:9

Simɔn Piɛri lé a lɛ léé: Mizan, té i an gane ma saa foli lo; ’i an bɛ valé an ’wuo ma foli é ziin.

Kelewenu 16:33

A bléyi duo nya é béli bokɔnzan go wo nya é va yé é wo tuonanu paa yé wo yee valé élé munu batizéwo ana bɛ.

Kelewenu 2:38

Piɛri lé wo lɛ léé: ’Ka bli nɔla ma, yé ’wo ka faa batizéwo Jézu Krist tɔ nya, Bale lé ka ma we vole we gi, yé ka dan Léli Sauun ye lɛ blɛ nya.

Kelewenu 22:16

Yé sin, i a mɛ fɛ lɛbɛnnaa? ’I nwa, ’wo i batizéwo yé ’i Mizan tɔ laa yé ilé wenyanénu é si i lee.

Kelewenu 8:36

Wa gona aan wo yé wo bɔ ’yi ma. Miblale léé: ’Yi lo; mɛ fɛ ɛ yi ga an lee léé, té wo an batizéwo loo?

Kelewenu 8:37

Filip léé: Dé i bli vo Jézu lɛ tegele we ’ko nyi éé sié. Miblale léé: An bli vo Jézu Krist lɛ léé, é a Bale Be nya.

Rom munu 5:14

É sia Adam bléyi va fɔɔ yé é bɔ Moizi bléyi va, ’té ga a mi nwiin duowo; dé munu ’ka wenyané kɛlɛ lɛ bélé Adam zé zo looo, ’té ga a mi nwiin duowo; yé Adam a mi lé é dan da lɛ bɛ, azan tɔmase nya.

1 Korent munu 12:13

Kazambale Léli do kpen nya lé wo kaa faa batizéwo kɛlɛle kɔlɛ do kpen nya we ma; dé ko a Grɛkinu nyaoo, dé ko a luu nyaoo, dé ko a miné nyaoo, yee Léli do kpen lé kaa faa a mini bélé ’yi zo.

1 Korent munu 4:6

Bwenu, kalé we ma lé maa we ’konu dan maa valé Apolɔs ma, we paale ka gi we ma léé, té ka gié we lé wa gyɛ sɛbɛ gi, a ta lo; té ka kabo kɛlɛ blɛn mi do tɔ gi lo, ’té ka sɔn vɔa mi do ma lo.

2 Korɛnt Munu 1:12

Ko tɔzinfemawe lé ke ’ko: kolé wevasibli a kolé wenayezan nya léé, ka valé tɛrɛlamunu va, ko giébɛ a sauun valé wéiin Kazambale yuɛ gi. Ko ’ka gié lɛ ka méléna tɛrɛ la wedɔɔle nya lo; Kazambale lé zin nya lé ko gié.

2 Korɛnt Munu 7:1

An sɔlɛzannu, blivolɛdére ’ko zonu a kaa lee, amalé kaa dɔbɛ kyɛn ma tiridɔfɛnu valé léli ma tiridɔfɛnu faa si kaa ma ma, kaa kɛlɛle sauun lɛsɔɔle we ma, kanale Kazambale lee nya.

Galasi munu 3:27

Ka faa lé wo ka batizéwo Krist gi, ka Krist zén ka ta sɔ zo.

Éfez munu 5:26

a kɛlɛle sauun we gi, yé é a gi bɔ ’yi valé é dére nya.

Kolɔs munu 2:12

Wo ka pa ékeva wo nya ka batizéwole nya, yé batizé nya lé ka nwa ékeva wo nya gamunu va, Kazambale lé é Jézu nwa gamunu va, ka bli vole alé plɛplɛ lɛ we ma.

1 Timoté 1:5

Wean ma lé maa a fe, yee lé ke ’ko: é a lé sɔlɛle é kɛlɛ ka gi; sɔlɛle lé éé sié bli gibɔle koo, wevasibli zima koo, blipale bozen koo, wo va, yee lé.

1 Timoté 6:12

’I guli dan, guli zin lé wa daan blipale nya, a nya; vole é yuɛma lé a glɛ ’ka lo, ’bé kun kli. A yele we ma lé Bale i laa, ’té i dɔ a ta munu kiɛre yuɛ va bɛ, yee lé.

Ébrunu 10:22

Bɛwemalé kaa bié bli do valé blipale bozen nya ma, ’té kaa bli gi a fu, ’té gi kɔun ’ka kaa ma lo, ’té kaa kɔlɛ a é zurule ’yi zima nya.

Ébrunu 11:19

É dɔ Abraam gi léé, Kazambale a plɛplɛ fɔɔ yé é munu nwa gale va, amalé é be ye é ziin é yuɛma bélé é nwa é wo gale va.

Ébrunu 13:18

’Ka bazoro kolé we ma; é sɔ ko lɛ léé, ko we faa kɛlɛ tegele, amalé é dɔ ko gi léé, kolé wevasibli ’ka we dɔna ko nwiin lo.

Ébrunu 9:14

’té Krist nyɛ nii? ’Bɛzé ’ka minié loo? Léli lé é ’ka gaan lo, ’bɛ nya lé ébo nɔ Kazambale lɛ saraka lé gun ’ka a ma lo, a nya. Kaa kɛlɛwenu lé wo tɔnɔ ’ka lo, a nyɛ ’ka dan wo si lɛ kaalé wevasibli gi yé kaa kɛlɛ Bale yuɛmale bɔzannu nya loo?

Ébrunu 9:24

Fɛna sauun lé mi a kɛlɛ fɛ boen zuosonafɛ nya, Krist ’ka wɔra lɛ ’bɛna lo. É wɔra la bozen gi yé ébo dɔ Kazambale yara sin kaalé we gi.

1 Piɛri 1:3

Kaazan Jézu Krist Ti lé ke é ziin alé Bale nya, a drɔɔ ’é vo ma. A nyanai zén kaa ta é baba amalé é kaa yaa é dɛrɛ Jézu Krist nwale gamunu va nya, léé, kaa bli vole we lɛ ’é kɛlɛ bli vole we lɛ bozen nya.

1 Piɛri 3:16

’té kalé wevasibli ’ka we dɔa ka nwiin lo. ’Ka kɛlɛ ’bɛ zo, yé dé munu ka tɔ sɛrɛ, yara é dan kalé Krist zuo tawobɛ sɔnɔzannu gyɛ lɛ.