1 Piɛri 2:9 - Kazambale lé Sebe Sauunu 1979

⁹ Naa, kazé ’ka ’bɛ zo lo; ka a bɛn lɛgɔnɔ do lé Bale a si a va, a nya, yé yee fuaneé Bale ka dɔ ’é banzannu nya; ka a bɛntɛrɛ lé Bale a pa é yɛrama, a nya; ka a migɔnɔ lé Kazambale wo tabo wo nya, mi lé é ka laa ’té ka a gunu va yé é go ka nya élé san zima va bɛ, kalé a tɔ zin bɔle we gi.

1 Piɛri 2:9 ပူးပေါင်းရင်းမြစ်များ

Lɛrɛvɔ Sɛbɛ 106:5

Léé, munu lé i wo si a va, maa wolé ginanale ye, Yé an gi é nana ilé munu va, Yé anbo ze vɔ ilé munu va.

Lɛrɛvɔ Sɛbɛ 118:27

Gakelebale a Bale nya yé éé ko va kinié. ’Ka balebanwi yere, ’Ka go a nya fɔɔ balebanna bélinu ma.

Lɛrɛvɔ Sɛbɛ 135:4

Naa, Gakelebale Jakɔb si a va É Izraɛl si a va a kɛlɛle ’ézé nya we gi.

Lɛrɛvɔ Sɛbɛ 22:30

Tɛrɛlami blɛnnu faa é dan fɛ ble lɛ yé wo dan dia lɛ é ziin i ’lɛ; Munu faa lé woo zunwo vun va, wo dan wo ’wuo tua lɛ i ’lɛ, Munu lé wo ’ka bɔa vole lɛ é yuɛma lo, woo lé.

Lɛrɛvɔ Sɛbɛ 33:12

Bɛn lé Gakelebale ke wolé Bale nya, wozé a néné. Migɔnɔ lé Bale wo si a va élé tɔnɔ nya, wozé a néné.

Lɛrɛvɔ Sɛbɛ 73:15

Dé maalé kɔɔn léé, é sɔ an lɛ léé, an we fé bélé wo zo, ’Té maa dabli kɛla ilé nénu lɛ.

Ézai 26:2

Wo flagɔrɔ lɛ so, ’Ka zi nɔ yarapawela bɛn tegele lɛ léé, ’wo wɔra.

Ézai 41:8

Naa, bii Izraɛl, an wuozan, Jakɔb lé maa a si a va, Abraam kulu lé é sɔ an lɛ,

Ézai 42:16

Maa dan a kɛlɛ lɛ léé, yuɛwiimunu é tawo zi lé wa dɔɔa lo, a ta, Maa dan go lɛ wo nya zi prɔɔné lé wo ’ka a dɔɔa lo, a ta; Maa dan gunuti nɔla lɛ san nya wo ’lɛ, Yé maa dan zi plinle drɔ lɛ zi tegele nya; We lé maa dan a kɛlɛ lɛ, yee lé ke bɛ, yé an ’ka dan sɔn vɔ lɛ wo ma lo.

Ézai 44:1

Jakɔb‐oo, an wuozan, ’i tɔné dɔ sin, Izraɛl lé maa si a va, ’i tɔné dɔ sin.

Ézai 61:6

Naa, ’kaa, wo dan ka laa lɛ Gakelebale banzannu, Wo dan tɔ pa lɛ ka ma léé, kolé Bale wuozannu; Ka dan bɛnnu lé fuafɛnu ble lɛ, Yé ka dan kabo tɔ bɔ lɛ wo tɔbɔfɛnu gi.

Ézai 62:12

Wo dan wo laa lɛ, munu sauun lé Gakelebale wo tabo, Yé bii, wo dan i laa lɛ, blibɔmafla lé wo ’ka sɔn vɔa a ma lo.

Ézai 66:21

Yé Gakelebale léé: Maa dan wo va mi kenu si lɛ Balebanzannu valé Lévinu nya.

Ézai 9:2

I munu ’ko kɛlɛ kiɛre, I ginanamawe kɛlɛ wo lɛ. Wo gi a nanana i ’lɛ bélé ’sagyɛmunu gi nanale zo, Woo siaan ginanale nya, bélé gulizarafɛ gulizannu zo.

