1 Piɛri 2:24 - Kazambale lé Sebe Sauunu 1979

²⁴ é dɔ kaalé wenyané gi ébozen kɔlɛ nya yili la, kaa gale kaalé wenyanénu vazia we gi yé kaa vo é yuɛma we tegele kɛlɛle we gi; a tuolenu ma lé kaa béli.

1 Piɛri 2:24 ပူးပေါင်းရင်းမြစ်များ

Wepélisiananu 22:6

Abraam balebanwi kyɛble kyɛdin si yé é a dɔ Izak nwiin, ’té kyɛléékyɛ valé sɛnné a yeebozen lee. Yé wo fiénu vo tawona ékeva.

Lɛrɛvɔ Sɛbɛ 147:3

Munu lé wo bli kyɛ dɔ é baba, éé fu vɔa wo bli ma, Yé éé wo tuonanu paan.

Lɛrɛvɔ Sɛbɛ 38:4

I bliflile zama an kɔlɛ do kpen ’ka an ta lo, Anlé wenyané ma lé an wɔlɛnu ’ka plɛplɛ é dɛrɛ lo.

Fwile 28:38

É dan kɛlɛ lɛ Arɔn yarapɛla; yé wenyanénu lé Izraɛl lé nénu a kɛlɛ, Arɔn é dan wo faa kɔné si lɛ, wolé saraka sauunnu faa bole nya; kyan lɛlɛné é dan kɛlɛ lɛ a yarapɛla Gakelebale ’lɛ, alé wolé we nyi sile we ma.

Wegɔnévɔlenu 20:30

Mi naané drɔfɛ lé ke a tuona pai manɔn nya, é valé fɔlɛ lé wa duun a lɛ yé é so a wɔlɛ zi, a nya.

Ézai 53:11

É dan élé nyanéblele ma tɔnɔ ye lɛ yé ’bɛ é dan a fan lɛ ginanale nya; Alé wedɔɔle nya lé an wuozan tegele é dan mi kiɛre kɛlɛ lɛ tegele, Yé é dan wolé weplenu kɔné si lɛ.

Lévinu 16:22

Boligɔné é dan go lɛ wolé weplenu faa nya é nwiin, tɛrɛ lé mi do kpen ’ka a ta lo, ana; wo dan a bin lɛ yé é go bwi gi.

Lévinu 22:9

’Wo anlé bélidɔwenu lɛdɔma, dé wo da wenyané dɔ wobo nwiin yé wo ga, fɛ plɛplɛ kɛlɛle fɛ pla nya we ma. Maa a Gakelebale nya, maa ɛ wo kɛlɛ segele.

Malasi 4:2

Naa, ka lé ka kanaan an tɔ lee, kalé we ma lé Mi Tegele é dan nwa lɛ bélé yiri zo, yé ka dan béli lɛ a bɛ wuo; ka dan bɔra lɛ yé ka dan fɔrɔ lɛ bélé diri palu do lé nénu zo.

Mi Nɔnɔle 18:22

Té Izraɛlnu é bié zén‐ékevasɔkɔn ma é dɛrɛ lo, dé wo da wenyané dɔ ’wobo nwiin yé wo ga.

Mi Nɔnɔle 7:15

dirigɔné boroné do koo, ’blagɔné do koo, lɛɛ do ’blané koo, é ’bɛnu nɔ balebanwi lé wa kyɛ blé, a nya;

Matio 27:26

Pilat Barabas bɔra wo lɛ yé dé é Jézu bla wɛsɛné nya faa é a nɔ wo lɛ, a gyɛle yili ta we ma.

Matio 5:20

Maa lé ka lɛ léé, dé kazé Kazambale zuo tawole tegele ’ka minié sɛbɛgifemunu valé Farizimunu zé ta lo, dé Kazambale lé plale mi faa nwiin da bléyian va, kazé ’ka dan kɛlɛ lɛ a va lo.

Matio 8:17

we lé balelayezan Ézai a fe, a lɛsɔɔle we gi. É léé: É ko mayaalenu si, yé é ko gyɛgyɛnu kɛlɛ ’ébo nwiin kɔné nya.

