1 Piɛri 2:4 - Kazambale lé Sebe Sauunu 1979

⁴ ’Ka bié Jézu va; gɔlɛ yuɛmale lé, munu sɔn vɔ a ma yé Kazambale a si élé fɛwezan nya bɛ, ’ka bié a va;

1 Piɛri 2:4 ပူးပေါင်းရင်းမြစ်များ

Ézai 28:16

Bɛwemalé, Mizan Gakelebale léé: Ka ye, maa Siɔn gane vɔ gɔlɛ do nya. Wo gɔlɛ ’ko nagini, yé wa ye kɔnsungɔlɛ zin nya yé é a é vɔle gligli. Mi lé é gɔlɛ ’ko si ’é dɔlafɛ nya, é ’ka dan fwi lɛ lo.

Ézai 42:1

An wuozan lé maa dɔ a zuo, yee lo, Maa a si a va, yé é sɔ an bli lɛ. Maa an léli vɔ a ta; É dan wetegele fe lɛ bɛnnu lɛ.

Ézai 55:3

’Ka an ban ka tɔné nya, yé ’ka da an va, ’Ka tɔné dɔ yé kaboen é dan vo lɛ é yuɛma; Gipawe lé é ’ka nyaan lo, kaa dan a kɛlɛ lɛ, Yé zin lé maa fe léé, maa dan a kɛlɛ lɛ David lɛ, a yi ’ka dan ga lɛ lo.

Jérémi 3:22

’Kaa nwamimazannu, ’ka da ka pa gi. Maa dan ka ma we vo lɛ ka yuɛgiblanle ma. Yé wa zi pa léé: Ko lo, ko da i va. Naa, i a Gakelebale kolé Bale nya.

Daniɛl 2:34

I a ana ginina tɔɔn yé gɔlɛ do fee so é ma, ’té mi do bɛ ’ka é kunle a ma lo, yé miyili ganelaanu lé wo ke foliɛwɔlɛ valé bɔtɛrɛ nya é vɔɔle, gɔlɛ ’ko duun wo lɛ yé é wo wii.

Daniɛl 2:45

Gɔlɛ lé bé ye sona gɔ ma bɛ, ’té mi bɛ ’ka a ma lo, yé foliɛwɔlɛ koo, zéné koo, bɔtɛrɛ koo, gɔɔlifu koo, kyan koo, yé é wo wii bɛ, ’bɛ gi lé ke bɛ. We lé é dan bɔ lɛ ’bɛ zuo, Bale blɛn a gɔɔn minwiinzan blɛn lɛ. A nyɛ a webozen nya, yé a gifedére a tegele.

Zakari 3:9

Bé ye, gɔlɛ lé maa pla Jozué ’lɛ, yuɛ sɔrafié a gɔlɛ do ’ko ma; lai sunyanu lé Gakelebale léma: Guru lé é a lé wa vɔ a ma, maa dan guru ’ko vɔ lɛ a ma anboan; maa dan tɛrɛ ’ko lé wenyané si lɛ é ma yi do kpen.

Zakari 4:7

Bii gɔ blɛn, i a mɛ fɛ nya Zorobabɛl ’lɛɛ? É dan i na bɔ lɛ ékema. É dan kɔnsun gɔlɛ vɔ lɛ, ’té munu éé siaan léé: Gɔlɛ ’ko ’é vo anaoo na! É a é zimaoo é zima!

Matio 11:28

Ka faa lé, ka wɔlɛ gi ke é nyaale ka ma, yé kɔné blɛn ke ka nwiin bɛ, ’ka da an va, yé maa flinle nɔ ka lɛ.

Matio 12:18

An wuozan lé maa a si a va, yee le ke ’ko. Yee ɛ sɔ an lɛ kaii, yé alé we an gi nanaan. An Léli é dan vɔ lɛ a ta, Yé é dan we tegele fe lɛ bɛn bɛnu lɛ.

Matio 21:42

Jézu lé wo lɛ léé: Dére lé wa gyɛ Kazambale lé sɛbɛ gi, ka ’ka tan a ta fe lɛ monomono loo? Wo léé: Gɔlɛ lé kɔndɔmunu sɔn vɔ a ma, É kɛlɛ kɔnsungɔlɛ nya. We ’ko si Mizambale va, Yé é a givuruwe nya ko yuɛ gi.

