1 Piɛri 2:1 - Kazambale lé Sebe Sauunu 1979

¹ Mi blifliwe faa koo, dabliwe faa koo, bodrɔle koo, bli bɔle mi bɛ lé fɛ ma koo, liwole faa koo, ’ka daan wo ma.

1 Piɛri 2:1 ပူးပေါင်းရင်းမြစ်များ

JOB (Job) 36:13

Naa, Bale lé zi ma wenyané fezannu wobo no bliflile lɛ, Dé Bale wo yere, wo ’ka siaan a lɛ lo;

Lɛrɛvɔ Sɛbɛ 32:2

Mian Gakelebale ’ka weple dɔa a nwiin lo, Yé dabli ’ka a gi lo, azé a néné.

Lɛrɛvɔ Sɛbɛ 34:13

É sɔ de ɛ lɛ léé, élé tɛrɛla é kɛlɛ nénéé? É sɔ de ɛ lɛ léé, é gi é nana yi kiɛre nyaa?

Lɛrɛvɔ Sɛbɛ 37:1

David zé lé. Té mi nyanénu lé we é ’na i ma lo, Munu lé woo wenaané kɛla, té i wo ma maawo lo.

Lɛrɛvɔ Sɛbɛ 73:3

Naa, an mi nyanénu lé ginanale ye aan wo, An maabo tavozannu va.

Wegɔnévɔlenu 14:30

Bli drɔɔ a mi kɔlɛ bélifɛ nya, naa, mi va maawole a bélé booboo zo mi wɔlɛ gi.

Wegɔnévɔlenu 24:1

Té i mi naanénu ma maawo lo, yé té i bli é bɔ kɛlɛle wo va ma lo;

Wegɔnévɔlenu 24:19

Munu lé woo wenaané kɛla, té i bli é fli wo ma lo, té i mi naanénu ma maawo lo;

Wegɔnévɔlenu 3:31

Té i wɛwɛdɔzan ma maawo lo; té i alé tawobɛ do kpen sia lo.

Ézai 2:20

’Bɛ yi nya, gɔɔlifu miyilinu valé kyan miyilinu lé munu a kɛlɛ ’wo banyo nya, wo dan wo vuli lɛ koblinu valé bannu lɛ;

Ézai 30:22

Gɔɔlifu valé kyan lé ka sele kalé miyilinu ma, ka dan wo ye lɛ fɛ naané nya; ka dan wo vuli lɛ bélé bli zo, yé ka dan a fe lɛ wo lɛ léé: ’Ka si ko yuɛi mi.

Matio 15:7

Bodrɔzannu. Ka ma we lé Ézai a fe balelawefele nya, é a webozen nya. É léé:

Matio 23:28

Ka é ziin, ka a tegele mi yuɛ gi, naa, ka gi a é fanle bodrɔle valé weple nya.

Matio 24:51

yé é dan a wi kini lɛ ékema yé é dan azé fɛ nɔ lɛ a lɛ bodrɔzannu va; ’bɛna lé wo dan wuvɔ lɛ yé wo dan ’wo suiɛ la ble lɛ.

Matio 7:5

Bodrɔzan, ’i yuɛ va yilifee blɛn si faa ’lɛ, yé i fɛna ye wéiin yé i lɔɔ gɔ do si i bwe yuɛ va.

Maak 12:15

Jézu wolé wobo drɔle dɔɔ, yé é lé wo lɛ léé: Mɛmalé ka an gi daan? ’Ka da dénié do nya maa a ye.

WENÉNÉ LÉ LUK A GYE (Évangile selon Luc) 11:44

Ka gale nyɔ. Ka a bélé mi vunnu lé wo ’ka wo yé lo, ’té woo tawoo wo ta, ’té wo ’ka a gi dɔɔa lo, wo zo.

WENÉNÉ LÉ LUK A GYE (Évangile selon Luc) 12:1

’Bɛ bléyi ’ko wuo, mi wuru é wuru boen zén ékeva, yé é vo sɛ yé wo wo ke zɔn wo gane nya, yé Jézu kun wefele ma é zuomunu lɛ é vinin yé é léé: ’Ka yuɛ pa kabozen va, Farizimunu lé lévɛn lé é ke mi lé ’ébo drɔle nya, alé we ma.

WENÉNÉ LÉ LUK A GYE (Évangile selon Luc) 6:42

Bii lé i ’ka i yuɛ va yilifee blɛn yé lo, é kɛlɛ kaa yé i lé i bwe lɛ léé: An bwe, ’i an vo yé an lɔɔ gɔ do si i yuɛ vaa? Bodrɔzan, i yuɛ va yilifee blɛn si faa ’lɛ, yé i fɛna ye wéiin, yé i lɔɔ gɔ do si i bwe yuɛ va.

WENÉNÉ LE JAN A GYE (Évangile selon Jean) 1:47

Jézu Natanaɛl ye aan wo dana é va, é a mawe fe léé: Izraɛl mi do lé, dabli we do kpen ’ka a gi lo, yee lé é ke ’ko webozen nya.

Rom munu 1:29

Woo weple gɔnɔ faa kɛla, woo we lɛrɛlɛrɛ kɛla, wo bli éé bɔa gɔɔli ma, woo mi blifliwe kɛla, wo bli éé bɔa mi bɛ lé fɛ ma, woo mi gya, woo we sian, woo dabli kɛla, woo mimafɛ kɛla, wa é fanle we ’konu nya;

1 Korent munu 14:20

Bwenu, té ka we va si bélé né kiéné zo lo. Dé é a wenyané kɛlɛna zia nya, ’ka kɛlɛ é tidian bélé né kiéné zo, naa, ’ka we va si bélé yarakinizan zo.