Maak 15:15

É sɔ Pilat lɛ léé, é mi gu lé blibɔmawe kɛlɛ amalé é Barabas bɔra wo lɛ. É Jézu bla aan wo wɛsɛné nya yé é a nɔ sunyanu lɛ a gyɛle yili ta we ma.

WENÉNÉ LÉ LUK A GYE (Évangile selon Luc) 4:18

Mizambale Léli a maa ta Yé é nyɔnɔ zén an nwiin anlé wenéné fele nyanégyɛmunu lɛ we gi; É an pa zia munu lé blikyɛdɔwe blɛn bɔ wo ma, wo va, wo bélile koo, Luugimunu vole woboma valé Yuɛwiimunu yuɛ fuole koo, Munu lé woo yaan wo ta, wo vole woboma valé

WENÉNÉ LE JAN A GYE (Évangile selon Jean) 1:29

’Bɛ é tu kini, Jan Jézu ye dana ’é va, yé é léé: Kazambale lé ’Blané lé éé munu lé wenyané sié wo lee, yee lé é dan bɛ.

WENÉNÉ LE JAN A GYE (Évangile selon Jean) 19:1

Yé Pilat léé, ’wo Jézu bla wɛsɛné nya.

Kelewenu 10:35

Naa, bɛn faa gi, mi lé éé kanaan Bale lee, ’té ’bɛzan éé we tegele kɛla, yee ɛ sɔ a lɛ.

Kelewenu 10:39

We faa lé é a kɛlɛ Juifinu lé tɛrɛ la valé Jérusalɛm, ko a anayemunu nya. Wa gyɛ é dunle nya yili la.

Kelewenu 13:29

A ma we faa lé wa gyɛ sɛbɛ gi, wa kɛlɛle lɛ sɔɔ aan wo, wa si yiliblan ta yé wa pa gɔlɛkoro gi.

Kelewenu 5:30

Jézu lé ka a gyɛ é dunle nya yili la bɛ, kaa tranu zé Bale a nwa gale va.

Rom munu 6:11

A zo duo lé, kabozen, ’ka kabo ye é gale wenyané vazia yé ’ka kabo ye é yuɛma Jézu Krist gi Kazambale zé nya.

Rom munu 6:13

Té ka ka kɔlɛvafɛnu nɔ wenyané lɛ weple kɛlɛfɛnu nya lo; naa, ’ka kabozen nɔ Kazambale lɛ, munu lé wo ke é gale é vinin yé wo béli, wo nya, yé ’ka ka kɔlɛvafɛnu nɔ Kazambale lɛ we tegele kɛlɛfɛnu nya ma.

Rom munu 6:16

Ka ’ka a gi dɔɔa léé, dé ka kabo nɔ mi do lɛ luu nya a lɛdɔmale we gi, mi lé ka a lɛdɔama, ka a ’bɛlé luu nya loo? Wenyané lé a ’wuo éé plaan ga nya, dé kabo nɔ ’bɛ lɛ, ka a ’bɛlé luu nya; yé Bale lɛdɔmale lé a ’wuo éé plaan kɛlɛle tegele nya, dé kabo nɔ ’bɛ lɛ, ka a ’bɛlé luu nya. Ka ’ka ’bɛ gi dɔɔa loo?

Rom munu 6:2

Gba. Kaa lé, kaa ga wenyané vazia, é kɛlɛ kaa yé kaa vo wenyané kɛlɛna é ziin?

Rom munu 6:22

Naa, sin ka si wenyané lee yé ka kɛlɛ Kazambale lé luu nya, ’té ka ma tɔnɔ lé ke kɛlɛle sauun nya yé a ’wuoplana lé é ke vole é yuɛma lé a glɛ ’ka lo, a nya.

Rom munu 6:7

naa, mian é ga, é a éboma wenyané vazia.

Rom munu 7:6

Sin, kaa ga bélidɔwe ’ko lé, é kaa kun luu nya, a vazia, yé kaa si a la, Kazambale bɔle é bɔbɛ dɛrɛ nya we gi, léli yɛrama, té kaa a bɔ sɛbɛ kwa yɛrama é ziin lo.

1 Korent munu 15:3

We bɛnu faa ’lɛ, wean wa paa an gi, yee lé maa a paa ka gi, yee lé ke léé: Krist ga kaalé we ma Bale lé sɛbɛ yɛrama;

2 Korɛnt Munu 6:17

Bɛwemalé Mizambale léma: ’Ka si wo méléna; ’ka kini wo nya ékema, Fɛ lé é ’ka sauun lo, té ka mane a ma lo; Yé maa dan ka si lɛ.

Galasi munu 3:13

Krist kaa tabo bélidɔwe lé balepale lee yeebozen kɛlɛle balepamazan nya kaalé we gi we ma; naa, é a é gyɛle sɛbɛ gi léé: Dé wo mian dun yiliblan ta, ’bɛzan a balepamazan nya.

Éfez munu 5:9

Naa, mi va kinile tɔnɔ lé ke wezin gɔnɔ faa koo, we tegele gɔnɔ faa koo, webozen gɔnɔ faa koo, wo nya.

Filip munu 1:11

yé we tegele kɛlɛle ma tɔnɔ lé éé sié Jézu Krist va, yé kazé ’é kɛlɛ kiɛre, Kazambale tɔ bɔle valé a tɔ zin fele we ma.

Kolɔs munu 2:14

bélidɔwenu lé wo ke é gyɛle sɛbɛ gi, ’té wo ke kaa ma, we dɔle kaa nwiin we ma bɛ, é wo fwi, yé é wo lɛ ga yiliblan ta.

Kolɔs munu 2:20

Dé ka a é gale Krist va tɛrɛlafɛnu vazia, mɛmalé wo ke ka bélidɔna bélé fɛan zo lé ka a é yuɛma tɛrɛlamunu vazia, a zoo?

Kolɔs munu 3:3

Naa, ka a é gale, yé kalé vole é yuɛma a é yɔɔle Krist va Kazambale gi.

Ébrunu 10:10

Kazambale lé blibɔmawe lé é a fe bɛ, a lɛsɔɔle nya lé kaa kɛlɛ sauun; Jézu ébo kɔlɛ nɔ saraka nya gɔnɔ do kpen lɛɛ faa zé nya, azama.

Ébrunu 10:5

Bɛwemalé, bléyian va lé Krist da tɛrɛ la, é léé: Saraka koo, blan koo, bii Bale léé, ’é ’ka wo do va lo, Naa, i kɔlɛ do kɛlɛ anzé nya,

Ébrunu 12:13

yé ’ka tawo zi drɔle ta yé kalé tun?-?boganenu é dan béli lɛ, yé ka powuo?-?wɔlɛ ’ka dan so lɛ é ke ’léé lo.

Ébrunu 7:26

Balebanmunu ’lɛzan ’ko zo, ’bɛ a kaazé nya é zima; é a sauun, we ’ka a nwiin lo, a bɔn gi tiri ’ka lo, é kan kini wenyanékɛlɛmunu ma, yé é a loru baa é mini lanu ta.

Ébrunu 9:28

A zo lé Krist é ziin, é ébo nɔ gɔnɔ do kpen mi kiɛre lé wenyané nyaale we gi, yé é dan da lɛ a gɔnɔ fiézan nya; é ’ka dan da lɛ wenyané nyaale we ma lo, é dan da lɛ munu lé wo ke a lɛbɛnna, wo sile we gi we ma.

SEBE LÉ JAK A GYE (Épitre de Jacques) 5:16

Bɛwemalé, ’ka kalé wenyanénu fe ka ke lɛ, yé ’ka bazoro ka ke lé we ma, ka bélile we gi. Mi tegele lé bli faa nya bazorole ’lɛ éé dɔa é baba.

1 Jan 2:29

Dé ka a gi dɔɔ léé, Kazambale a tegele, ka a gi dɔɔ é ziin léé, mian éé we tegele kɛla, é a Kazambale lé né nya.

1 Jan 3:7

Né kiénénu, té mi do é dabli kɛlɛ ka lɛ lo ma. Mian é ke we tegele kɛlɛna, ’bɛzan a tegele, bélé fɛan zo lé Jézu ke tegele, a zo.

Wegɔɔnle 22:2

Éé yoroan fla vuun méléna. Mibéliyili a é dɔle yee yuu gɔ fié la; éé poro yuɛɛ do do baan gɔnɔ vu ta fié, moné ma moné ma, yé a laanu a bɛnnu bélifɛ nya.