WENÉNÉ LE JAN A GYE (Évangile selon Jean) 14:19

É vo sɛ yé tɛrɛlamunu ’ka dan an ye lɛ é dɛrɛ lo, naa, maa a é yuɛma, yé ka dan kɛlɛ lɛ é yuɛma é ziin, amalé ka dan an ye lɛ.

WENÉNÉ LE JAN A GYE (Évangile selon Jean) 14:6

Jézu lé a lɛ léé: Maa lé ke zi koo, webozen koo, vole é yuɛma koo, wo nya. Mi do kpen ’ka dan an Ti va lo, ’té dé é ’ka gié lɛ an va lo.

WENÉNÉ LE JAN A GYE (Évangile selon Jean) 5:26

Fɛan zo lé an Ti bozen ke vole é yuɛma ’wuo nya, a zo duo lé é a se kɛlɛ maa é Be lɛ léé, an kɛlɛ vole é yuɛma ’wuo nya é ziin.

WENÉNÉ LE JAN A GYE (Évangile selon Jean) 5:40

Yé é ’ka sɔ lɛ ka lɛ léé, ka da an va ka vole é yuɛma we gi lo.

WENÉNÉ LE JAN A GYE (Évangile selon Jean) 6:37

Munu faa lé an Ti éé wo no an lɛ, wo dan da lɛ an va, yé mi lé é da an va, an ’ka dan sɔn vɔ lɛ a ma monomono lo.

WENÉNÉ LE JAN A GYE (Évangile selon Jean) 6:57

Fɛan zo lé an Ti lé é ke é yuɛma é an pa zia, yé an voo é yuɛma alé we ma, a zo duo lé mian éé an blé é dan vo lɛ é yuɛma anlé we ma.

Rom munu 5:10

Dé ko nana Kazambale va a Be gale lé we ma, bléyian va lé ko ke a nyanézannu nya, ’bɛ bléyi va ’naan, ko nanale a va zuo ’té a Be bélile ’ka dan ko si lɛ we gi loo?

1 Korent munu 3:11

Naa, kɔngane lé wa vɔ, é a Jézu Krist nya. Mi do ’ka bɔa a bɛ vɔle lɛ lo.

Kolɔs munu 3:4

Krist lé ke kalé vole é yuɛma nya, dé é da, ka dan da lɛ a va é ziin fua gi.

1 Piɛri 1:19

Krist lé ke bélé ’blané lé gyɛ ’ka a ma lo, ’té we do kpen ’ka a kɔlɛ ma lo, a zo, a nyɛ wezan nya lé Bale ka tabo.

1 Piɛri 1:7

Kalé blipale gidanle é dan nɔla lɛ ka ma ka tɔ zin fele koo, kalé fua koo, ka tɔbɔle koo, wo nya, Jézu Krist bɔrayi nya munu yuɛ va, amalé Bale éé ka gi daan.

1 Piɛri 2:7

’Kaa lé ka bli vo Jézu lɛ, é a fɛwezan nya ka lee, naa, Kazambale lé sɛbɛ léma: Gɔlɛ lé kɔndɔzannu sɔn vɔ a ma, É kinin kɔnsungɔlɛ nya,

2 Piɛri 1:1

’Kaanu lé ka blipale wezan duo ye ko va, kaalé Bale valé Mibélizan Jézu Krist tegele lé we ma bɛ, an we ka va. Maa Simɔn Piɛri lé an ke Jézu Krist lé luugɔnéné valé alé nwunvɔzan nya, maa ɛ ke sɛbɛ ’ko gyɛna ka lɛ.

2 Piɛri 1:4

Alé fuasan valé alé wezin ma lé Bale blivolɛdére wezannu blɛɛn fe kaa lɛ, yé wo yele ma lé we vɔnle lé é ke tɛrɛ la, blibɔle fɛnu ma we ma, yé ka bɔ sole lɛ ’bɛnu lee yé Bale dɔbɛ é vɔ ka lee.