1 Piɛri 1:19 - Kazambale lé Sebe Sauunu 1979

¹⁹ Krist lé ke bélé ’blané lé gyɛ ’ka a ma lo, ’té we do kpen ’ka a kɔlɛ ma lo, a zo, a nyɛ wezan nya lé Bale ka tabo.

1 Piɛri 1:19 ပူးပေါင်းရင်းမြစ်များ

Fwile 12:5

’Blagɔnéné lé a lɛɛ ke do, ’té we do kpen ’ka a ma lo, yee lé. Dé ’blané léé, dé boliné léé, ka dan a si lɛ.

Ézai 44:22

Maa ilé bélidɔwe sɛrɛle fwian bélé lati fwile zo; Maa ilé wenyané fwian bélé lati borozan fwile zo; Maa i tabo, Amalé ’i da an va i pa gi.

Ézai 53:7

Wo nyané pa a ta yé wo yaa a ta, Yé é ’ka é ’léé fuo lɛ lo, É a bélé ’blané lé wa gona a gyɛna, a zo, É a bélé ’bla lé é ’ka wé ’é kyɛɛ bɔi?-?zan lɛ lo, a zo. É ’ka é ’léé fuo lɛ lo.

Daniɛl 9:24

Wo flɛyi yɔ yaa wɔlɛ vu dɔ ilé munu valé ilé fla plɛplɛ lɛ; ’bɛ nyaale nya ’té wolé weple kɛlɛle valé wolé wenyané kɛlɛle nyaa; yé Bale é wolé weple ’yibofɛ nɔ, yé webozen lé éé voo ana lɛɛfaama a glɛ ’ka lo yé é da, yé yuɛziwe valé balelawefele lɛ é sɔɔ, yé wo nyɔnɔ zén mi sauunnu va Mi Sauun ta.

Lévinu 1:10

Dé ’blané lé é dan a nɔ lɛ, balebanwi lé wa kyɛ blé, a nya, ɛɛ, dé boli lé, a gɔné lé we do kpen ’ka a ma lo, ’é yee ɛ nɔ.

Lévinu 22:20

Wi lé fɛ a a ma, té ka ’bɛ nɔ lo; Bale ’ka ’bɛlé é ban‐ɛn blé lo.

Zakari 13:7

Gwɔun‐oo, gwɔun, ’i soi anlé ’blatabinzan ma! Lai sunyanu lé Gakelebale léma: ’I soi an bɔluzan ma. ’I ’blatabinzan gyɛ yé alé ’blanu ’é fwila. Yé maa dan bɔ lɛ ’bla tɔɔtɔɔnu va.

Mi Nɔnɔle 7:27

dirigɔné boroné do koo, ’blagɔné do koo, lɛɛ do ’blané koo, é ’bɛnu nɔ balebanwi lé wa kyɛ blé, a nya;

Mi Nɔnɔle 7:39

dirigɔné boroné do koo, ’blagɔné do koo, lɛɛ do ’blané koo, é ’bɛnu nɔ balebanwi lé wa kyɛ blé, a nya;

Matio 20:28

’Ko zo lé maa blami Be da. An ’ka da lɛ léé, munu an mawe kɛlɛ lo, an da munu mawe kɛlɛle we gi, ’bɛ valé an gale mi kiɛre tabofɛ nya we gi.

Matio 26:28

naa, é a an nyɛ nya; gipawe dɔ plɛplɛ nyɛ lé é zana mi kiɛre lé we ma, wo ma we vole wolé wenyanénu ma we gi, yee lé.

WENÉNÉ LE JAN A GYE (Évangile selon Jean) 1:29

’Bɛ é tu kini, Jan Jézu ye dana ’é va, yé é léé: Kazambale lé ’Blané lé éé munu lé wenyané sié wo lee, yee lé é dan bɛ.

WENÉNÉ LE JAN A GYE (Évangile selon Jean) 1:36

yé dé Jézu a giéna Jan a nagini, yé é léé: Kazambale lé ’Blané lé é ke bɛ.

Kelewenu 20:28

Bɛwemalé, ’ka yuɛ pa kabozen valé trubɛ palu gimunu faa lé Léli Sauun ka kɛlɛ wo tabinzannu nya, wo va. Mizan lé léglizigimunu lé é wo lɔ ébo nyɛ nya bɛ, Bale ka kɛlɛ wo tabinzannu nya léé, ’ka fɛblele nɔ wo lɛ.

Rom munu 3:25

Kazambale Jézu dɔ wenyané ’yibofɛ nya, a nyɛ lé we ma, blipaalɛmunu zé nya. Kazambale we ’ko kɛlɛ a gɔɔnle we gi léé, ’é a tegele. Wenyanénu lé munu a kɛlɛ é vinin, Kazambale bli tiéé bléyi va, Kazambale fii pla ’bɛnu ta,

Éfez munu 1:7

Jézu nya lé é kaa tabo, ’bɛ gi léé, a nyɛ nya, yé Bale kaa ma we vo kaalé wenyanénu ma.

Kolɔs munu 1:14

A Be kaa tabo, ’bɛ gi léé, Bale kaa ma we vo kaalé wenyanénu ma.

1 Piɛri 1:2

Tibale ka si a va élé tɛlɛ tɛlama wedɔɔle yɛrama, yé Léli Sauun ka pa é yɛrama Bale zé nya, kalé Jézu Krist lɛdɔmale valé ka kɛlɛle a nyɛ nwɛɛn ta munu nya we gi. Bale lé zin kɛlɛle ka lɛ valé Bale lé ka vole drɔɔ gi ’é gyɛ ma.

1 Piɛri 3:18

Krist é ziin, é nyané ble wenyané ma gɔnɔ do; yee, Mi Tegele, é nyané ble mi plenu lé we gi, gole ka nya Kazambale va we ma; dé é a a kɔlɛ nya, ’bɛ ga, yé dé é a a léli nya, ’bɛ béli;

1 Jan 1:7

Naa, dé kaa tawoo san va, bélé fɛan zo lé yeebozen ke san va, a zo, ’té kaa a mi do nya, ’té a Be Jézu nyɛ éé wenyané faa sié kaa lee, ’té éé kaa kɛla tata.

1 Jan 2:2

Yeebozen kɛlɛ kaalé wenyané ’yibofɛ nya, kaa saa zé wenyané kaan lo, tɛrɛ faa la munu koo é ziin.

Wegɔɔnle 14:1

Maa a naginina ’té ’Blané dɔ Siɔn gɔ nwiin, ’té mi baa yɔ yaa wɔlɛ vu ta fié lé, a tɔ valé a Ti tɔ ke é gyɛle wo yarapɛla, wa a va.

Wegɔɔnle 14:5

viédére do kpen ’ka bɔra lɛ wo ’léé lo, naa, gun ’ka wo ma lo.

Wegɔɔnle 5:6

Webleblin koo, fɛ yuɛmale ziɛn koo, mi segelenu koo, maa ’Blané ye é dɔle wo méléna; é a bélé fɛan zo lé a bɔrɔ a é bole, a zo. A béli a sɔrafié, yé a yuɛ a sɔrafié, wo lé ke Kazambale léli sɔrafié lé é wo nwunvɔ tɛrɛ faa la, wo nya.

Wegɔɔnle 5:9

Yé wo vo lɛrɛ dɛrɛ vɔna yé wo léé: Ilé sɛbɛ sile valé zɔrɔkaanyɔɔ bɔi yara lé, naa, wo i gyɛ saraka nya, azama, yé bɛn faa koo, dére faa koo, migɔnɔ faa koo, bɛntɛrɛ faa koo, i munu si wo va yé i wo tabo i nyɛ nya Kazambale zé nya;

Wegɔɔnle 7:14

Maa lé a lɛ léé: Anzan, bii ɛ ’bɛ gi dɔɔ. É lé an lɛ léé: Wa munu lé wo si nyané blɛn gi, wo nya; wo ’wolé sɔnu zuru ’Blané nyɛ nya yé wo kɛlɛ fu tata.