1 Piɛri 3:18 - Kazambale lé Sebe Sauunu 1979

¹⁸ Krist é ziin, é nyané ble wenyané ma gɔnɔ do; yee, Mi Tegele, é nyané ble mi plenu lé we gi, gole ka nya Kazambale va we ma; dé é a a kɔlɛ nya, ’bɛ ga, yé dé é a a léli nya, ’bɛ béli;

1 Piɛri 3:18 ပူးပေါင်းရင်းမြစ်များ

Daniɛl 9:26

Flɛyi yɔ yaa wɔlɛ fié ’konu giéle zuo, wo dan Nyɔnɔzénnwiinzan gyɛ lɛ yé a pagizan ’ka dan ye lɛ lo. Minwiinzan do é dan da lɛ yé alé munu é dan fla valé fɛna plɛplɛ kɛlɛ lɛ é ’bin nya yé azé nyaale é dan kɛlɛ lɛ bélé ’yiyoro plɛplɛ zo. Naa wa fe léé, wo dan vo lɛ é sɛrɛle fɔɔ yé gulidanle é nyaa, a zo.

Zakari 9:9

Siɔn munu, ka gi ’é nana. Jérusalɛm munu, ’ka siaa ginanale nya. Ka yua, ka nwiinzan blɛn a dana ka va; É a tegele yé guliwuo a é vole a lee, É a bo kiénézan nya, yé é a é vɔle sokofale punu, Sokofale tina lé né punu.

Mi Nɔnɔle 7:15

dirigɔné boroné do koo, ’blagɔné do koo, lɛɛ do ’blané koo, é ’bɛnu nɔ balebanwi lé wa kyɛ blé, a nya;

Matio 27:19

É a é nyanale fɛana lé woo we blé, ana, yé a na we do pa a lɛ zia léé: Té i wɔra mi tegele ’ko lé we gi lo. Kyɔ an nyané ble é baba nyɛ fla alé we ma.

Matio 27:24

Pilat a ye aan wo léé, wo ’ka ’é dére nyi sina lo, yé wele wooo gi gyɛ, é ’yi si yé é bɛ ma foli mi gu yuɛ va yé é léma: Mi tegele ’ko, an bɛ ’ka ’bɛ nyɛ wuo lo. Kalé we ’bɛ.

WENÉNÉ LE JAN A GYE (Évangile selon Jean) 16:10

yé maa dan go lɛ an Ti va yé ka ’ka dan an ye lɛ é dɛrɛ lo, bɛwemalé we lé é ke we tegele nya, é dan wo bɔn‐in kini lɛ ’bɛ lé we ma;

Kelewenu 22:14

Yé é léé: Ko tranu zé Bale i si a va léé, ’i élé blibɔmawe dɔɔ, yé ’i Mi Tegele ye, yé ’i yeebozen dére ’ma.

Kelewenu 3:14

Ka sɔn vɔ Mi Sauun lé é ke tegele, a ma, yé ka a laa Pilat lee léé, ’é wezin kɛlɛ ’wo lɛ migyɛzan bɔrale nya bokɔn gi ’wo lɛ.

Rom munu 1:4

naa, dé é a a léli sauun nya, é a Kazambale Be nya; plɛplɛ lé é nwa a nya gamunu va, ’bɛ a nagɔɔn.

Rom munu 4:25

Kaalé wesɛrɛle ma lé Bale Jézu nɔ ga lɛ, yé é nwa gale va kaa kɛlɛle tegele we ma.

Rom munu 5:2

Kolé blipale ma lé Jézu ko wɔra Bale lé zin ’ko lé, ko ke é dɔle a gi gligli ’ko, a gi, yé ko gi a nanana léé, ko bli a Kazambale lé fuasan yele lɛ.

Rom munu 8:11

Mi lé é Jézu nwa gamunu va, dé ’bɛzan Léli a é nyanale ka gi, ’té mi lé é Krist nwa gamunu va é dan kalé gakɔlɛ béli lɛ é ziin, a Léli lé é ke é nyanale ka gi bɛ, a nya.

Rom munu 8:3

Kaa dɔbɛ kyɛn bélidɔwe tua, amalé we lé bélidɔwe ’ka bɔa a kɛlɛle lɛ lo, Kazambale a kɛlɛ. É a kɛlɛ fɛan zo, yee lé ke ’ko: ébozen Be pa zia wenyané ma ban nya kɔlɛ lé é ke bélé kaalé wenyanékɔlɛ zo, a gi; ’bɛ kɛlɛlɛ nya lé é wenyané lɛgama mi dɔbɛ kyɛn gi.

2 Korɛnt Munu 1:24

Ko ’ka kalé blipale zavɔna lo, ka bli a we lɛ tegele, naa, é sɔ ko lɛ léé, ko bɔ ka va yé kalé gi nanale ’é kɛlɛ blɛn.

2 Korɛnt Munu 13:4

Wezen lé, é kɛlɛ tɔɔtɔɔ yé wa gyɛ yiliblan ta, naa, é a é yuɛma Kazambale lé plɛplɛ nya; ko é ziin, ko a tɔɔtɔɔ a gi, naa, ko dan vo lɛ é yuɛma wo nya kalé we ma, Kazambale lé plɛplɛ nya.

2 Korɛnt Munu 5:21

Krist lé é ’ka wenyané dɔɔ lɛ monomono lo, Bale a kinin wenyané nya kolé we ma, léé, Kazambale ’é ko kɛlɛ tegele bélé ’é zo Krist gi.

Galasi munu 1:4

Naa, Krist ébozen nɔ kaalé wenyanénu ma, kaa sile bléyi nyané ’ko gi we ma. É ébo nɔ kaalé wenyanénu ma kaa Ti Bale lé blibɔmawe nya.

Galasi munu 3:13

Krist kaa tabo bélidɔwe lé balepale lee yeebozen kɛlɛle balepamazan nya kaalé we gi we ma; naa, é a é gyɛle sɛbɛ gi léé: Dé wo mian dun yiliblan ta, ’bɛzan a balepamazan nya.

Éfez munu 3:12

Jézu Krist lé we ma lé Kazambale zi nɔ kaa lɛ léé, kaa bié ’é sɔnɔ bli ta plɛplɛ nya, kaa bli vole a lɛ we ma.

Tite 2:14

Jézu ébozen nɔ kolé we gi, weple faa sile ko lee we gi, é valé ko kɛlɛle ézé munu nya we gi, munu lé é wo kɛlɛ tegele, ’té wezin kɛlɛlɔrɔ a wo ma blɛn, wo nya.

Ébrunu 10:10

Kazambale lé blibɔmawe lé é a fe bɛ, a lɛsɔɔle nya lé kaa kɛlɛ sauun; Jézu ébo kɔlɛ nɔ saraka nya gɔnɔ do kpen lɛɛ faa zé nya, azama.

Ébrunu 9:14

’té Krist nyɛ nii? ’Bɛzé ’ka minié loo? Léli lé é ’ka gaan lo, ’bɛ nya lé ébo nɔ Kazambale lɛ saraka lé gun ’ka a ma lo, a nya. Kaa kɛlɛwenu lé wo tɔnɔ ’ka lo, a nyɛ ’ka dan wo si lɛ kaalé wevasibli gi yé kaa kɛlɛ Bale yuɛmale bɔzannu nya loo?

Ébrunu 9:26

dé é a a zo, é sia tɛrɛ bɔrale ma ’té é a kɔɔn léé, Krist é nyané ble gɔnɔ kiɛre nya, naa, lao, lɛɛnu nyaana, é bɔra gɔnɔ do kpen nya, yé ébo nɔ saraka nya wenyané nyaale we gi.

Ébrunu 9:28

A zo lé Krist é ziin, é ébo nɔ gɔnɔ do kpen mi kiɛre lé wenyané nyaale we gi, yé é dan da lɛ a gɔnɔ fiézan nya; é ’ka dan da lɛ wenyané nyaale we ma lo, é dan da lɛ munu lé wo ke a lɛbɛnna, wo sile we gi we ma.

SEBE LÉ JAK A GYE (Épitre de Jacques) 5:6

Ka ga dɔ mi tegele nwiin, yé ka a gyɛ, yé é ’ka nyana vɔ lɛ lo.

1 Piɛri 3:19

a léli duo nya lé é go we fe lɛ bokɔn gi lélinu lɛ.

1 Piɛri 4:1

Krist nyané ble é kɔlɛ gi, bɛwemalé ka é ziin, gi bɔrɔle duo ’é kɛlɛ ka ’wuo gi ma. Naa, mian é nyané ble é kɔlɛ gi, é si wenyané zuo,

1 Piɛri 4:6

Bɛwemalé wo Wenéné fe é ziin gamunu lɛ, léé, dé wo wolé we ble tɛrɛlamunu lé we blele yɛrama faa, yé wo léli ’é vo é yuɛma, fɛan zo lé Kazambale ke é yuɛma, a zo.

1 Jan 1:9

Dé kaa kaalé wenyanénu fe, Bale a yarapawelazan nya yé é a tegele yé é kaa ma we voo yé éé weple faa sié kaa lee, yé é kaa kɛla tata.