1 Piɛri 3:11 - Kazambale lé Sebe Sauunu 1979

¹¹ ’É si wenyané ma baa yé ’é wezin kɛlɛ ma, ’É vole drɔɔ nagini yé ’é go a zuo ma,

1 Piɛri 3:11 ပူးပေါင်းရင်းမြစ်များ

JOB (Job) 1:1

Mi do ana Usi tɛrɛ la, wa laama Job. Mi ’ko a tegele yé alé tawobɛ a é drɔle; éé kanaan Kazambale lee, yé éé nwun zi dɔa wenaané ta.

JOB (Job) 2:3

Gakelebale lé Satan lɛ léé: I an wuozan Job yee? ’Bɛ zoɛ mi ’ka tɛrɛ la lo; mi ’ko a tegele yé alé tawobɛ a é drɔle; éé kanaan Kazambale lee, yé éé nwunzi dɔa wenaané ta. É dɔ kli élé tawobɛ drɔle gi, dɔlé ’té i an nyunu a saanle we gi é pla, ’té ’bɛ ’wuo ’ka lo.

JOB (Job) 28:28

Yé é lé blami lɛ léé: I a yé loo? Kanale Mizan lee lé ke wedɔɔle nya, Sile wenaané ma baa ɛ ke gikinile nya.

Lɛrɛvɔ Sɛbɛ 125:4

Gakelebale, ’i wezin kɛlɛ mi zinnu lɛ, Wo valé munu lé wo bli ke tegele, wo lɛ.

Lɛrɛvɔ Sɛbɛ 34:14

’I yuɛ pa ibo va wenyané fele ma; Yé ’i yuɛ pa i lɔlu va dabli dérenu fele ma;

Lɛrɛvɔ Sɛbɛ 37:27

’I yara si wenaané ta, yé ’i wezin kɛlɛ, Yé i dan nyana lɛ kli.

Wegɔnévɔlenu 16:17

Mi drɔle lé zi a paale wenaané ma nya; mi lé é ébozen tabin‐é, éé yuɛ paan é giébɛ va.

Wegɔnévɔlenu 16:6

Zin kɛlɛle valé yara pale we la éé mi lé weple ’yiboo, yé kanale Gakelebale lee ma lé woo nwun zi dɔa wenyané ta.

Wegɔnévɔlenu 3:7

Té ibozen ye wedɔɔzan nya lo; ’i kana Gakelebale lee, yé ’i yara si wenyané ta;

Matio 5:45

É a lé ka kɛlɛ yee ɛ zo, ka Ti lé é ke la gi, ka kɛlɛle a benu nya we gi, naa, é élé yiri bié wenyanékɛlɛmunu valé wezinkɛlɛmunu ta, yé éé lɛɛ dan mi plenu valé mi tegelenu ta.

Matio 5:9

Mi woronawe blezannu a bɛan ’bɛ gi bɛ, ’bɛ a é zima wozé nya, naa, Kazambale é dan wo laa lɛ ’é benu.

Matio 6:13

Té i go ko nya ko gi danna lo; ’i ko si Satan lé plɛplɛ wuo. Plale mi nwiin koo, plɛplɛ koo, fuablele koo, wa izé nya lɛɛfaama. Amɛɛn.

Maak 14:7

Nyanégyɛmunu a ka va yifaama, dé é sɔ ka lɛ léé, ka wezin kɛlɛ wo lɛ bléyio?-?bléyian va, ka bɔalɛ. Naa, maa ’ka ka va yifaama lo.

WENÉNÉ LÉ LUK A GYE (Évangile selon Luc) 1:79

Munu lé wo ke é nyanale gunutinu va, é valé gale furɔ wuo, wo va kinile we gi, Yé é go ko nya vole drɔɔ lé zi ’léé.

WENÉNÉ LÉ LUK A GYE (Évangile selon Luc) 6:35

Naa, ka nyanézannu ’é sɔ ka lɛ ma, yé ’ka wezin kɛlɛ ma; ’ka drɔn pa mi ma, yé té ka bli é vo a lɛgi yele lɛ lo ma. Ka gooli é dan kɛlɛ lɛ blɛn, yé ka dan kɛlɛ lɛ Loruzan benu nya; naa, éé wezin kɛla bɔvɔalozannu valé wenyanékɛlɛzannu lɛ.

WENÉNÉ LÉ LUK A GYE (Évangile selon Luc) 6:9

Yé Jézu lé wo lɛ léé: Maa we do laan ka lee; a se a mi lɛ léé, é wezin kɛlɛ flinyi nya laa, taa, é wenyané ɛ kɛlɛɛ? É mi béli flinyi nya laa, taa, é mi gyɛɛ?

