1 Minwiinzannu 9:8 - Kazambale lé Sebe Sauunu 1979

⁸ Kɔn ’ko a é dɔle gɔ nwiin fɛan zo bɛ, dé mian gié a sɔnɔ, a gi é dan vuru lɛ a ma yé é dan ’furu fɛn lɛ. Wo dan a fe lɛ léé: Mɛmalé Gakelebale we kɛlɛ tɛrɛ ’ko valé kɔn ’ko lɛ a zoo?

1 Minwiinzannu 9:8 ပူးပေါင်းရင်းမြစ်များ

2 Minwiinzannu 22:17

Wo an vo, yé wo bale bɛnu ban lasikɔrɔ nya an bli flile wo bɛnu panyanama nya we gi, amalé an bli fli fɛkona ma, yé é ’ka dan dɔrala lɛ lo.

2 Minwiinzannu 25:9

Gakelebale lé kɔn koo, minwiinzan blɛn lé kɔn koo, Jérusalɛm lé kɔnnu faa koo, é wo kyɛ ble; dé kɔn‐an a we keoo, é wo kyɛ ble.

2 Minwiinmunu lé Wezuofe Sɛbɛ 29:8

Amalé Gakelebale bli fli Judanu valé Jérusalɛm munu ma, yé we bilibilinu koo, we tɔntɔnnu koo, mi ma we nanalenu koo, Bale a bɔ wo ma, ka a yé fɛan zo, a zo.

2 Minwiinmunu lé Wezuofe Sɛbɛ 36:19

Wo Bale lé kɔn kyɛ ble; wo Jérusalɛm gɔrɔ guru zana a gi, wo fuakɔnnu faa kyɛ ble, yé wo fɛwezannu faa sɛrɛ.

2 Minwiinmunu lé Wezuofe Sɛbɛ 7:21

Kɔn ’ko a é dɔle gɔ nwiin fɛan zo bɛ, dé mi a giéna a sɔnɔ a gi é dan vuru lɛ a ma yé é dan a fe lɛ léé, mɛmalé Gakelebale we kɛlɛ tɛrɛ ’ko valé kɔn ’ko lɛ a zoo?

Ézai 64:11

Oo Gakelebale, ’bɛ zo lé ibo kunwoo? I dan i tadɔ lɛ yé kolé nyanéblele é gié é glɛ laa?

Jérémi 16:10

Dé i we ’konu faa fale vɔ munu ’ko lɛ, wo dan a fe lɛ i lɛ léma: Mɛmalé Gakelebale bon‐ɛn ko nya a fele nya léé, ’é we tɔntɔn blɛn ’konu bɔa ko maa? Mɛ weple lé ko kɛlɛɛ? Mɛ wenyané lé ko kɛlɛ Gakelebale, kolé Bale maa?

Jérémi 18:16

Wo ’wolé tɛrɛ kɛlɛ boatɛrɛ nya, ’té munu a ma we nanaan; Munu faa lé woo giéan ana, woo dɔa dan‐uun, ’té woo ’wuo nyɔɔn‐an.

Jérémi 19:8

Maa dan fla ’ko kɛlɛ lɛ é ’bin nya, yé é dan kɛlɛ lɛ wenanamafla nya. Munu faa lé woo giéan a sɔnɔ, wo gi é dan vuru lɛ, yé wo dan ’furu fɛn lɛ wenaanénu faa lé é bɔ a ma bɛ, a we ma.

Jérémi 22:28

Jékonia ’ko lé woo nyé yélié a ma, é a bɔ ple nyaa? É kɛlɛ bélé pooné go zoo? Mɛmalé wo wo vuli, yee valé é kulunu nya, tɛrɛ lé é ’ka ana dɔɔa lo, a taa?

Jérémi 25:9

amalé Gakelebale léma: Munu faa lé wo ke yirinwana bɛbolazia, an dan munu nwunvɔ lɛ wo laana, léé, ’wo da. Maa dan mi nwunvɔ lɛ an wuozan Babilɔn nwiinzan blɛn Nébukanɛsaa va, yé maa dan da lɛ a nya léé, ’é nwa tɛrