1 Piɛri 2:17 - Kazambale lé Sebe Sauunu 1979

¹⁷ ’Ka munu faa lɛdɔma; ’ka ka bwenu lɔrɔ pa; ’ka kana Kazambale lee; ’ka minwiinzan lɛdɔma.

1 Piɛri 2:17 ပူးပေါင်းရင်းမြစ်များ

Wepélisiananu 20:11

Abraam a zi pa léé: Maa lé an bli gi léé, webozen lé, tɛrɛ ’ko la munu ’ka kanaan Bale lee lo, yé wo dan an gyɛ lɛ an na lé we ma.

Wepélisiananu 22:12

Lanje léé: Té i bɛ mane né ma lo; té i we do kpen kɛlɛ a lɛ lo; naa, sin maa a gi dɔɔ léé, i kanaan Kazambale lee yé i ’ka i be wɔlɛ do kpen Izak nyané kɛlɛ lɛ an lɛ lo.

Wepélisiananu 42:18

A yi yaazan nya, Jozɛfu lé wo lɛ léé: An kanaan Bale lee. ’Ka kɛlɛ ’ko zo yé ka vo é yuɛma.

Minwiinzannu lé Wezuofe Sɛbɛ 29:20

David lé, munu faa lé wo ke é zénle ékeva, wo lɛ léé: ’Ka Gakelebale kalé Bale drɔɔ vo. Yé zén‐ékevamunu faa Gakelebale, wo tranu lé Bale drɔɔ vo. Wo dia ’wo bli la Gakelebale valé minwiinzan blɛn ’lɛ.

Lɛrɛvɔ Sɛbɛ 111:10

Wedɔɔle pélisiana lé ke kanale Gakelebale lee nya; Munu faa lé woo tawoo ’bɛ ta, woo we maan tegele. Munu lé a tɔ zin fele éé voo ana lɛɛfaama.

Fwile 20:12

I ti valé i bu lɛdɔma, ilé yinu kɛlɛle kiɛre we gi, tɛrɛ lé Gakelebale, ilé Bale a nɔ i lɛ, a ta.

Wegɔnévɔlenu 1:7

Kanale Gakelebale lee a wedɔɔle pélisiana nya; gikinile valé wepaale mi gi ’ka we do nya ’tugyɛmunu yuɛ gi lo.

Wegɔnévɔlenu 23:17

Té i wenyanékɛlɛzannu ma maawo lo, naa, ’i kana Gakelebale lee yifaama;

Wegɔnévɔlenu 24:21

An be, ’i kana Gakelebale valé minwiinzan blɛn lee; té i vɔ awomunu va lo.

Bale Lé We Gifezan 8:2

Maa lé i lɛ léé, ’i minwiinzan blɛn dére tawe kɛlɛ, i bale kun a we ma, azama.

Lévinu 19:32

Dé nwanabɔzan bɔ i ma é nyanale, ’i nwa; ’i mi segele lɛdɔma. ’I kana Bale lee. Maa a Gakelebale nya.

Zakari 11:14

’Bɛ zuo anlé ’blatabinyili fiézan lé maa a tɔ pa nanale bɛ, maa a yéli; ’bɛ gi léé, Juda valé Izraɛl sɛrɛ wo ke gi.

Matio 22:21

Wo léé: Sézaa zé lé. Yé é lé wo lɛ léé: Amalé ’ka Sézaa zé fɛ nɔ Sézaa lɛ yé ’ka Kazambale zé fɛ nɔ Kazambale lɛ.

WENÉNÉ LE JAN A GYE (Évangile selon Jean) 13:35

Dé ka sɔ ka ke lɛ, ’bɛ lé we ma lé mi faa é dan a gi dɔɔ lɛ léé, ka a an zuomunu nya.

Rom munu 12:10

Ka bwenu ’é sɔ ka lɛ tegele ma. ’Ka ka bɔluzan kɛlɛ blɛn é mini kaboen ta.

Rom munu 13:7

Fɛ lé é a lé wa nɔ mi lɛ, ’ka a nɔ wo lɛ ma; ’ka lɛnpo gɔnɔ faa banwo é banwolɛmunu lɛ, ’ka kana ka kana lee munu lee, mi lé é a lé ka a lɛdɔama, ’ka a lɛdɔma ma.

2 Korɛnt Munu 7:1

An sɔlɛzannu, blivolɛdére ’ko zonu a kaa lee, amalé kaa dɔbɛ kyɛn ma tiridɔfɛnu valé léli ma tiridɔfɛnu faa si kaa ma ma, kaa kɛlɛle sauun lɛsɔɔle we ma, kanale Kazambale lee nya.

Éfez munu 5:21

yé ’ka pla ka ke wuo Jézu Krist lee kanale nya ma.

Filip munu 2:3

Té ka we do kpen kɛlɛ zakɛlɛle valé kabozen ze vɔle nya lo, naa, ’kabo kɛlɛ kiéné yé ’ka mi bɛnu ye blɛn é mini kabozen ta.

1 Timoté 6:1

Munu faa lé wo ke luubale gi, é a lé ’wo ’wozannu ye munu lé woo wo lɛdɔama, wo nya, té munu é Kazambale tɔ valé alé wepaale sɛrɛ lo we ma.

Ébrunu 13:1

’Ka yara pa bwenu lɔrɔpale ta.

1 Piɛri 1:22

Webozen lɛdɔmale nya lé ka boen kɛlɛ wéiin, ka sɔle ka ke lɛ tegele bélé bwenu zo we gi, amale sin, ’ka sɔ ka ke lɛ é baba, ka bli faa nya ma.

1 Piɛri 2:13

’Ka pla minwiinmunu faa wuo Mizan lé we ma,

1 Piɛri 5:5

É ziin, ’kaa mi boronénu, ’ka pla mi segelenu wuo. Yé ’kaa faa, ’ka ka ke kun é zima we faa gi, bo kɛlɛle kiéné nya, naa, Kazambale éé dɔa boblɛnmunu ma, Yé éé zin kɛla bokiénémunu lɛ.

1 Samuɛl 15:30

Saul lé é ziin léé: An wenyané kɛlɛ! Sin, ilé zanté, ’i an lɛdɔma anlé munu lé mi segelenu yuɛ va, Izraɛl yuɛ va; ’i da an va é ziin yé maa dan dia lɛ an yara Gakelebale ilé Bale ’lɛ.