Malasi 3:17

Lai sunyanu lé Gakelebale léma: Yian nya lé maa anlé fɛnu ma’lɛrɛ, wo dan kɛlɛ lɛ anlé fɛwezannu nya. Maa dan wezin kɛlɛ lɛ wo lɛ, bélé mi éé wezin kɛla ’é lɛdɔmabe lɛ fɛan zo, a zo.

Matio 4:16

Munu ’ko, wa é nyanale gunutinu va yé wo san blɛn ye; Yé wo lé wo ke é nyanale ga furɔ wuo, ga tɛrɛ la, san nwɛɛn wo ta.

Matio 5:16

Kalé san ’é munu va kini yee ɛ zo ma, wolé ka kɛlɛwe zinnu yele we ma yé ka Ti lé é ke la gi yé wa tɔ zin bɔ.

WENÉNÉ LÉ LUK A GYE (Évangile selon Luc) 1:79

Munu lé wo ke é nyanale gunutinu va, é valé gale furɔ wuo, wo va kinile we gi, Yé é go ko nya vole drɔɔ lé zi ’léé.

WENÉNÉ LE JAN A GYE (Évangile selon Jean) 17:19

Yé maa anbozen pa é yɛrama wolé we ma, wo é ziin, wo pale é yɛrama webozen yɛrama we gi.

Kelewenu 20:28

Bɛwemalé, ’ka yuɛ pa kabozen valé trubɛ palu gimunu faa lé Léli Sauun ka kɛlɛ wo tabinzannu nya, wo va. Mizan lé léglizigimunu lé é wo lɔ ébo nyɛ nya bɛ, Bale ka kɛlɛ wo tabinzannu nya léé, ’ka fɛblele nɔ wo lɛ.

Kelewenu 26:18

Maa a i nwunvɔna wo va wo yuɛ fuole we gi, yé ’wo si gunutinu va, yé ’wo nɔla san va, yé ’wo si é ziin Satan lé plɛplɛ wuo yé ’wo nɔla Kazambale va yé wo bli ’é vo an lɛ, yé maa wo ma we vo wolé wenyanénu ma, yé ’wo tɔnɔ ble Kazambale lé munu va.

Kelewenu 26:28

Yé Agripa lé Pɔl lɛ léé: Pɔl, i we fe é baba. É vo sɛ yé i an kɛlɛ Krétiɛn nya.

Rom munu 9:24

’Bɛ gi léé, kaanu. É sɔ a lɛ léé, élé fuasan nagɔɔn kaa ɛ lɛ. É ko laa Juifinu méléna; ’bɛ saa kaan lo, é ka laa bɛn bɛnu méléna é ziin,

1 Korent munu 3:17

Dé mian é Kazambale kɔn guru zana a gi, Kazambale é dan ’bɛzan guru zana lɛ a gi. Kazambale kɔn a sauun, a nya lé ka ke.

Éfez munu 1:14

Léli Sauun a Kazambale bɛfɛ nya, kaalé tɔnɔ yele we ma, fɔɔ yé munu lé Kazambale wo lɔ élé fua tɔbɔle we ma, yé é wo tabo.

Éfez munu 3:21

’wo ’bɛzan tɔ bɔ léglizi valé Jézu Krist lé we ma, mi kulu faa va ma, lɛɛfaama, té a glɛ é dɔ lo. Amɛɛn.

Bélidɔwesɛbɛ Fiézan 10:15

Naa, duowo, ka tranu saa ɛ sɔ a lɛ yé é buvɔ wo ma; yé wo é zuo, ka lé ka ke wo kulu nya, é ka é si munu faa va, ka yé kyɔ fɛan zo ’ko, a zo.

Bélidɔwesɛbɛ Fiézan 14:2

Ka a munu lé Gakelebale, kalé Bale wo pa é yɛrama ’ézé nya, wo nya, ’bɛzama; Yé Gakelebale, kalé Bale ka si munu faa lé wo ke tɛrɛ la, wo va, ka kɛlɛle ’ézé munu nya we gi.

Bélidɔwesɛbɛ Fiézan 18:2

Wo ’ka dan tɔnɔfɛ ye lɛ ’wo bwenu zé va lo; Gakelebale a wolé tɔnɔfɛ nya, é a fe wo lɛ fɛan zo, a zo.

Bélidɔwesɛbɛ Fiézan 4:20

Naa, ’kaa, Gakelebale ka si a va yé é ka si foliɛwɔlɛ gɔrɔ gi Éjipiti tɛrɛ la, ka kɛlɛle abozen lé munu nya we gi, fɛan zo lé ka ke kyɔ, a zo.

Bélidɔwesɛbɛ Fiézan 7:6

Naa, ka a munu lé Gakelebale, kalé Bale wo pa é yɛrama ézé nya, wo nya; Gakelebale, kalé Bale ka si bɛnnu faa lé wo ke tɛrɛ la, wo va, ka kɛlɛle azé nya we gi.

Filip munu 3:14

’té an vlanburuwo a ’wuoplana zia, a ma ban lé é ke Kazambale lé an laale loru Jézu Krist lé we ma, a yele we gi.

Kolɔs munu 1:13

É kaa si gunuti lé plɛplɛ wuo, yé é kaa pla é sɔlɛbe wuo.

2 Timoté 1:9

Yee ɛ ko si we gi, yé é ko laa léé, kobo nɔ é lɛ. É ’ka ko laa lɛ ko kɛlɛwenu lé we ma lo, naa, é ko laa ébozen bɔn‐inwe yɛrama, é valé zin lé é a kɛlɛ ko lɛ Jézu Krist gi bléyian va lé tɛrɛ ’ka tan é bɔrale lo, a yɛrama.

Tite 2:14

Jézu ébozen nɔ kolé we gi, weple faa sile ko lee we gi, é valé ko kɛlɛle ézé munu nya we gi, munu lé é wo kɛlɛ tegele, ’té wezin kɛlɛlɔrɔ a wo ma blɛn, wo nya.

1 Piɛri 1:2

Tibale ka si a va élé tɛlɛ tɛlama wedɔɔle yɛrama, yé Léli Sauun ka pa é yɛrama Bale zé nya, kalé Jézu Krist lɛdɔmale valé ka kɛlɛle a nyɛ nwɛɛn ta munu nya we gi. Bale lé zin kɛlɛle ka lɛ valé Bale lé ka vole drɔɔ gi ’é gyɛ ma.

1 Piɛri 2:5

ka é ziin, ka a gɔlɛ yuɛmalenu nya yé dé ka bié a va ka dan kɛlɛ lɛ lélikɔn valé Balebanmunu gɔnɔ sauun nya Bale banle we gi, lélifɛ lé é sɔ Kazambale lɛ Jézu lé we ma, a nya.

1 Piɛri 4:11

Dé mi do a we fena, ’é a fe Kazambale dére yɛrama; dé mi do a mi mawe kɛlɛna, ’é a kɛlɛ, plɛplɛ lé Kazambale a nɔ a lɛ, a nya. ’Ka we faa kɛlɛ Kazambale tɔ bɔle we gi Jézu Krist lé, fua valé plɛplɛ ke a lee lɛɛfaama bɛ, a nya. Amɛɛn.

Wegɔɔnle 1:6

yé é kaa kɛlɛ bɛngɔnɔ do nya, é Ti Bale banzannu nya bɛ, fua valé plale mi nwiin ’é kɛlɛ azé nya lɛɛfaama ma. Amɛɛn.

Wegɔɔnle 20:6

Munu lé wozé ke migale nwale vininzan va, wa mi sauunnu nya yé wozé a néné. Wo gulii ’ka dan ga lɛ lo, naa, wa Kazambale valé Krist banzannu nya yé wo dan pla lɛ munu nwiin a va lɛɛ wuru soru.

Wegɔɔnle 5:10

yé i wo kɛlɛ bɛngɔnɔ do nya, kolé Bale banzannu nya, yé wo dan pla lɛ tɛrɛ nwiin, amalé ilé sɛbɛ sile valé zɔrɔkaanyɔɔ bɔi yara lé.

1 Samuɛl 12:22

É a Gakelebale gi léé, é ka kɛlɛ élé munu nya, amalé é ’ka dan élé munu vo lɛ wo saa lo, a tɔ blɛn lé we ma.