1 Piɛri 1:5 - Kazambale lé Sebe Sauunu 1979

⁵ Ka bli a Kazambale lɛ amalé alé plɛplɛ éé ka tabin‐é fɔɔ yé ka béliwe lé Kazambale a ma’lɛrɛle nyaa, yé ’é a nagɔɔn bléyi voéla nya.

1 Piɛri 1:5 ပူးပေါင်းရင်းမြစ်များ

JOB (Job) 19:25

Maa gi dɔɔ léé, an Tabozan a é yuɛma, Yé é dan we ’wuodɔdére fe lɛ tɛrɛ la é voéla.

Lɛrɛvɔ Sɛbɛ 37:28

Naa, we tegele sɔ Gakelebale lɛ, Yé é ’ka sɔn vɔa élé yarapawelazannu ma lo; Éé wo tabin‐é yifaama. Naa, mi nyanénu kulu é dan ga lɛ.

Wegɔnévɔlenu 2:8

Éé zi tegelenu ta kuun‐an; éé yuɛ paan é sɔlɛmunu lé tawobɛ va.

Ézai 45:17

Gakelebale ma lé Izraɛlnu si we gi, Sile we gi lé a glɛ ’ka lo, yee lé. Yaragyɛwe ’ka dan bɔ lɛ ka ma lo, yé yara ’ka dan ka gyɛ lɛ lo, Fɔɔ, lɛɛfaama, a glɛ ’ka dɔa lo.

Ézai 51:6

’Ka yuɛ vɔ la gi, ’ka tɛrɛ va gini. Naa, lanu ta é dan saan lɛ bélé kyɛgoi zo, Tɛrɛ é dan dia lɛ é kuru nya bélé sɔ zo, A tamunu é dan zamaga wo lɛ bélé nyɔnɔtoro zo; Naa, anlé mi sile we gi é dan vo lɛ ana lɛɛfaama, Yé anlé wetegele nyaana ’ka lo.

Ézai 54:17

Gulidanfɛ faa lé wa foli i gyɛle we ma, é ’ka dan we do kɛlɛ lɛ i lɛ lo; Yé mi faa lé wo nwa i tɔ fele we ma, I dan wo gyɛ lɛ we nya. ’Bɛ zo lé Gakelebale wuozannu lé tɔnɔ ke, ’Bɛ zo lé maa dan wo si lɛ we gi. Gakelebale ɛ fe.

Ézai 66:22

Naa, la dɛrɛ valé tɛrɛ dɛrɛ lé maa dan wo kɛlɛ lɛ, wo dan vo lɛ yifaama an yuɛ gi fɛan zo, a zo lé ka kulu valé ka tɔ é dan vo lɛ ana yifaama. Gakelebale ɛ fe.

Jérémi 23:4

Yé mi pazannu lé wo dan fɛ nɔ lɛ wo lɛ, maa dan wo dɔ lɛ. Wo ’ka dan kana lɛ é ziin lo; di ’ka dan kini lɛ wo gi é dɛrɛ lo, yé fɛ ’ka dan kele lɛ wo va mi do kpen ma lo.

Jérémi 32:40

Gipawe lé é dan vo lɛ ana lɛɛfaama, maa dan a kɛlɛ lɛ wo va. Maa ’ka dan an yara si lɛ wo ta é dɛrɛ lo, maa dan we zin kɛlɛ lɛ wo lɛ. Yé an dan an lee kanale pa lɛ wo bli gi, léé, té wo si an va lo.

WENÉNÉ LE JAN A GYE (Évangile selon Jean) 12:48

Mi lé éé sɔn vɔa an ma, yé é ’ka tawoo an dérenu ta lo, alé weblezan ana; dérenu lé maa wo fe, wo ta lé Bale é dan alé we ble lɛ yi voéla nya.

WENÉNÉ LE JAN A GYE (Évangile selon Jean) 17:15

Maa ’ka a fena i lɛ léé, ’i wo si tɛrɛ la lo, naa, maa a fena i lɛ léé, ’i yuɛ pa wo va Nyanézan lé we ma.

