Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




1 Piɛri 1:1 - Kazambale lé Sebe Sauunu 1979

1 ’Kaanu lé ka ke é kinile ékema yé ka kɛlɛ bɛnnu nya, Pɔnt tɛrɛ la koo, Galasi tɛrɛ la koo, Kapadose tɛrɛ la koo, Azi tɛrɛ la koo, Bitini tɛrɛ la koo, wona bɛ, an we ka va. Maa Piɛri lé an ke Jézu Krist lé nwunvɔzan nya, maa ɛ ke sɛbɛ ’ko gyɛna ka lɛ.

အခန်းကိုကြည့်ပါ။ ကော်ပီ




1 Piɛri 1:1
34 ပူးပေါင်းရင်းမြစ်များ  

Yé Aman lé minwiinzan blɛn Asuérus lɛ léé: Munu lɛ do a é sɔɔlale ilé tɛrɛnu faa ta, wa é yɛrama. Wozé bélidɔwenu a é sile munu faa zé ma, yé wo ’ka minwiinzan blɛn lé bélidɔwe ta tawo lo. Dé minwiinzan blɛn wo vo woboma, ’bɛ tɔnɔ ’ka minwiinzan blɛn ma lo.


Bé kɛlɛ léé, ko vo vlan buruna ko nyanézannu lee, ’Té ko zapamunu éé kolé fɛnu sié.


Dé maa ka nwɛɛn bɛnnu méléna bléyian va, maa dan ka va mi kenu vo lɛ, yé wo dan so lɛ gwɔun lee.


Maa dan ka sɔɔla lɛ bɛnnu gi yé maa dan go lɛ gwɔun nya ka zuo. Kalé tɛrɛ é dan vo lɛ é pla yé kalé flanu é dan vo lɛ lu nya.


Nwunvɔzannu vu ta fié tɔ lé ke ’ko: A vininzan, Simɔn lé wa laama Piɛri, é valé é zuané André koo, Zébédé be Jak valé é zuané Jan koo,


Dé Bale ’ka yi kenu si lɛ a ta lo, mi do kpen ’ka dan si lɛ we gi lo, naa, munu lé Kazambale wo si a va ézé nya, wolé we ma lé é dan yi kenu si lɛ a ta.


Jézu a giéna aan wo Galilé wɛyi gɔ la, é mi fié ye, Simɔn lé wa laama Piɛri, é valé é zuané André nya; wa pɔgyɛséli nwɛɛnna wɛyi va. Wa pɔgyɛmunu nya.


Yé munu lé Bale wo si a va ézé nya, ’té woo siaan a lɛ bladi nyanadi, é ’ka dan wo nyanémunu lé we ble lɛ loo? É dan mɔn lɛ faa ’lɛ yé é wolé we blee?


Yé a bɛn saa lé we ma kaan lo; naa, Kazambale lé nénu lé wo ke é nwɛɛnle fɛfaana, wo zénle ékeva yé ’wo kɛlɛ kɔlɛ do nya lé we ma lé é ziin.


Bɛwemalé Juifinu lé wo ke lɛ léé: Fɛ kyɛnna lé é dan go lɛ, yé ko ’ka dan a ye lɛ loo? É dan go lɛ munu lé wo ke é sɔɔlale Grɛkinu suiɛ gi do do, wo vaa? Yé é dan we paa lɛ Grɛkinu gii?


É Juifi mi do ye ana mi, wa laama Akilas; wa yaa Pɔnt. Klode Juifinu faa béli dɔ léé, ’wo si Rom, amalé Akilas valé é na Prisil si é dɛrɛ Itali tɛrɛ la. Yé Pɔl pa wo va.


Pɔl yi kenu kɛlɛ aan wo Antiɔs, é zi sia yé é gié Galasi valé Friji tɛrɛ la Jézu zuomunu faa dɔle nya plɛplɛ.


É vo ’bɛ kɛlɛna lɛɛ fié, yé munu faa lé wo ke é nyanale Azi tɛrɛ la, Juifinu valé Grɛkinu nya, wo Mizan dére ’ma.


