1 Piɛri 1:3 - Kazambale lé Sebe Sauunu 1979

³ Kaazan Jézu Krist Ti lé ke é ziin alé Bale nya, a drɔɔ ’é vo ma. A nyanai zén kaa ta é baba amalé é kaa yaa é dɛrɛ Jézu Krist nwale gamunu va nya, léé, kaa bli vole we lɛ ’é kɛlɛ bli vole we lɛ bozen nya.

1 Piɛri 1:3 ပူးပေါင်းရင်းမြစ်များ

1 Minwiinzannu 8:15

Yé é léé: Gakelebale, Izraɛl lé Bale lé é we fe an ti David lɛ ébo ’léé, yé we lé é a fe é a lɛ sɔɔ élé plɛplɛ nya, ’wa drɔɔ vo ma. É léma:

Minwiinzannu lé Wezuofe Sɛbɛ 29:20

David lé, munu faa lé wo ke é zénle ékeva, wo lɛ léé: ’Ka Gakelebale kalé Bale drɔɔ vo. Yé zén‐ékevamunu faa Gakelebale, wo tranu lé Bale drɔɔ vo. Wo dia ’wo bli la Gakelebale valé minwiinzan blɛn ’lɛ.

2 Minwiinmunu lé Wezuofe Sɛbɛ 31:8

Ézékia valé mi ’lɛzannu da fɛzunnu ’ko naginile we ma, yé wo Gakelebale valé alé munu drɔɔ vo.

Lɛrɛvɔ Sɛbɛ 41:13

Anlé we a tegele, amalé i bɔ an va, Yé i an dɔ i ’lɛ yifaama.

Lɛrɛvɔ Sɛbɛ 86:15

Naa, bii, Mizan, i a nyanai zén Bale valé mi mawe dɔɔ Bale nya, I bli ’ka flian é kele lo; ilé zin valé ilé yarapale we ta, wa i gi blɛn;

Lɛrɛvɔ Sɛbɛ 86:5

Naa, Mizan, bii a é zin, i mi ma we voo, Munu faa lé wo i tɔ laan, wo va sɔlɛle a i gi blɛn.

Fwile 34:6

Yé Gakelebale gié a ’lɛ yé Gakelebale siaa léé: Gakelebale, Gakelebale, é a mimawe vo Bale valé nyanaizénmila Bale nya; éé we lɛbɛn‐é faa yé a bli é fli, yé zin valé yarapalale a a lee kiɛre.

Ézai 26:19

Amalé, ’ilé migalenu vuo ma; ’I anlé migalenu nwa ma. Ka lé ka ke vun va, ’ka vuo, ka gi ’é nana, Naa, Bale lé fli a mivoéyuɛma fli nya, Yé é dan vɔ lɛ migalenu ta.

Jonas 4:2

É we ’ko laa Gakelebale lee yé é léé: Gakelebale, wean maa a fé turu, ’té maa a tan anlé tɛrɛ la, yeean é ke ’ko loo? Amalé é dɔ an gi léé, an go yɔɔ lɛ Taasis. Bii a Bale lé é mi mawe dɔɔ, ’té a nyanai éé zén‐é, ’té a bli ’ka flian é kele lo, ’té zin a a gi kiɛre, ’té éé bli nɔlaan we tɔntɔn kɛlɛle mi lɛ ma, a nya.

WENÉNÉ LE JAN A GYE (Évangile selon Jean) 1:13

Wo ’ka wo yaa lɛ tɛrɛla né yaabɛ nya lo, wo ’ka wo yaa lɛ blaminu lé sɔlɛwe nya lo, wo ’ka wo yaa lɛ mi lé blibɔmale nya lo, naa, wo wo yaa Kazambale lé blibɔmale nya.

Rom munu 12:12

Ka gi ’é nana bli kɛlɛle fɛ lɛ lé we ma ma. ’Ka kɛlɛ bli tiéézannu nya nyanéblele gi. ’Kabo nɔ bazorole lɛ.

Rom munu 15:13

Blivolɛ Bale ’é ka fan gi nanale nya yé ’é ka vo drɔɔ bɛ faa ma ka pale a ta we ma, fɔɔ yé ka bli é vo a lɛ tegelee, Léli Sauun lé plɛplɛ nya.

Rom munu 4:25

Kaalé wesɛrɛle ma lé Bale Jézu nɔ ga lɛ, yé é nwa gale va kaa kɛlɛle tegele we ma.

Rom munu 5:10

Dé ko nana Kazambale va a Be gale lé we ma, bléyian va lé ko ke a nyanézannu nya, ’bɛ bléyi va ’naan, ko nanale a va zuo ’té a Be bélile ’ka dan ko si lɛ we gi loo?

Rom munu 8:11

Mi lé é Jézu nwa gamunu va, dé ’bɛzan Léli a é nyanale ka gi, ’té mi lé é Krist nwa gamunu va é dan kalé gakɔlɛ béli lɛ é ziin, a Léli lé é ke é nyanale ka gi bɛ, a nya.