WENÉNÉ LE JAN A GYE (Évangile selon Jean) 4:14

Naa, ’yi lé maa dan a nɔ lɛ munu lɛ, dé mian é ’bɛ ’yi mini, ’yiminilɔrɔ ’ka dan ’bɛzan gyɛ lɛ é dɛrɛ lo. Yé ’yi lé maa dan a nɔ lɛ ’bɛzan lɛ, é dan kinin lɛ ’yi’wuo nya a bɔn gi, yé é dan vo lɛ duunna fɔɔ yé é kɛlɛ munubélifɛ nya, yé wo vo é yuɛma ’té ’bɛ glɛ ’ka dɔa lo.

WENÉNÉ LE JAN A GYE (Évangile selon Jean) 5:24

Maa fe ka lɛ kyɔ webozen nya, mi lé éé an dére maan, yé éé bli voo mi lé é an pa zia, a lɛ, vole é yuɛma lé a glɛ ’ka lo, é a ’bɛzan gi, yé wo ’ka dan alé we ble lɛ monomono lo; naa, é so ga lee, yé é wɔra vole é yuɛma gi.

Rom munu 11:20

’Bɛ a webozen nya; wo ’ka wo bli pa lɛ lo, amalé wo wo bɔi yé bii a é dɔle blipale nya. Té ibo kɛlɛ blɛn lo ma; ’i kana.

Rom munu 8:18

É a an gi léé, wo ’ka bɔa lao klenu ’ko danle lɛ fua lé kaa dan a ble lɛ tɛlɛ tɛlama bɛ, a ma lo.

1 Korent munu 1:21

Kazambale lé wedɔɔle gi, é a kɛlɛ léé, té tɛrɛlamunu ’é dɔɔ ’wolé wedɔɔle nya lo; é sɔ Kazambale lɛ léé, munu lé wo bli vo ’é lɛ, ’é wo si we gi wenéné lé ke ’tugyɛwe nya, alé we fele nya.

2 Korɛnt Munu 1:24

Ko ’ka kalé blipale zavɔna lo, ka bli a we lɛ tegele, naa, é sɔ ko lɛ léé, ko bɔ ka va yé kalé gi nanale ’é kɛlɛ blɛn.

Galasi munu 2:20

Wo maa valé Krist gyɛ ékeva yiliblan ta. ’Té mian é ke é yuɛma an gi, maa kaan lo; naa Krist ɛ ke é yuɛma an gi, yé sin, dé maa a é yuɛma an kɔlɛ gi, ’té maa a é yuɛma blipale nya Kazambale Be lé, an sɔ a lɛ, yé ébozen nɔ anlé we ma bɛ, a gi.

Éfez munu 2:8

Bale lé zin ma lé é ka si we gi, ka blipale a lɛ we ma, yé we ’ko ’ka si lɛ ka va lo; Kazambale lé blɛ lé.

Éfez munu 3:17

Krist ’é nyana ka bli gi ka bli vole a lɛ we ma ma; ka suni ’é wɔra sɔlɛle gi yé ka dɔ a gi gyéiin ma;

Filip munu 1:6

Mian é kun nyanama zin pale ma ka gi bɛ, é dan go lɛ a lɛsɔɔle nya fɔɔ yé Jézu Krist lé yi é bɔ, maa a é pale ’bɛ ta.

Filip munu 4:7

Yé Kazambale lé vole drɔɔ lé, kalé bɔn‐in bɔrɔlenu ’ka sɔa a gi ’male lɛ lo, é dan ka bli valé kalé gibɔrɔlenu tabin lɛ ka kɛlɛle Jézu Krist gi we ma.

2 Timoté 3:15

É sia i kiéné la bléyi va fɔɔ kyɔ, Kazambale lé sɛbɛ sauunnu lé wo bɔalɛ léé, wo i kɛlɛ wedɔɔzan nya yé i si we gi blivole nya Jézu Krist lɛ bɛ, i wo dɔɔ.

