1 Piɛri 3:16 - Kazambale lé Sebe Sauunu 1979

¹⁶ ’té kalé wevasibli ’ka we dɔa ka nwiin lo. ’Ka kɛlɛ ’bɛ zo, yé dé munu ka tɔ sɛrɛ, yara é dan kalé Krist zuo tawobɛ sɔnɔzannu gyɛ lɛ.

1 Piɛri 3:16 ပူးပေါင်းရင်းမြစ်များ

Daniɛl 6:4

Yé minwiinzannu valé minisinu a zi ginina léé, ’wo we dɔ Daniɛl nwiin, plale mi nwiin lé we ma. Naa, wo ’ka a kunmawe do kpen ye lɛ lo; wo ’ka gun do kpen ye lɛ a ma lo, naa, Daniɛl a yarapawelazan nya, azama. Dé é a saanwe nyaoo, dé é a wenaané nyaoo, wo ’ka a do kpen ye lɛ a ma lo.

Matio 5:11

Dé wo ka sɔnɔ anlé we maoo, dé wo kle pa ka ta anlé we maoo, dé wo ka tɔ sɛrɛ bɛ faa ma anlé we maoo, ka a bɛan ’bɛ gi bɛ, ’bɛ a é zima kazé nya.

Kelewenu 24:16

Bɛwemalé maa a anbo tununa yifaama léé, té anlé wevasibli é we dɔ an nwiin Kazambale valé munu yuɛ va lo.

Kelewenu 28:22

Naa, é sɔ ko lɛ léé, ko i bɔn gi we ’ma. Ko a gi dɔɔ léé, fɛfaana munu a palu ’ko ma guli nya.

Rom munu 9:1

An gi kyɛ éé dɔa é baba, ’té an gi bɔrɔan yifaama. Maa a Krist gi, amalé maa webozen fé, yé Léli Sauun anlé wevasibli gi kini léé, maa ’ka vié wona lo.

2 Korɛnt Munu 1:12

Ko tɔzinfemawe lé ke ’ko: kolé wevasibli a kolé wenayezan nya léé, ka valé tɛrɛlamunu va, ko giébɛ a sauun valé wéiin Kazambale yuɛ gi. Ko ’ka gié lɛ ka méléna tɛrɛ la wedɔɔle nya lo; Kazambale lé zin nya lé ko gié.

2 Korɛnt Munu 4:2

Yaragyɛwenu lé wo ’bɛnu kɛla kyeen gi, ko sɔn vɔa ’bɛnu ma. Ko giébɛ ’ka gi kinile yɛrama lo, yé ko ’ka we ke sié Kazambale Dére va lo. Naa, ko webozen fé, amalé ko kobo ma we zin fé munu faa lé wevasibli lɛ, Kazambale yuɛ va.

1 Timoté 1:19

I bli ’é vo é pale yé té ilé wevasibli é we dɔ i nwiin lo. Mi kenu ’ka wo tɔné dɔ lɛ wolé wevasibli lɛ lo, yé wobo vuru Kazambale lé we gi.

1 Timoté 1:5

Wean ma lé maa a fe, yee lé ke ’ko: é a lé sɔlɛle é kɛlɛ ka gi; sɔlɛle lé éé sié bli gibɔle koo, wevasibli zima koo, blipale bozen koo, wo va, yee lé.

2 Timoté 1:3

Bale lé an tranu a bɔ, yee lé maa a bɔa wo pa gi, ’té anlé wevasibli ’ka we dɔa an nwiin lo. Maa yee Bale bɔ vɔa bladi nyanadi yé an ’ka daan i ma bazorole ma lo;

Tite 2:8

’I we fe dére zimanu lé munu ’ka bɔa a za vɔle lɛ lo, wo nya, yé mi nyanézan ’ka bɔa wenyané do kpen fele lɛ kaa ma lo, yé yara a gyɛ.

Ébrunu 13:18

’Ka bazoro kolé we ma; é sɔ ko lɛ léé, ko we faa kɛlɛ tegele, amalé é dɔ ko gi léé, kolé wevasibli ’ka we dɔna ko nwiin lo.

Ébrunu 9:14

’té Krist nyɛ nii? ’Bɛzé ’ka minié loo? Léli lé é ’ka gaan lo, ’bɛ nya lé ébo nɔ Kazambale lɛ saraka lé gun ’ka a ma lo, a nya. Kaa kɛlɛwenu lé wo tɔnɔ ’ka lo, a nyɛ ’ka dan wo si lɛ kaalé wevasibli gi yé kaa kɛlɛ Bale yuɛmale bɔzannu nya loo?

1 Piɛri 2:12

Ka giébɛ ’é kɛlɛ é zima yolémunu worona. Wa ka tɔ sɛrɛna bélé fɛan zo lé ka a wenaanékɛlɛzannu nya, a zo, naa, dé Kazambale da wo va yian nya wo dan Kazambale tɔ zin bɔ lɛ ka kɛlɛwe zinnu yele ma.

1 Piɛri 2:15

É a Kazambale lé blibɔmawe nya léé, wezin kɛlɛle nya lé ka tavomunu lé tanyila wefele tadɔa.

1 Piɛri 2:19

Dé ka a kle blena, we lé é ’ka ka pai nya lo, a ma, dé ka gi bɔrɔ Kazambale ma yé ka ’wuo dɔ a wuo, ’bɛ a wezin nya Kazambale yuɛ gi.

1 Piɛri 3:21

’Yi ’ko a batizé lé éé ka sié we gi sin, a tɔmase nya. Batizé ’ka ka kɔlɛ zurule we nya lo, dé kalé wevasibli ’ka we dɔa ka nwiin Kazambale yara lo, yee lé ke batizé nya, yé é ka sié we gi Jézu Krist nwale gale va nya.

1 Piɛri 4:4

Sin, ’bɛ zo wenu lé mi ’ka a kɛla lo, ’té wa kɛlɛna bélé blii lé, ka péli ’ka é vɔle wo va ’bɛ kɛlɛna é dɛrɛ lo, amalé wo gi vuru, yé wa ka tɔ sɛrɛna.