Rom munu 8:24

Kaa bli kɛlɛle we lɛ nya lé kaa si we gi. Naa, blikɛlɛlɛfɛ lé wa yé, é ’ka blikɛlɛlɛfɛ nya é dɛrɛ lo; fɛ lé wa ye, mi é bɔalɛ léé, é bli kɛlɛ ’bɛ lɛɛ?

1 Korent munu 13:13

Sin, fɛ yaa ’ko, woo voo ana: blipale koo, bli kɛlɛle we lɛ koo, sɔlɛle koo, woo lé. Naa, wo faa tagɔné lé ke sɔlɛle nya.

1 Korent munu 15:20

Naa, webozen lé, Krist nwa gale va; é a mi vinin lé é nwa gamunu va, a nya.

2 Korɛnt Munu 1:3

Kaazan Jézu Krist Ti lé é ke é ziin alé Bale nya, a drɔɔ ’é vo ma. É a ko Ti lé a nyanai éé zén‐é ko ta, yé é a Bale lé éé ko tɔrɔ paan, a nya.

Galasi munu 6:16

Munu faa lé wo ke tawona bélidɔwe ’ko ta, é valé Kazambale zé Izraɛlnu, Bale ’é wo vo drɔɔ yé a nyanai ’é zén wo ta ma.

Éfez munu 1:17

We lé maa a laan kazé nya, yee lé ke ’ko: Kaazan Jézu Krist zé Bale, Fuasan faa Ti, ’é wedɔɔbli nɔ ka lɛ ma, yé ’é pa ka ta ma, kalé yeebozen dɔɔle we gi ma;

Éfez munu 1:3

Kazambale, Kaazan Jézu Krist Ti lé é kaa drɔɔ vo léli drɔɔ vole gɔnɔ faa nya fɛna lorunu na Krist gi, a drɔɔ ’é vo ma.

Éfez munu 1:7

Jézu nya lé é kaa tabo, ’bɛ gi léé, a nyɛ nya, yé Bale kaa ma we vo kaalé wenyanénu ma.

Éfez munu 2:4

Naa, Kazambale nyanai éé zén‐é é baba yé ko va sɔlɛle a a gi blɛɛn, amalé ko lé ko ke é gale kolé we sɛrɛlenu ma, é ko béli ékeva Krist nya. Kazambale lé zin ma lé é ka si we gi.

Éfez munu 3:20

Mi lé éé bɔa we faa lé kaa laan, é valé we faa lé kaa gi bɔrɔan a nya, a kɛlɛle lɛ, ’té éé giéan ’bɛ ta é baba, plɛplɛ lé é ke nyanama pana kaa gi, a nya bɛ,

Kolɔs munu 1:23

’té dé ka suni wɔra yé ka tin blɛɛn blipale gi, yé we lé ka bli ke a lɛ Wenéné lé ka a ’ma, alé we ma, ’té ka bli ’ka sié ’bɛ lɛ monomono lo. Wenéné ’ko, wa fe tɛrɛlamunu faa lɛ, yé maa Pɔl, maa kɛlɛ a gi nyanamapazan nya.

Kolɔs munu 1:27

Weyɔɔle ’ko a we tɔbɔle blɛɛn nya bɛnnu faa méléna fɛan zo, é sɔ Kazambale lɛ léé, ’é a gɔɔn élé munu lɛ. Yee weyɔɔle lé ke ’ko: Krist a ka gi, amalé ka bli a a lɛ léé, kazé a Bale lé fua tɔbɔle va.

1 Tɛsalɔnik munu 1:3

We lé ka a kɛla kalé blipale we ma koo, nyanama lé ka a paan Kazambale sɔle ka lɛ we ma koo, ka bli a Kaazan Jézu Krist lɛ yifaama fɛan zo koo, wo sele a ko gi bléyi faa ma kaa Ti Bale ’lɛ.

1 Tɛsalɔnik munu 4:13

Bwenu, ko ’ka a va léé, ka vo ka tanyila, munu lé wo ke yiɛna, wolé we ma lo; té ka bli kyɛ é dɔ bélé munu lé wo bli ’ka we do lɛ lo, wozé zo lo.

2 Tɛsalɔnik munu 2:16

Kaazan Jézu Krist bozen valé kaa Ti Bale lé kaa sɔ a lɛ bɛ, ’té é zin kɛlɛ kaa lɛ kaa tɔrɔpaale nya yifaama, a glɛ ’ka lo, é valé bli kɛlɛle wezin lɛ nya bɛ,

1 Timoté 1:14

Yé Kaazan élé zin kiɛre kɛlɛ an lɛ yé blipale valé sɔlɛle lé é ke Jézu Krist gi, é wo vɔ an bli gi blɛn.

