1 Piɛri 1:2 - Kazambale lé Sebe Sauunu 1979

² Tibale ka si a va élé tɛlɛ tɛlama wedɔɔle yɛrama, yé Léli Sauun ka pa é yɛrama Bale zé nya, kalé Jézu Krist lɛdɔmale valé ka kɛlɛle a nyɛ nwɛɛn ta munu nya we gi. Bale lé zin kɛlɛle ka lɛ valé Bale lé ka vole drɔɔ gi ’é gyɛ ma.

1 Piɛri 1:2 ပူးပေါင်းရင်းမြစ်များ

Ézai 55:7

Mi nyané ’é si ’é kɛlɛwe zuo ma, Yé mi ple ’élé gibɔrɔle nɔla ma, ’É nɔla Gakelebale va ma, yé ’bɛ é dan nyanai zén lɛ a ta, ’É nɔla kolé Bale va ma, ’bɛ wɔlɛgi ’ka nyaan ’é ma mi ma we vole nya lo.

Ézai 65:22

Wo ’ka dan kɔn dɔ lɛ yé mi bɛ é nyana ’bɛ gi lo; wo ’ka dan dɔrɔféi pa lɛ yé mi bɛ a poro ble lo. Naa, anlé munu lé yinu é dan kɛlɛ lɛ bélé yilinu zé zo, yé munu lé maa wo si a va, wo gi é dan nana lɛ ’wo bɛ panyanama ma.

Ézai 65:9

Maa dan Jakɔb kulu kɛlɛ lɛ, yé maa dan an zaragɔ kɛlɛ lɛ Juda punlazan do zé nya; munu lé maa wo si a va, tɛrɛ ’ko é dan kɛlɛ lɛ wozé nya, yé an wuozannu é dan nyana lɛ ana.

Daniɛl 4:1

Minwiinzan blɛn Nébukanɛsaa lé bɛngɔnɔ faa koo, bɛnnu koo, dére faa do do vɔzannu lé woo nyanaan tɛrɛ faa la koo, wo lɛ léé: Ka drɔɔ ’é vo kiɛre ma.

Daniɛl 6:25

’Bɛ zuo, minwiinzan blɛn Darius sɛbɛ gyɛ bɛngɔnɔ faa koo, bɛnnu faa koo, dére faa do do vɔmunu koo, ’té woo nyanaan tɛrɛ faa la, wo lɛ léé: Ka vole drɔɔ gi ’é gyɛ é baba ma.

Lévinu 1:5

É dan dirigɔnéné bɔrɔ bo lɛ Gakelebale ’lɛ; yé Balebanmunu, Arɔn benu, wo dan a nyɛ nɔ lɛ yé wo dan a zana lɛ balebanna lé ke zén‐ékevasɔkɔn ’léé, a zi.

Matio 24:22

Dé Bale ’ka yi kenu si lɛ a ta lo, mi do kpen ’ka dan si lɛ we gi lo, naa, munu lé Kazambale wo si a va ézé nya, wolé we ma lé é dan yi kenu si lɛ a ta.

Matio 24:24

Dabli Kristnu valé viébalelayemunu é dan nwa lɛ yé wo dan we blɛnblɛnnu valé gyɛzorowenu kɛlɛ lɛ fɔɔ yé munu lé Kazambale wo si a va ézé nya, yé wo wo saan, ’té dé wo bɔa kɔɔn saanle lɛ.

Matio 24:31

Yé maa dan anlé lanjenu nwunvɔ lɛ béli fɛnle nya, yé munu lé maa wo si a va anzé nya, lanjenu é dan wo si lɛ tɛrɛ sun ziɛn ta, é sia la glɛ sina fɔɔ yé é bɔ la glɛ koɛ ma.

Maak 13:20

Dé Mizambale ’ka kɔɔn yi kenu si lɛ a ta lo, ’té mi do kpen ’ka dan si lɛ we gi lo; naa, munu lé Kazambale wo si a va ézé nya, wolé we ma lé é yi kenu si a ta.

Maak 13:22

Dabli Kristnu valé viébalelayezannu é dan nwa lɛ, yé wo dan we blɛnblɛnnu valé gyɛzorowenu kɛlɛ lɛ fɔɔ yé munu lé Kazambale wo si a va ézé nya, yé wo wo saan, ’té dé wo bɔa kɔɔn saanle lɛ.

Maak 13:27

Yé maa dan anlé lanjenu nwunvɔ lɛ yé munu lé maa wo si a va anzé nya, maa dan wo si lɛ tɛrɛsun ziɛn ta, é sia tɛrɛ glɛ sina fɔɔ yé é bɔ la glɛ sina yé maa wo zén ékeva.

WENÉNÉ LÉ LUK A GYE (Évangile selon Luc) 18:7

Yé munu lé Bale wo si a va ézé nya, ’té woo siaan a lɛ bladi nyanadi, é ’ka dan wo nyanémunu lé we ble lɛ loo? É dan mɔn lɛ faa ’lɛ yé é wolé we blee?

Kelewenu 15:18

Yé é wo dɔɔ a pélisia bléyi va, yee ɛ fe.

Kelewenu 2:23

we lé Bale a kɛlɛ é kyɛn, é valé ébo dɔɔwe yɛrama lé wo Jézu ’ko pa ka lee, yé ka a nɔ mi nyanénu lɛ léé, ’wa blin yili la.

Kelewenu 20:32

Laona, an ka vo Kazambale lee, é valé alé zin dére lee; mi lé é bɔalɛ, é ka tin yé é tɔnɔfɛ nɔ ka lɛ é va, munu faa lé é wo pa é yɛrama, wo va bɛ, maa ka vo ’bɛzan lee.

Rom munu 1:5

Yee ɛ lé we ma lé Kazambale zin kɛlɛ an lɛ yé é an kɛlɛ nwunvɔzan nya, léé, ’maa go Jézu tɔ gi yé ’maa munu ye bɛnnu faa méléna, yé ’maa wo nɔla Bale vazia, yé wa lɛdɔma.

Rom munu 1:7

’Kaa Rom munu faa lé ka we ke Kazambale lee, ’té é ka laa ka kɛlɛle élé munu nya we gi bɛ, an we ka va. Kaa Ti Bale valé Mizan Jézu Krist, ’wo zin kɛlɛ ka lɛ yé ’wo ka vo drɔɔ ma.

Rom munu 11:2

Kazambale lé munu lé é wo dɔɔ é kyɛn, é ’ka sɔn vɔ lɛ wo ma lo. We lé Kazambale lé sɛbɛ a fe Éli lé we ma, ka ’ka a gi dɔɔa loo? É Izraɛl tɔ fe Kazambale lɛ fɛan zo, ka ’ka a gi dɔɔa loo?

Rom munu 11:28

Dé é a Wenéné lé we nya, wa Kazambale nyanézannu nya kalé we ma; naa, dé é a munu vabole lé we nya, wo sɔ Kazambale lɛ wo tranu lé we ma.

Rom munu 15:16

Bale va nyanama lé ke Kazambale lé Wenéné fele nya, yee lé maa ke a pana bɛn bɛnu va léé, Léli Sauun lé we ma bɛnnu ’é kɛlɛ saraka lé é sɔ Kazambale lɛ, a nya.

Rom munu 16:19

Dé é a kazé nya, mi faa a gi dɔɔ léé, ka tɔné gi a drɔɔ. Bɛwemalé an gi éé nanaan kalé we ma yé é sɔ an lɛ léé, ’ka bɔ wezin kɛlɛle lɛ kiɛre kiɛre, yé ’ka kɛlɛ mi tidiannu nya wenyané kɛlɛle vazia.

Rom munu 16:26

naa, sin, a ta bɔra balelayemunu lé sɛbɛ gyɛle nya. Gakelebale a béli dɔ a zo, yé sin wa nagɔɔn bɛnnu faa lɛ, wo bli vole Kazambale lé we lɛ we gi yé wa lɛdɔma.

Rom munu 8:13

Dé ka tawo dɔbɛ kyɛn lé blibɔmawe yɛrama, ka dan ga lɛ; naa, ka kɛlɛwe naanénu lé wo ka kun, dé ka wo yi ga kabo lee Kazambale Léli lé plɛplɛ nya, ka dan béli lɛ,

Rom munu 8:33

Munu lé Kazambale wo si a va ézé nya, de ɛ dan we dɔ lɛ wo nwiin? Kazambale ɛ mi kɛla tegele.

1 Korent munu 1:30

Naa, Kazambale lé we ma lé ka a Jézu Krist gi, yé Kazambale lé blibɔmawe yɛrama lé Krist kinin kolé wedɔɔle valé kolé we tegele koo, ko kɛlɛle sauun koo, ko tabozan koo, wo nya.

1 Korent munu 6:11

A nya lé ka va mi kenu ke é vinin. Naa, sin ka a é zurule; ka a sauun, ka kɛlɛ tegele Mizan Jézu Krist tɔ gi, é valé kaalé Bale Léli nya.

2 Korɛnt Munu 10:5

’Wuogibɔrɔle planu valé we faa lé éé sɔn vɔa Bale dɔɔle ma, ko wo yi gaan yé ko ’wuogibɔrɔle faa kɛlɛ Krist lé luu nya, a lɛdɔmale we gi.

Bélidɔwesɛbɛ Fiézan 7:6

Naa, ka a munu lé Gakelebale, kalé Bale wo pa é yɛrama ézé nya, wo nya; Gakelebale, kalé Bale ka si bɛnnu faa lé wo ke tɛrɛ la, wo va, ka kɛlɛle azé nya we gi.

Kolɔs munu 3:12

Bɛwemalé, ’kaa lé Kazambale ka si a va ézé nya, mi sauun valé Bale sɔlɛzannu nya, nyanaizénbli koo, wezin koo, bo kiéné koo, bli drɔɔ koo, bli tiéé koo, ’ka wo zén ka ta bélé sɔ zo ma.

2 Tɛsalɔnik munu 2:13

Ko bwenu, ka sɔ Mizambale lɛ é baba, amalé é a lé ko Kazambale bɔ vɔ yifaama kalé we ma. Naa, a péli sia bléyi va Kazambale ka si a va ka sile we gi we ma. Kazambale Léli lé ka kɛlɛle sauun valé ka bli vole webozen lɛ, ’bɛ ka si we gi.

2 Timoté 2:10

Bɛwemalé an ’wuo dɔa we faa wuo munu lé Bale wo si a va, wolé we ma, léé, sile we gi lé é ke Jézu Krist gi, é valé fua lé é ’ka nyaan lo, wo é ziin, ’wa ye.

Tite 1:1

Maa Pɔl lé an ke Kazambale wuozan valé Jézu Krist lé nwunvɔzan nya, maa ɛ ke sɛbɛ ’ko gyɛna bii Tite lɛ. Bale an kɛlɛ nwunvɔzan nya léé, munu lé Kazambale wo si a va, maa bɔ wo va yé wo bli é vo Bale lɛ tegele yé webozen lé é ke Kazambale lé zi yɛrama, yé wo dɔ gligli ’bɛ gi.

Ébrunu 10:22

Bɛwemalé kaa bié bli do valé blipale bozen nya ma, ’té kaa bli gi a fu, ’té gi kɔun ’ka kaa ma lo, ’té kaa kɔlɛ a é zurule ’yi zima nya.

Ébrunu 11:28

Blipale nya lé é Taboyi lé fɛti kɛlɛ yé é wi nyɛ nwɛɛn, té migyɛzan é mane Izraɛl lé né vininzannu ma lo we gi.

Ébrunu 12:24

Jézu lé é ke gipawe dɛrɛ gizan nya, yee koo, Jézu nyɛ lé é nwɛɛn yé a zuowe fila vɔ é mini Abɛl zé ta bɛ, yee koo, wo sɔnɔ lé ka ke é biéle.

Ébrunu 5:9

Gun si Bale Be ma aan wo, é kɛlɛ bélile lé a glɛ ’ka lo, a bɔrazan nya, munu lé wa lɛdɔama, wo lɛ.

1 Piɛri 1:14

’Ka we kɛlɛ bélé mi lɛdɔma nénu zo, fɛnu lé ka bli bɔ wo ma é kyɛn ka tanyila bléyi va bɛ, té ka tawo wo zuo lao lo.

1 Piɛri 1:19

Krist lé ke bélé ’blané lé gyɛ ’ka a ma lo, ’té we do kpen ’ka a kɔlɛ ma lo, a zo, a nyɛ wezan nya lé Bale ka tabo.

1 Piɛri 1:20

Bale Krist kɛlɛ ’blané nya é kyɛn tɛrɛ bɔrale ’lɛ, yé é a nagɔɔn bléyi voélanu nya kalé we ma.

1 Piɛri 1:22

Webozen lɛdɔmale nya lé ka boen kɛlɛ wéiin, ka sɔle ka ke lɛ tegele bélé bwenu zo we gi, amale sin, ’ka sɔ ka ke lɛ é baba, ka bli faa nya ma.

1 Piɛri 2:9

Naa, kazé ’ka ’bɛ zo lo; ka a bɛn lɛgɔnɔ do lé Bale a si a va, a nya, yé yee fuaneé Bale ka dɔ ’é banzannu nya; ka a bɛntɛrɛ lé Bale a pa é yɛrama, a nya; ka a migɔnɔ lé Kazambale wo tabo wo nya, mi lé é ka laa ’té ka a gunu va yé é go ka nya élé san zima va bɛ, kalé a tɔ zin bɔle we gi.

2 Piɛri 1:2

Zin valé vole drɔɔ gi ’é gyɛ ka ta Kazambale valé Kaazan Jézu dɔɔle nya ma.

2 Jan 1:1

Lezan Kiria lé Bale a si a va, bii valé ilé nénu, an we ka va. Maa, léglizi gi mi segele, maa ɛ ke sɛbɛ ’ko pana ka lɛ zia. Ka sɔ an lɛ webozen nya, yé maa do lɛan ka sɔ lo; naa, munu lé wo webozen dɔɔ, ’bɛnu koo é ziin, ka sɔ ’bɛnu lɛ.

2 Jan 1:13

I buru lé Bale a si a va, alé nénu we i va.

SEBE LÉ JUD A GYE (Épitre de Jude) 1:2

Nyanai zénle koo, vole drɔɔ koo, sɔlɛle koo, wo gi ’é gyɛ ka méléna ma.