Bazorokɔn do lé, wa laama voébomamunu lé bazorokɔn, a gi mi kenu koo, Sirɛne munu koo, Alézandri munu koo, Silisi tɛrɛ valé Azi tɛrɛ la Juifinu koo, wo nwa yé wo kun zavɔle ma Étiɛne va.


Wo lé wo nwɛɛn bɛ, wo go fɛfaana Bale dére fele nya.


Léglizigimunu lé wo ke Azi tɛrɛ la, wo we ka va. Akila koo, Prisila koo, léglizigimunu lé woo zén‐é ékeva wolé kɔn gi koo, wo we ka va é baba Mizan gi.


Ko bwenu, é sɔ ko lɛ léé, ko ka bɔn‐in kini, kle lé é bɔ ko ma Azi tɛrɛ la, a ma. É a blɛn yé é kɛlɛ ko ma tɔntɔn fɔɔ yé ko bli si ko vole é yuɛma lɛ.


’Bɛ bléyi va, ’té Krist ’ka kazé nya lo; ’té a se ’ka ka lɛ léé, ka nyana Izraɛl lo; blivolɛdére lé Kazambale a fe é gi pale do nya munu va, ’té kazé ’ka a va lo; ’té ka bli ’ka we do lɛ lo; ’té ka a tɛrɛ la dublaa, ’té Kazambale ’ka kalé Bale nya lo.


Bɛwemalé, ka ’ka é dɛrɛ bɛn valé giézannu nya lo, naa, ka a kabo yaa?-?tɛrɛ la, kabo lé Bale lé munu va, kabo lé Bale lé kɔngimunu nya.


Gakelebale é dan ka sɔɔla lɛ bɛnnu faa suiɛ gi, é sia tɛrɛ glɛ do ma fɔɔ yé é bɔ a glɛ koɛ ma. ’Bɛna lé, ka dan bale bɛnu bɔ lɛ, balenu lé ka valé ka tranu ’ka wo dɔɔa lo, yilibalenu valé gɔlɛbalenu, woo lé.


Maa nɔ dan a fe lɛ léé, an wo sié ana, fu fɛɛle do kpen nya, Maa dan wo sele saan lɛ munu gi;


Gakelebale é dan ka nwɛɛn lɛ bɛn bɛnu méléna, yé bɛnnu lé Gakelebale é dan go lɛ ka nya wo va bɛ, ka ’léé é dan kɛlɛ lɛ kiéné ’bɛnu va.


Bé gi dɔɔ léé, munu lé wo ke Azi tɛrɛ la, wo faa si an va; Fijɛl valé Emɔjɛne a wo va mi fié nya.


Wo faa ga, ’té wo bli a we lɛ, dɔlé ’té fɛnu lé Bale a ma blivolɛdére fe wo lɛ, wo ’ka a ye lɛ lo, naa, wo wo ye baa mi, yé wo wo sɛɛn vɔ yé wo léé, ’wa bɛnnu valé giézannu nya béera ’ko.


’Kaa bɛn vu ta fié lé ka ke é kinile ékema, maa Jak lé an ke Kazambale valé Mizan Jézu Krist lé lugɔnéné nya, an we ka va.


’Kaa lé ka sɔ an lɛ, ka a bɛnnu valé giézannu nya, amalé maa we plaan ka lɛ léé, mi dɔbɛ kyɛn lé blibɔmawenu lé woo guli daan mi boen va, ’ka daan wo ma.


’Kaanu lé ka blipale wezan duo ye ko va, kaalé Bale valé Mibélizan Jézu Krist tegele lé we ma bɛ, an we ka va. Maa Simɔn Piɛri lé an ke Jézu Krist lé luugɔnéné valé alé nwunvɔzan nya, maa ɛ ke sɛbɛ ’ko gyɛna ka lɛ.


Dé i wean ye, ’bé gyɛ sɛbɛ ta yé ’bé pa léglizi sɔrafié lé wo ke Éfɛz koo, Simii koo, Pɛɛgam koo, Tiatii koo, Saad koo, Filadɛfi koo, Laodisé koo, wona bɛ, wo lɛ zia.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