Tite 2:13

’té ko ginanawe lé ko bli ke a lɛ koo, kolé Bale blɛn lé é ke ko Siéwegizan Jézu Krist nya, alé fua tagɔɔnle koo, ’té woo lé ko ke wo lɛbɛnna.

Ébrunu 3:6

naa, Krist kɛlɛ yarapawelazan nya bélé mi be lé ke é plale ébo lé kɔn nwiin, a zo. Yé kaa a alé kɔn nya, ’té dé kaa bli vo é pale gligli, yé kaa bli vo we lé éé kaa gi nanaan, a lɛ, fɔɔ yé kaa bɔ a ’wuoplana.

SEBE LÉ JAK A GYE (Épitre de Jacques) 1:18

É kaa yaa élé blibɔmawe yɛrama webozen dére nya, kaa kɛlɛle a kɛlɛfɛ vininzannu nya we gi.

1 Piɛri 1:13

Amalé ’ka ka gi bɔrɔlenu dɔ bélé woo doa dɔa ’wo gyɛn fɛan zo, a zo; ’kabo kun, yé zin lé Bale é dan a kɛlɛ lɛ ka lɛ Jézu Krist bɔrayi nya, ’ka bli kɛlɛ a yele lɛ tegele ma.

1 Piɛri 1:21

Yee ɛ ma lé é ziin ka bli vo Kazambale lé, ’bɛ a si gale va yé ’bɛ fua nɔ a lɛ bɛ, ’bɛ lɛ, ka pale Kazambale ta valé ka bli vole Kazambale lɛ we gi.

1 Piɛri 1:23

Naa, wo ’ka ka yaa lɛ é dɛrɛ fɛwɔlɛ lé éé vɔn‐o, a nya lo, wo ka yaa é dɛrɛ fɛwɔlɛ lé é ’ka vɔn‐o lo, a nya, Kazambale dére yuɛmale lé éé voo lɛɛfaama, a nya.

1 Piɛri 2:2

Ka a bélé liinénu zo, amalé ka bli ’é bɔ nyɔyi tegele lé ke Bale dére nya, a ma, fɛan zo lé liinénu bli éé bɔa nyɔyi ma, a zo. Dé ka a mini, ka dan tin lɛ a nya yé ka béli,

1 Piɛri 3:15

naa, ’ka Krist pa é yɛrama ka bli gi Kazan nya. We lé ka bli ke a lɛ, dé miomian é a gi laa ka lee, ’ka gi fe a lɛ. ’Ka a fe bli drɔɔ valé kanale nya,

1 Piɛri 3:21

’Yi ’ko a batizé lé éé ka sié we gi sin, a tɔmase nya. Batizé ’ka ka kɔlɛ zurule we nya lo, dé kalé wevasibli ’ka we dɔa ka nwiin Kazambale yara lo, yee lé ke batizé nya, yé é ka sié we gi Jézu Krist nwale gale va nya.

1 Piɛri 3:5

Lomu sauun lé wo bli ke Kazambale lɛ, wa kɛlɛ yee ɛ zo é kyɛn, yé wo pla wo zananu wuo,

1 Jan 2:29

Dé ka a gi dɔɔ léé, Kazambale a tegele, ka a gi dɔɔ é ziin léé, mian éé we tegele kɛla, é a Kazambale lé né nya.

1 Jan 3:3

Yé dé miomian a bli ke Jézu dale lɛ, ’bɛzan é ébozen kɛla sauun, bélé fɛan zo lé Jézu ke sauun, a zo.

1 Jan 3:9

Dé miomian é ke Kazambale lé né nya, Kazambale bli a ’bɛzan gi, amalé ’bɛzan ’ka wenyané kɛla lo. É a Kazambale lé né nya, ’bɛzamalé é ’ka bɔa wenyané kɛlɛle lɛ lo.

1 Jan 4:7

Ka lé ka sɔ an lɛ, kaa sɔ kaa ke lɛ ma, naa, Kazambale va lé sɔlɛle éé sié, yé miomian munu sɔ a lɛ, ’bɛzan a Kazambale lé né nya yé ’bɛzan Kazambale dɔɔ.

1 Jan 5:1

Mi faa lé wo bli ke a lɛ léé, Jézu a Krist nya, wa Kazambale lé nénu nya, yé dé mi yaati sɔ miomian lɛ, ’té a giné éé sɔa a lɛ é ziin.

1 Jan 5:18

Kaa gi dɔɔ léé, Kazambale lé né do kpen ’ka wenyané kɛla lo. Naa, Kazambale Be éé yuɛ paan wo va, yé Satan ’ka manean wo ma lo.

1 Jan 5:4

munu faa lé wo ke Kazambale lé nénu nya, woo tɛrɛlawenu keleé yifaama, bɛwemalé Kazambale lé bélidɔwenu kɛlɛle ’ka wo ma tɔntɔn lo. Fɛ lé éé tɛrɛlawe keleé yé a ’wuo éé voo a lɛ, yee lé ke kaa blivole Jézu lɛ nya.