1 Piɛri 1:21 - Kazambale lé Sebe Sauunu 1979

²¹ Yee ɛ ma lé é ziin ka bli vo Kazambale lé, ’bɛ a si gale va yé ’bɛ fua nɔ a lɛ bɛ, ’bɛ lɛ, ka pale Kazambale ta valé ka bli vole Kazambale lɛ we gi.

1 Piɛri 1:21 ပူးပေါင်းရင်းမြစ်များ

Lɛrɛvɔ Sɛbɛ 42:5

We lé ko kɛlɛ yi la, dé a sele dɔ an gi, ’té an bli sɛrɛ an gi, Dé maa a tawona mi gu va, ’Té maa a wo ’lɛ, ’té ko go Bale lé kɔn vazia, ’Té fɛti kɛlɛmunu Woo siaan ginanale valé Bale bɔvɔle nya; Dé a sele dɔ an gi, ’té an bli sɛrɛ an gi.

Jérémi 17:7

Mian éé paan Gakelebale ta, ’té a bli ke Gakelebale lɛ, ’Bɛzan drɔɔ a é vole.

Matio 28:18

Jézu bié aan wo yé é lé wo lɛ léé: Wo plɛplɛ faa nɔ an lɛ tɛrɛ la valé la gi.

WENÉNÉ LE JAN A GYE (Évangile selon Jean) 12:44

Jézu siaa yé é léé: Mi lé a bli vo an lɛ, an lɛan a bli vo lo; mi lé é an pa zia, ’bɛzan lɛ lé a bli vo;

WENÉNÉ LE JAN A GYE (Évangile selon Jean) 14:1

Té ka we do kpen gibɔrɔ pa lo. ’Ka bli vo Kazambale lɛ yé ’ka bli vo an lɛ é ziin ma.

WENÉNÉ LE JAN A GYE (Évangile selon Jean) 14:6

Jézu lé a lɛ léé: Maa lé ke zi koo, webozen koo, vole é yuɛma koo, wo nya. Mi do kpen ’ka dan an Ti va lo, ’té dé é ’ka gié lɛ an va lo.

WENÉNÉ LE JAN A GYE (Évangile selon Jean) 17:1

We ’konu fele zuo Jézu é yara nwa loru yé é léé: An Ti, a bléyi bɔ. Maa lé ke i Be nya ’ko, ’i an tɔ kɛlɛ blɛn yé maa i é tɔ kɛlɛ blɛn é ziin,

WENÉNÉ LE JAN A GYE (Évangile selon Jean) 17:24

An Ti, é sɔ an lɛ léé, fɛana lé an ke, munu lé i wo nɔ an lɛ, ’wo kɛlɛ an va ana, anlé fua tɔbɔle lé bé nɔ an lɛ, wolé a yele we ma. An sɔ i lɛ tɛrɛ bɔrale ’lɛ, ’bɛ lé we ma.

WENÉNÉ LE JAN A GYE (Évangile selon Jean) 17:5

Yé sin, bii an Ti, ’i an tɔ kɛlɛ blɛn ibozen va, fua lé é ke an lee é kyɛn i va, ’té tɛrɛ ’ka tan lo, a nya.

WENÉNÉ LE JAN A GYE (Évangile selon Jean) 3:34

Naa, Kazambale ’ka ’é Léli nɔle glɛ dɔ lɛ a lɛ lo; bɛwemalé, mi lé Kazambale a pa zia, Kazambale dérenu lé éé a fé.

Kelewenu 2:24

Gale ’ka bɔ lɛ Jézu lɛ lo, naa, Kazambale a nwa gale va, gabale fuole nya a ma.

Kelewenu 3:13

Abraam koo, Izak koo, Jakɔb koo, wozé Bale, kaa tranu zé Bale, ’bɛ é wuozan Jézu tɔ kɛlɛ blɛn. Yee lé ka liwo, yé ka sɔn vɔ a ma Pilat ’lɛ, ’té é dɔ ’bɛ gi léé, ’é dan a vo lɛ éboma.

Kelewenu 3:15

Yé ka bélile punsina gyɛ, yee lé Kazambale a nwa gamunu va. Ko a anayezannu nya.

Kelewenu 4:10

ka faa a gi dɔɔ ma, yé Izraɛl munu faa a gi dɔɔ léé, Nazarɛtzan Jézu Krist lé ka a gyɛ yili la, yé Kazambale a nwa gale va, a tɔ ma lé mi ’ko dɔ ka yuɛ va plɛplɛ.

Rom munu 10:9

Dé i Mizan Jézu tɔ bɔra munu va, yé dé i dɔ a ta léé, Kazambale a nwa gamunu va, i dan si lɛ we gi.