WENÉNÉ LE JAN A GYE (Évangile selon Jean) 17:15

Maa ’ka a fena i lɛ léé, ’i wo si tɛrɛ la lo, naa, maa a fena i lɛ léé, ’i yuɛ pa wo va Nyanézan lé we ma.

Rom munu 12:18

Dé ka bɔalɛ, ’ka vo mi faa va drɔɔ; té ka ɛ da wesiawe nya lo.

Rom munu 14:17

Naa, Kazambale plale mi nwiin ’ka fɛblele valé fɛminile lé we nya lo; naa, kɛlɛle tegele koo, vole drɔɔ koo, gi nanale koo, wo nya lé é ke Léli Sauun gi.

Rom munu 14:19

Bɛwemalé, wenu lé wo mi vo drɔɔ, ’té woo mi faa dɔa gligli, ’ka wo ɛ kɛlɛ ma.

Rom munu 5:1

Ko kɛlɛ tegele blipale ma, amalé ko nana sin Kazambale va, Kozan Jézu Krist lé we ma.

Rom munu 7:19

Naa, wezin lé é sɔ an lɛ léé, maa a kɛlɛ, maa ’ka a kɛla lo, yé wenyané lé é ’ka sɔ lɛ an lɛ léé, maa a kɛlɛ lo, yee lé maa a kɛla.

Rom munu 7:21

Amalé maa we do yé an gi bélé bélidɔwe zo. Yee lé ke léé, dé é sɔ an lɛ léé, maa wɛzin kɛlɛ tɔɔn, ’té wenyané bié an sɔnɔ.

Rom munu 8:6

Gibɔrɔle mi dɔbɛ kyɛn lé we nya, a ’wuo éé plaan ga nya, yé gibɔrɔle Kazambale Léli lé we nya ’wuo éé plaan bélile valé vole drɔɔ nya.

Galasi munu 5:22

Naa, wenu lé woo sié Kazambale Léli va, wo lé ke ’ko: sɔlɛle koo, ginanale koo, vole drɔɔ koo, bli tiéé koo, wezin kɛlɛle koo, bli zin koo, yarapale we la koo,

Galasi munu 6:10

Bɛwemalé, bléyian va lé a se a kaa lɛ, kaa wezin kɛlɛ mi faa lɛ ma, naa, bwenu lé wo ke Kazambale lé we gi, kaa wozé kɛlɛ kiɛre yé é mini mi bɛnu zé ta ma.

Kolɔs munu 3:15

Yé Krist lé vole drɔɔ lé wo ka laa a gi, ka kɛlɛle kɔlɛ do kpen nya we gi bɛ, yee ’é kɛlɛ ka kuunzan nya ka bli gi ma. Yé ’ka kɛlɛ bɔvɔmunu nya ma.

1 Timoté 6:18

’I we pla wo lɛ léé, ’wo wezin kɛlɛ; wo kɛlɛwe zinnu ’é kɛlɛ kiɛre kiɛre; ’wo kɛlɛ drɔɔkɛlɛzannu valé bɛ ma wolowolozannu nya.

Ébrunu 12:14

’Ka kwa kuli yé ka vo mi faa va drɔɔ, yé ’ka kɛlɛ sauun. Dé mi ’ka kɛlɛ lɛ sauun lo, é ’ka dan Mizambale ye lɛ lo.

Ébrunu 13:16

Yé té ka gi é san wezin kɛlɛle valé fɛ nɔle kiɛre ma lo ma; a zo sarakanu lé Kazambale éé wo ban‐ɛn blé.

SEBE LÉ JAK A GYE (Épitre de Jacques) 4:17

Bɛwemalé, dé mian é wezin kɛlɛle dɔɔ yé é ’ka a kɛla lo, ’té é a wenyané kɛlɛna.

1 Piɛri 3:12

Naa, Mizambale yuɛ a mi tegelenu ta, Yé a tɔné a é dɔle wolé bazorole lɛ, Naa, Mizambale yara a wenyanékɛlɛmunu ma plɛplɛ.

3 Jan 1:11

An béé zin, té i wenyané zuosona lo, naa, ’i wezin ɛ zuosona ma. Mian éé wezin kɛla, é a Kazambale zé nya; mian éé wenaané kɛla, é ’ka Kazambale ye lɛ lo.

Weblezannu 11:14

Jɛfeté munu nwunvɔ é ziin Amɔn benu nwiinzan va a fele we gi a lɛ léé: