1 Piɛri 1:18 - Kazambale lé Sebe Sauunu 1979

¹⁸ Ka a gi dɔɔ léé, é vinin ka tawo ka tranu lé gwɛma tawobɛ gi, naa sin, Bale ka si ’bɛ zuo. É ’ka ka tabo lɛ kyan valé gɔɔlifu lé woo sɛra, ’bɛnu nya lo.

1 Piɛri 1:18 ပူးပေါင်းရင်းမြစ်များ

Lɛrɛvɔ Sɛbɛ 39:6

Bé ye, i anlé yinu nɔ an lɛ, wa bélé an bɛlaa nya do zo, Yé anlé vole é yuɛma ’ka fɛ do kpen nya i yuɛ gi lo. Iin, mi faa lé wo ke é dɔle loru, wa fu fɛɛle do nya. Ka ye do.

Lɛrɛvɔ Sɛbɛ 62:10

Iin, blaminu a é pla. Blaminu a vié nya, Dé wo wo faa vɔ kilo ta ékeva, fu fɛle do bɛn mini wo la.

Ézai 44:22

Maa ilé bélidɔwe sɛrɛle fwian bélé lati fwile zo; Maa ilé wenyané fwian bélé lati borozan fwile zo; Maa i tabo, Amalé ’i da an va i pa gi.

Ézai 52:3

Naa, Gakelebale léma: Wo ka dan é pla, Yé wo ’ka dan ka tabo lɛ gɔɔli nya lo.

Jérémi 16:19

Gakelebale, anlé plɛplɛ, an tɛngizan, bii a an yɔɔna nya klebleyi nya. Bɛnnu é dan si lɛ tɛrɛ glɛ sina yé wo da i va, yé wo dan a fe lɛ léé: Viéfɛnu saa lé ko tranu a ye tɔnɔfɛ nya, yee valé miyili boanu lé wo tɔnɔ ’ka lo, wo nya.

Jérémi 4:11

’Bɛ bléyi va, wo dan a fe lɛ munu ’ko valé Jérusalɛm munu lɛ léé: Funé éé sié fɛna lorunu na nyéné saa lé fɛna yé éé giéan anlé munu lé zi ’léé. Fu zin kaan lo, fɛwɔlɛ vasi fu kaan lo,

Jérémi 44:17

Naa, dé ko wean fe, ko kɛla; é sɔ ko lɛ léé, ko lasikɔrɔpo kyɛ ble lagi fuale lɛ yé ko ’yi zana a lɛ, ko valé ko tranu koo, ko nwiinzan blɛnnu valé ko nwiinzannu koo, ko kɛla turu fɛan zo Juda tɛrɛ la flanu valé Jérusalɛm zinu ta, a zo. ’Bɛ bléyi va ko fɛ blé yé ko kaan, ko gi éé nanaan, ’té wenaané do kpen ’ka bɔa ko ma lo.

Jérémi 9:14

Wo tawo wo bligiwenu yɛrama, wo go Baalnu zuo, wo tinu a paa wo gi fɛan zo, a yɛrama.

Ézékiɛl 20:18

Maa lé wo benu lɛ léé, té ka tawo ka tinu lé wepladérenu yɛrama lo; té ka we kɛlɛ wo gɔnɔlawenu yɛrama lo, yé té ka kabo tiri dɔ wolé miyilinu nya lo.

Amɔs 2:4

Gakelebale léma: Juda munu lé wenyané blɛn yaa lé we ma, gba, maa fé boenwo ziɛn, we lé maa a fe léé, maa dan a kɛlɛ lɛ, maa ’ka dan an dére nɔla lɛ lo. Wo serele bo Gakelebale lé bélidɔwe ma, yé wo ’ka a sɔnnénu pa lɛ lo, yé viémiyilinu lé wo tranu tawo wo zuo, ’bɛnu wo saan, ’bɛzama.

Mi Nɔnɔle 7:15

dirigɔné boroné do koo, ’blagɔné do koo, lɛɛ do ’blané koo, é ’bɛnu nɔ balebanwi lé wa kyɛ blé, a nya;

Maak 8:37

Yé mi éé mɛ fɛ no ébozen pa gii?

Rom munu 1:21

Naa, wo Kazambale dɔɔ aan wo, wo ’ka a bɔ lɛ ’é bɔbɛ gi lo, yé wo ’ka a bɔ vɔ lɛ lo; naa, wolé gibɔrɔle kɛlɛ boawe nya yé wo ’ka ’wo ’wuogibɔrɔ mawe ye lɛ é dɛrɛ lo.

1 Korent munu 3:20

Yé é ziin: Mizambale wedɔɔmunu lé ’wuogibɔrɔlenu dɔɔ, É a gi dɔɔ léé, wo tɔnɔ ’ka lo.

1 Korent munu 6:20

Wo ka lɔ fɛwezan blɛn nya. Bɛwemalé ’ka Kazambale tɔ bɔ ka kɔlɛ valé ka léli nya.

1 Korent munu 7:23

Wo ka lɔ fɛwezan nya. Té ka kɛlɛ munu lé luu nya lo.

Galasi munu 1:4

Naa, Krist ébozen nɔ kaalé wenyanénu ma, kaa sile bléyi nyané ’ko gi we ma. É ébo nɔ kaalé wenyanénu ma kaa Ti Bale lé blibɔmawe nya.

Éfez munu 4:17

We lé maa a fé, ’té maa a plaan ka lɛ Mizan tɔ nya, yee lé é ke ’ko: Yolémunu lé woo tawoo boblɛn ’wuogibɔrɔlenu yɛrama bɛ, té ka tawo é dɛrɛ wo zo lo.

Tite 2:14

Jézu ébozen nɔ kolé we gi, weple faa sile ko lee we gi, é valé ko kɛlɛle ézé munu nya we gi, munu lé é wo kɛlɛ tegele, ’té wezin kɛlɛlɔrɔ a wo ma blɛn, wo nya.

Ébrunu 9:12

Krist go fɛna sauun tinle na gɔnɔ do bléyi faa zé nya; é ’ka go lɛ ana boligɔné valé diriné nyɛ nya lo; naa, é go ébo nyɛ nya é lee. É kaa tabo ’bɛ zo ’té. We bɛ ’ka ’bɛ zuo monomono lo.

1 Piɛri 1:7

Kalé blipale gidanle é dan nɔla lɛ ka ma ka tɔ zin fele koo, kalé fua koo, ka tɔbɔle koo, wo nya, Jézu Krist bɔrayi nya munu yuɛ va, amalé Bale éé ka gi daan.

1 Piɛri 4:3

É vinin na, ka tawo yolémunu lé blibɔmawe yɛrama; ’té ka we vɔnle kɛla, ’té ka bli éé bɔa fɛnu ma, ’té ka nwɛ taan, ’té ka nyɔnɔfɛ kiɛre kiɛre blé, ’té ka fɛ kiɛre kiɛre minian, ’té ka miyilinu bɔa, dɔlé ’té miyili bɔle yi a é gale. ’Bɛ a é yi.

1 Jan 3:5

Naa, ka a gi dɔɔ léé, Jézu da wenyané sile munu lee we gi, yé wenyané do ’ka yeebozen gi lo.