1 Korent munu 5:8

Bɛwemalé kaa fɛti kɛlɛ ma. Té kaa a kɛlɛ lévɛn kwa nya lo, té kaa a kɛlɛ miblifliwe valé we lɛrɛlɛrɛ lé wo ke bélé lévɛn zo, wo nya lo, naa, kaa a kɛlɛ burunu lé, lévɛn ’ka wo va lo, wo nya, yee lé ke we tegele valé webozen nya.

2 Korɛnt Munu 12:20

Naa, an kana léé, dé maa bɔ ka va, maa ’ka dan ka ye lɛ bélé fɛan zo lé é sɔ an lɛ, a zo lo, yé ka dan maa ye lɛ fɛan zo lé é ’ka sɔ lɛ ka lɛ lo, a zo. An kana léé, wesiale koo, maawole koo, zapale koo, zakɛlɛle koo, mi tɔ sɛrɛle koo, mi tɔ naané bɔle koo, boblɛn koo, we bilibili koo, maa dan wo ye lɛ.

Éfez munu 4:31

We nyanale koo, zapale koo, bliflile koo, zɔdɔle koo, mitɔsɛrɛwe koo, we lɛrɛlɛrɛ gɔnɔ faa koo, woo faa ’é si ka méléna ma.

1 Tɛsalɔnik munu 2:3

Kolé wefele ’ka vié nya lo. Ko ’ka a fe lɛ fɛyebli nya ko gi lo; é ’ka dabliwe nya lo.

1 Timoté 3:11

A zo duo lé é a lé wo nanu é ziin, ’wo kɛlɛ tegele; té wo kɛlɛ wenaané fezannu nya munu ma lo, naa, ’wo kɛlɛ wobo kun?-?zannu valé yarapawelazannu nya we faa gi.

Tite 2:3

’Bé fe le segelenu lɛ léé, é a lé wo kɛlɛwenu a gɔɔn léé, wa le wéiinnu nya, té wo kɛlɛ wenaané fezannu valé nwɛ minizan kaiinu nya lo. É a lé wo wezinnu paa lomu gi.

Ébrunu 12:1

Kaa zi gunu a é dɔrale ’bɛ zo wenayemunu kiɛre nya bélé lati zo, bɛwemalé kaa é ziin, fɛnu lé woo kaa bɛn dɔa, kaa wo faa pla ma, yé kaa sɔn vɔ wenyanékɛlɛbli ma, yé kaa vlan buru kaa yarapalale nya vlan za kɛlɛna lé, a lɛ ke é sole kaa ’lɛ bɛ, ana ma,

SEBE LÉ JAK A GYE (Épitre de Jacques) 1:21

Bɛwemalé, ’ka daan we tiridɔle faa valé miblifliwe faa kɛlɛle ma, yé Kazambale dére lé wa vɔ ka bli gi, ’té éé bɔa ka sile lɛ we gi bɛ, ’ka ’bɛ si bli drɔɔ nya.

SEBE LÉ JAK A GYE (Épitre de Jacques) 3:14

Naa, dé maawole valé zakɛlɛbli a ka gi, té kabo tɔ bɔ lo; té ka viéwo webozen ma lo.

SEBE LÉ JAK A GYE (Épitre de Jacques) 4:11

Bwenu, té ka wenaané fe ka ke ma lo. Dé mian wenaané fe é bwe ma, dé mian é bwe ma we ble, ’té é a wenaané fena bélidɔwe ma, ’té é a bélidɔwe ma we blena. Yé dé i a bélidɔwe ma we blena, ’té i ’ka a ta tawozan nya lo, ’té i a a ma we blezan nya.

SEBE LÉ JAK A GYE (Épitre de Jacques) 4:5

É a ka gi léé, Kazambale lé sɛbɛ éé we fé é plaa? Léli lé Kazambale a pa ka gi, éé maawoo.

SEBE LÉ JAK A GYE (Épitre de Jacques) 5:9

Bwenu, té ka gun gyɛ ka ke ma lo, té wo kalé we ble lo we gi. Ka ye, Weblezan bɔ é pu.

1 Piɛri 2:16

’Ka tawo minénu nya, naa, té ka we lɛrɛlɛrɛ kɛlɛ ka vole kaboma tɔ gi lo. ’Ka we kɛlɛ Kazambale wuomunu lé wekɛlɛbɛ nya.

1 Piɛri 2:22

Krist ’ka wenyané kɛlɛ lɛ monomono lo, Yé dabli dére do kpen ’ka a ’léé lo;

1 Piɛri 3:10

Dé é sɔ mian lɛ léé, élé tɛrɛla ’é kɛlɛ néné, Yé ’é gi nana yinu ye, ’É yuɛ pa ébo va wenyané fele ma, Yé ’é yuɛ pa é lɔlu va dabli dérenu fele ma.

1 Piɛri 4:2

léé, alé tɛrɛlayinu lé wo vo a lee, té ’é wo kɛlɛ tɛrɛlamunu lé blibɔmawe yɛrama é dɛrɛ lo, naa, ’é wo kɛlɛ Kazambale lé blibɔmawe yɛrama.

1 Piɛri 4:4

Sin, ’bɛ zo wenu lé mi ’ka a kɛla lo, ’té wa kɛlɛna bélé blii lé, ka péli ’ka é vɔle wo va ’bɛ kɛlɛna é dɛrɛ lo, amalé wo gi vuru, yé wa ka tɔ sɛrɛna.

Wegɔɔnle 14:5

viédére do kpen ’ka bɔra lɛ wo ’léé lo, naa, gun ’ka wo ma lo.