1 Piɛri 2:25 - Kazambale lé Sebe Sauunu 1979

²⁵ Naa, ka a turu bélé ’bla sanlenu zo, naa, sin, ka nɔla ka boen pazan va, ka boen tabinzan va.

1 Piɛri 2:25 ပူးပေါင်းရင်းမြစ်များ

Lɛrɛvɔ Sɛbɛ 119:176

An vola bélé ’bla lé é saan, a zo; ’i i wuozan nagini ma, Naa, an gi ’ka saan ilé bélidɔwe sɔnnénu ma pelo.

Lɛrɛvɔ Sɛbɛ 80:1

Azafa lɛrɛ ’ko vɔle gɔɔn lɛrɛvɔzannu zilɛzan lɛ. Lɛrɛvɔafɛ lé wa laama bolu lé goo, ’wa gyɛ a va. Lɛrɛ lé.

Ézai 13:14

Wo faa do do é dan nɔla lɛ ’wolé munu va; wo faa do do é dan fwi lɛ yé wo go ’wolé tɛrɛ la bélé plɛn‐an lé di kini a gi, a zo, bélé trubɛ lé a tabinzan ’ka lo, a zo.

Ézai 40:11

É a bélé ’blatabinzan zo, é dan élé trubɛnu pa lɛ, É dan élé ’blanénu sia lɛ Yé é wo buvɔ ’é ma; Yé é dan go lɛ ’bla tinanu nya.

Ézai 53:5

Kolé wenyané ma lé é tuo, Kolé weplenu ma lé wa ’wii; We lɛ lé é a kɔɔn lé wa dɔ ko gi, é dia yee ɛ ta, yé ko vo drɔɔ, Yé a tuolenu ma lé ko béli.

Ézai 53:6

Ko faa zi saan bélé ’blanu zo, Ko faa do do kobo lé zi sia, Yé Gakelebale kolé weplenu faa dɔ a nwiin.

Jérémi 23:2

Bɛwemalé, munu pazannu lé woo fɛblele no anlé munu lɛ, Gakelebale, Izraɛl lé Bale wo ma we fe léé: Ka anlé ’blanu fwila, ka wo bin; ka ’ka wo pa lɛ é zima lo, amalé maa dan we lɛdɔ lɛ ka gi kalé we lɛrɛlɛrɛ kɛlɛle we ma. Maa Gakelebale ɛ ke a fena.

Ézékiɛl 34:6

Anlé trubɛ palu vo nɔɔna gɔ faa valé gɔpanénu faa nwiin. Anlé trubɛ palu kini ékema tɛrɛ la fɛfaana. Mi do kpen ’ka é gi bɔrɔan wo ma lo; mi do kpen ’ka wo ginina lo.

Ézékiɛl 37:24

An leezan David é dan kɛlɛ lɛ wo nwiinzan blɛn nya, yé wo faa pazan é dan kɛlɛ lɛ do. Wo dan tawo lɛ an dérenu ta, wo dan anlé bélidɔwenu lɛdɔ lɛ a ma, yé wo dan a ta tawo lɛ.

Zakari 13:7

Gwɔun‐oo, gwɔun, ’i soi anlé ’blatabinzan ma! Lai sunyanu lé Gakelebale léma: ’I soi an bɔluzan ma. ’I ’blatabinzan gyɛ yé alé ’blanu ’é fwila. Yé maa dan bɔ lɛ ’bla tɔɔtɔɔnu va.

Matio 18:12

É dɔ ka gi kaa? Dé ’bla yɔ soru a mi do lee, yé a do san, é ’ka a yɔ ziɛn wɔlɛ vu ta sɔraziɛn voo gɔ nwiin, yé é go yee lé é san, a ginile we gi loo?

Matio 9:36

Jézu mi gu ye aan wo a nyanai zén wo ta; wo fuu ’ka wo ta lo, yé wa tɔɔtɔɔ bélé ’blanu lé wo tabinzan ’ka lo, wo zo.

Kelewenu 20:28

Bɛwemalé, ’ka yuɛ pa kabozen valé trubɛ palu gimunu faa lé Léli Sauun ka kɛlɛ wo tabinzannu nya, wo va. Mizan lé léglizigimunu lé é wo lɔ ébo nyɛ nya bɛ, Bale ka kɛlɛ wo tabinzannu nya léé, ’ka fɛblele nɔ wo lɛ.

Ébrunu 13:20

Mi vo drɔɔ Bale lé é ’Blatabinzan blɛn, Kaazan Jézu si gamunu va, yé é da a nya é ziin, gipawe lé é ’ka nyaan lo, a dɔ plɛplɛ nyɛ nya bɛ,

Ébrunu 3:1

Bɛwemalé, ka lé ka ke an bwenu nya Kazambale va, ’té é ka laa la gi bɛ, ’ka bɔn‐in bɔrɔ Jézu ma do. Bale a pa zia léé, kaalé blipale mawe lé kaa fé, ’é kɛlɛ a gi nwunvɔzan valé Balebanmunu ’lɛzan nya.

Ébrunu 5:2

Balebanmunu ’lɛzan a mi tɔɔtɔɔ nya, bɛwemalé éé bɔa tanyilamunu valé mi sanlenu mawe dɔɔle lɛ.

1 Piɛri 3:20

Lélinu ’ko, wa é vinin tɔnégiplɛplɛzannu nya, bléyian va lé Kazambale é bli kɛlɛ tiéé munu ma, Noé lé ’yitagoro kɛlɛbléyi va. Mi sɛ lé ’yi wo béli, wa ’yitagoro gi mi sɔraa.

1 Piɛri 5:4

Yé dé Mipazan segele da yian ma, tɔkoro lé ke fua tɔbɔle nya, ’té é ’ka sɛra lo, ka dan a ye lɛ kazé nya.