1 Piɛri 1:12 - Kazambale lé Sebe Sauunu 1979

¹² Yé Bale a gɔɔn wo lɛ léé, wo ’ka we ’konu fena wobozen lé we ma lo, naa, ka ɛ lé we ma lé wo ke wo fena. Yé sin, Bale Léli Sauun pa zia yé alé plɛplɛ nya lé munu we ’konu fe ka lɛ sin. Lanjenu bozen, wo bli a é bɔle a ma léé, ’wo we ’konu gi maan.

1 Piɛri 1:12 ပူးပေါင်းရင်းမြစ်များ

Fwile 25:20

Sérubɛnnu é dan wo bɛa soi lɛ a ta loru yé wo nyanai zén mi la nyanana ta bua a nya, ’té wa wo ke yara ma; sérubɛnnu é dan wo yara dɔ lɛ nyanai zén mi la nyanana ta.

Wegɔnévɔlenu 1:23

’Ka nɔla anlé wepladére ’male we gi. Ka ye, maa dan an léli zén lɛ ka ta. Maa dan an dére paa lɛ ka gi.

Ézai 32:15

Fɔɔ yé léli é si la gi yé é zén ko ta, yé bwi la tɛrɛ é nɔla tɛrɛ lé éé fɛ dɔa di, a nya, yé ’bɛ tɛrɛ é kɛlɛ bélé pɔrɔ zo.

Ézai 53:1

Wenu lé wa zuo fe ko lɛ, de ɛ bli vo ’bɛ lɛɛ? De ɛ Gakelebale lé plɛplɛ dɔɔ?

Daniɛl 10:1

Pɛɛs munu nwiinzan blɛn Sirus plale mi nwiin lɛɛ yaazan nya, wo we do gɔɔn Daniɛl lé wa laama Bɛlsatasaa bɛ, a lɛ. We ’ko a webozen nya. Yé we tɔntɔn blɛn lé é dan bɔ lɛ, é a nagɔɔn. Daniɛl we ’ko gi kuli, yé a gi kini yuɛziwe ’ko gi ’male we ma.

Daniɛl 12:13

Yé bii, ’i tawo a ’wuoplana zia. I dan flin lɛ yé i dan nwa lɛ loru ilé zarafɛ yele we ma a yi nyaalanu nya.

Daniɛl 12:9

É a zi pa léé: Daniɛl, ’i go. Naa, dére ’konu é dan vo lɛ ana é yɔɔle ’kyɛ, ’té wo ’léé a é bééle fɔɔ yé a nyaabléyi é bɔ.

Daniɛl 2:19

Bale yee we yɔɔleo nagɔɔn Daniɛl lɛ yuɛzi gi é béli. Yé Daniɛl lanu lé Bale drɔɔ vo.

Daniɛl 2:22

We wɔlɛma lé é ke é yɔɔle, yee ɛ a bɔraan. Yee ɛ gunutinu va wenu dɔɔ, yé yee ɛ va lé san ke.

Daniɛl 2:47

Yé minwiinzan blɛn lé Daniɛl lɛ léé: Ilé Bale a balenu lé Bale nya, yé é a minwiinzan blɛn faa zan nya webozen nya. I we ’ko gi bɔra fɛan zo, ’bɛ gi léé, é bɔa we yɔɔlenu gi bɔrale lɛ.

Daniɛl 8:13

An mi sauun do dére ’ma wefena, yé mi sauun do lé wefezan lɛ léé: Balebanwi lé wa kyɛ blé ’té wa no yifaama, é valé wenyané lé éé we sɛra, yuɛziwe lé wa ye wolé we ma, a lɛ é dan sɔɔ lɛ bléyi kyɛɛn vaa? Wo dan daan lɛ fɛna plɛplɛ valé lai sunyanu zɔnle ma wo gane nya bléyi kyɛɛn vaa?

Daniɛl 9:24

Wo flɛyi yɔ yaa wɔlɛ vu dɔ ilé munu valé ilé fla plɛplɛ lɛ; ’bɛ nyaale nya ’té wolé weple kɛlɛle valé wolé wenyané kɛlɛle nyaa; yé Bale é wolé weple ’yibofɛ nɔ, yé webozen lé éé voo ana lɛɛfaama a glɛ ’ka lo yé é da, yé yuɛziwe valé balelawefele lɛ é sɔɔ, yé wo nyɔnɔ zén mi sauunnu va Mi Sauun ta.

Joɛl 2:28

’Bɛ zuo, an dan an Léli zén lɛ mi faa ta; Ka benu valé ka lunu é dan balelawe fe lɛ, Kalé mi kwanu é dan nyɛ gyɛ lɛ, Yé kalé pɛniɛnu wo dan wenu ye lɛ yuɛzi gi.

Amɔs 3:7

Naa, Mizan Gakelebale ’ka we kɛla é pla lo, ’té dé é ’ka tan é giwe yɔɔle ga vɔ lɛ é leezannu balelayezannu la lo.

Zakari 12:10

Yé maa dan bli zin valé zantévɔ?-?bli vɔ lɛ David lé munu valé Jérusalɛm munu gi, yé maa lé wo an fɔn, wo dan ’wo yara nɔla lɛ an vazia. Yé wo dan an wuvɔ lɛ bélé néwɔlɛ do kpen wuvɔle zo, yé wo dan an wuvɔ lɛ kaii bélé né vininzan wuvɔle zo.

Matio 11:25

’Bɛ bléyi va, Jézu kun wefele ma yé é léé: An Ti, Lazan valé Tɛrɛzan, maa i tɔ zin fé léé, i we ’konu yɔɔ Wedɔɔzannu valé ’wuoatazannu ma, yé i wo nagɔɔn nénu lɛ.

Matio 11:27

An Ti fɛnu faa nɔ an lɛ; yé mi do kpen ’ka maa Bale Be dɔɔa lo, ’té dé é ’ka an Ti nya lo, yé é ziin, mi do kpen ’ka an Ti dɔɔa lo, ’té dé é ’ka maa Bale Be nya lo, maa valé mian é sɔ an lɛ léé, maa a nagɔɔn ’bɛzan lɛ, ’bɛ nya lo.

Matio 16:17

Jézu lé a lɛ léé: Jonas be Simɔn, izé a néné. Mi pla ’ka ’bɛ gɔɔn lɛ i lɛ lo, naa, an Ti lé é ke la gi, yee ɛ a nagɔɔn i lɛ.

Maak 16:15

Yé é lé wo lɛ léé: ’Ka go tɛrɛ faa la, yé ’ka Wenéné ’ko fe munu faa lɛ.

WENÉNÉ LÉ LUK A GYE (Évangile selon Luc) 15:10

A zo duo lé, maa fe ka lɛ, dé wenyanékɛlɛzan do kpen é bli nɔla, la gi munu faa gi é dan nana lɛ Kazambale lé lanjenu va, alé we ma.

WENÉNÉ LÉ LUK A GYE (Évangile selon Luc) 2:26

Léli Sauun a gɔɔn a lɛ léé, dé i ’ka tan Mizambale lé Krist ye lɛ lo, i ’ka gaan lo.

WENÉNÉ LÉ LUK A GYE (Évangile selon Luc) 9:6

Wo go yé wo gié fla faa do do ta, wenéné fele nya, é valé mi bélile nya fɛfaana.

WENÉNÉ LE JAN A GYE (Évangile selon Jean) 15:26

Tɔrɔpaazan lé, maa dan a pa lɛ ka lɛ zia an Ti tɔ gi, yee ɛ ke webozen Léli lé éé sié an Ti va, a nya, dé é da é dan anlé we fe lɛ;

Kelewenu 10:44

Piɛri a dére ’konu fena bléyian va, Léli Sauun vɔ munu faa lé wo ke ’wo tɔné dɔna a dére lɛ, wo ta.

Kelewenu 16:10

Pɔl lé yuɛzi yele zuo, ko a a va léé, ko go Masédɔane, ’té é a ko gi léé, Mizan a ko laana léé, ko Wenéné fe ’bɛna.

Kelewenu 2:33

Kazambale a nwa aan wo é bɛyi nya, yé Léli Sauun lé a Ti a nɔle lé we fe a lɛ é kyɛn, é a ye a va, yé é a zén ko ta, fɛan zo lé ka a ye yé ka a ’ma, a zo.

Kelewenu 4:31

Wo nyaa bazorole nya aan wo, fɛana lé wo ke é zénle ékeva, a ma nyɔɔn, yé Léli Sauun wo faa kun yé wo Kazambale dére fe wo bli tadɔle plɛplɛ nya.

Kelewenu 4:8

’Té Léli Sauun Piɛri kun yé é lé wo lɛ léé: ’Kaa minwiinzannu valé Izraɛl mi segelenu,

Kelewenu 8:25

Wo wenayedére valé Mizan dére fe aan wo faa, Piɛri valé Jan nɔla é ziin Jérusalɛm wenéné fele nya Samarinu lé fla kiɛre la.

Rom munu 1:15

Bɛwemalé é sɔ an lɛ boenwo léé, ’kaa lé ka ke Rom, maa Wenéné ’ko fe ka lɛ é ziin.

Rom munu 1:17

Kazambale éé mi kɛla tegele fɛan zo, a na a é gɔɔnle Wenéné ’ko nya, kɛlɛle tegele lé mi a yé blipale ma, ’té éé blipale no munu lɛ bɛ, yee lé, fɛan zo lé é a é gyɛle sɛbɛ gi, a zo, léé: Mi lé é kɛlɛ tegele blipale ma, é dan béli lɛ.

Rom munu 10:15

Yé dé wo ’ka mi pa lɛ zia lo, wefezan éé kɛla ana kaa? We lé ke é gyɛle sɛbɛ gi, é a ’bɛ zo; wo léé: Munu lé woo vole drɔɔ we fé, ’Té woo wenéné fé, Wo ganenu a é nɔnɔmi.

Rom munu 15:19

gyɛzorowenu valé weblɛnblɛnnu kɛlɛle koo, Léli Sauun lé plɛplɛ koo, wo nya lé Jézu Krist bɛn bɛnu kɛlɛ ’é lɛdɔmazannu nya. ’Bɛ zo lé an Krist lé Wenéné faa nwɛɛn di, é sia Jérusalɛm valé é sɔnɔ tɛrɛnu ma fɔɔ yé é bɔ Iliri tɛrɛ la.

1 Korent munu 2:10

Naa, Kazambale kaa bɔn‐in kini é Léli nya, yé kaa a dɔɔ. Kazambale Léli éé we faa gi maan. Dé é a Kazambale lé wewɔlɛ ma nyaoo, éé a gi maan.

2 Korɛnt Munu 1:22

yee ɛ fɛ dɔ ko ma é ziin, yee ɛ fɛ pla ko ta é Léli nya.

2 Korɛnt Munu 6:6

Kobo gɔɔn a nya é ziin, kɛlɛle sauun koo, wedɔɔle koo, bli tiéé koo, wezin kɛlɛle koo, Léli Sauun koo, lɔrɔpale bozen koo,

Galasi munu 1:12

Maa ’ka a ’ma lɛ mi ta lo; mi ’ka a paa lɛ an gi lo; naa, Jézu Krist ɛ gɔɔn an lɛ.

Galasi munu 1:16

Yé é sɔ Bale lɛ léé, é ’é Be nagɔɔn an nya léé, maa ’bɛlé we fe bɛnnu worona. Kele tɔɔn maa ’ka we laa lɛ mi do kpen lee lo,

Éfez munu 3:10

’bɛ zo lé, sin wemaplɛplɛzannu valé fɛnu faa lé wo ke fɛnu lorunu na, ’té woo wo lɛdɔama, wo dan a gi dɔɔ lɛ léé, Kazambale a we gɔnɔ faa dɔɔzan nya, léglizi lé we ma,

1 Tɛsalɔnik munu 2:9

Bwenu, kolé nyanama valé kolé nyanéblele sele a ka gi. Ko Kazambale lé Wenéné fe ka lɛ, yé tu valé é kinile ma ko a nyanama ta, té ko kɛlɛ kɔné nya ka va mi do kpen nwiin lo we ma.

1 Timoté 3:16

Kazambale bɔzi wɔlɛmawe a blɛn, webozen nya. Kazambale ébo nagɔɔn mi kɔlɛ gi, yé a Léli a tegele nagɔɔn, yé lanjenu a ye, yé munu alé we fe bɛnnu lɛ, yé munu bli vo a lɛ tɛrɛ la, yé wo goan la gi.

Ébrunu 11:13

Wo faa ga, ’té wo bli a we lɛ, dɔlé ’té fɛnu lé Bale a ma blivolɛdére fe wo lɛ, wo ’ka a ye lɛ lo, naa, wo wo ye baa mi, yé wo wo sɛɛn vɔ yé wo léé, ’wa bɛnnu valé giézannu nya béera ’ko.

Ébrunu 2:4

yé Kazambale bozen wolé wenayedére dɔ plɛplɛ tɔmasenu koo, we blɛnblɛnnu koo, gyɛzorowe gɔnɔ faa koo, Léli Sauun lé blɛnu kɛlɛle élé blibɔmale nya koo, wo nya. Amalé, dé kaa yara si silewegi ’ko ta, we é dan si lɛ kaa nwiin kaa?

Ébrunu 4:2

Fɛan zo lé wo Wenéné ’ko fe kaa lɛ, a zo duo lé wa fe wo lɛ é ziin, naa, dére lé wa fe wo lɛ, é ’ka bɔ lɛ blipale ma munu lé wa ’ma, wo bli gi lo, bɛwemalé a tɔnɔ do kpen ’ka kɛlɛ lɛ wozé nya lo.

1 Piɛri 1:25

Naa, Mizambale dére éé voo lɛɛfaama. Yee dére ’ko lé wa fe ka lɛ Wenéné fele nya.

1 Piɛri 4:6

Bɛwemalé wo Wenéné fe é ziin gamunu lɛ, léé, dé wo wolé we ble tɛrɛlamunu lé we blele yɛrama faa, yé wo léli ’é vo é yuɛma, fɛan zo lé Kazambale ke é yuɛma, a zo.

Wegɔɔnle 5:11

Maa a nagini yé maa lanje kiɛre dére ’ma, ’té wa webleblin koo, fɛ yuɛmalenu valé mi segelenu koo, wo zi, yé woo lanjenu ’léé a wuru é wuru baa kiɛre kiɛre nya, yé wo nɔnɔ ’léé ’ka lo.