Tite 2:13

’té ko ginanawe lé ko bli ke a lɛ koo, kolé Bale blɛn lé é ke ko Siéwegizan Jézu Krist nya, alé fua tagɔɔnle koo, ’té woo lé ko ke wo lɛbɛnna.

Ébrunu 6:12

É sɔ ko lɛ léé, té ka yuɛ gi é blan lo, naa, munu lé wo ke blivolɛdére lɛsɔɔle yena, blipale valé yarapalale nya, ’ka kɛlɛ bélé wo zo.

Ébrunu 9:28

A zo lé Krist é ziin, é ébo nɔ gɔnɔ do kpen mi kiɛre lé wenyané nyaale we gi, yé é dan da lɛ a gɔnɔ fiézan nya; é ’ka dan da lɛ wenyané nyaale we ma lo, é dan da lɛ munu lé wo ke a lɛbɛnna, wo sile we gi we ma.

1 Piɛri 1:13

Amalé ’ka ka gi bɔrɔlenu dɔ bélé woo doa dɔa ’wo gyɛn fɛan zo, a zo; ’kabo kun, yé zin lé Bale é dan a kɛlɛ lɛ ka lɛ Jézu Krist bɔrayi nya, ’ka bli kɛlɛ a yele lɛ tegele ma.

1 Piɛri 4:13

Naa, ka gi ’é nana léé, nyanénu lé Krist a ble, kazé a wo va, yé ka gi ’é nana fɔɔ yé é gié a glɛ la, Krist lé fua nagɔɔn yi nya.

1 Piɛri 5:1

Maa a we plana kalé mi segelenu lɛ. Maa é ziin, maa a wo va mi segele do nya, yé maa Krist lé nyanéblelenu ye, yé anzé a fua tɔbɔle lé é dan bɔra lɛ bɛ, a va. We lé maa a plana ’kaa mi segelenu lɛ, yee lé ke ’ko:

2 Piɛri 1:3

Fɛnu faa lé wo bɔa kaa va kaalé tɛrɛla valé Bale lé zi ta tawole gi, Bale lé plɛplɛ ɛ wo nɔ kaa lɛ blɛ nya, yé yee Bale lé plɛplɛ lé we ma lé, mi lé é kaa laa ébo lé fua tɔbɔle valé élé wezin nya, yé kaa a dɔɔ.

1 Jan 3:2

Ka lé ka sɔ an lɛ, kaa a lao Kazambale lé nénu nya. Kaa dan kinin lɛ fɛan nya, wo ’ka tan ’bɛ gɔɔn lɛ kaa lɛ lo. Naa, kaa gi dɔɔ léé, dé wo ’bɛ gɔɔn kaa lɛ bléyian va, kaa dan kɛlɛ lɛ bélé Jézu bozen zo; fɛan zo lé Jézu ke, a zo duo lé kaa dan a ye lɛ, azama.

SEBE LÉ JUD A GYE (Épitre de Jude) 1:1

’Kaanu lé Tibale ka laa, ’té ka sɔ a lɛ yé é ka tadɔ Jézu Krist zé nya bɛ, maa we ka va. Maa Jud lé an ke Jézu Krist lé luugɔnéné nya, Jak bwe nya, maa ɛ ke sɛbɛ ’ko pana ka lɛ zia.

SEBE LÉ JUD A GYE (Épitre de Jude) 1:24

Bale lé, éé bɔa ’é yuɛ pale lɛ ka va yé ka ’ka saan monomono lo, ’té éé bɔa ka kɛlɛle lɛ sauun yé é da ka nya élé fua tɔbɔle va, ’té ka gi nanale a blɛɛn,

1 Samuɛl 2:9

É dan é yuɛ pa lɛ é sɔlɛzannu ganepa va, Naa, mi naané é dan zamaga wo lɛ gunutinu va. Naa, guliwuo ’ka dan vo lɛ mi lɛ élé plɛplɛ ma lo.