Rom munu 4:24

é a sɛbɛ gi kaalé we ma é ziin, kaa lé, kaalé blipale é dan nɔla lɛ kaa ma we tegele nya bɛ, kaalé we ma; kaa lé, kaa bli vo mi lé é Kaazan Jézu nwa gamunu va bɛ, a lɛ, kaalé we ma lé é a sɛbɛ gi.

2 Korɛnt Munu 6:15

Krist valé Bélial dére éé sɔa doo? Mi lé a bli ’ka é pale lo, ’bɛ éé dɔa blipazan lé we gii?

Éfez munu 1:15

We ’konu faa lé we ma, maa a ’ma aan wo léé, ka bli a Mizan Jézu lɛ, yé Kazambale lé munu faa va sɔlɛle a ka gi,

Kolɔs munu 1:27

Weyɔɔle ’ko a we tɔbɔle blɛɛn nya bɛnnu faa méléna fɛan zo, é sɔ Kazambale lɛ léé, ’é a gɔɔn élé munu lɛ. Yee weyɔɔle lé ke ’ko: Krist a ka gi, amalé ka bli a a lɛ léé, kazé a Bale lé fua tɔbɔle va.

1 Timoté 1:1

Bii Timoté lé i ke anbozen lé né nya Kazambale lé we gi, an we i va. Tibale valé Kaazan Jézu Krist ’wo zin kɛlɛ i lɛ ma, yé wo nyanai ’é zén i ta ma, yé ’wo i vo drɔɔ ma. Maa Pɔl ɛ ke sɛbɛ ’ko gyɛna i lɛ. Kaa Siéwegizan Bale valé Jézu Krist lé, ko bli ke a lɛ, wo dére ta lé an kɛlɛ Jézu Krist lé nwunvɔzan nya.

1 Timoté 3:16

Kazambale bɔzi wɔlɛmawe a blɛn, webozen nya. Kazambale ébo nagɔɔn mi kɔlɛ gi, yé a Léli a tegele nagɔɔn, yé lanjenu a ye, yé munu alé we fe bɛnnu lɛ, yé munu bli vo a lɛ tɛrɛ la, yé wo goan la gi.

Ébrunu 2:9

Fɛ lé ko yé, yee lé ke Jézu nya. Jézu kɛlɛ kiéné é mini lanjenu ta bléyi sɛ nya, yé sin ko a yé, ’té fuasan valé tɔbɔle a a lee, plale mi nwiin tɔmase nya, ga lé é a wo, a we ma. Kazambale lé zin nya lé é mi faa gi ga wo.

Ébrunu 6:1

Bɛwemalé Krist lé we vininzannu lé wa paa ka gi, té kaa vo ’bɛ saa ma lo. Sɔnvɔle mi kɛlɛwenu lé ke bélé fɛ gale zo, wo ma, ’bɛ koo, bli vole Kazambale lɛ koo, batizé lé we paale koo, bɛ plale mi ta koo, gamunu nwale koo, welɛdɔle mi gi lé a glɛ ’ka lo koo, ’bɛ faa a a pélisia la we nya, amalé té ka vo ’bɛ saa ma lo. ’Ka yara pa we lé éé gun sié mi ma, a kɛlɛle ta.

Ébrunu 7:25

Bɛwemalé, munu lé woo biéan Kazambale sɔnɔ Jézu tɔ gi, Jézu éé bɔa wo sile lɛ we gi tegele. É a é yuɛma lɛɛfaama ’té éé dɔa wolé we gi lɛɛfaama Kazambale ’lɛ, azama.

1 Piɛri 1:11

Krist lé nyanéblelenu valé fua lé é dan a ble lɛ ’bɛ zuo, Krist Léli lé ke balelayemunu gi, é a ’bɛ gɔɔnna aan wo wo lɛ a bléyi ’lɛ, amalé wo kwa kuli léé, wa kɛlɛbléyi valé a ma we kénékénénénu faa dɔɔ.

1 Piɛri 1:3

Kaazan Jézu Krist Ti lé ke é ziin alé Bale nya, a drɔɔ ’é vo ma. A nyanai zén kaa ta é baba amalé é kaa yaa é dɛrɛ Jézu Krist nwale gamunu va nya, léé, kaa bli vole we lɛ ’é kɛlɛ bli vole we lɛ bozen nya.

1 Piɛri 3:22

Jézu go la gi yé é nyana Kazambale bɛyila, yé lanjenu koo, fɛnu lé woo wo lɛdɔama koo, plɛplɛnu koo, wo pla a wuo.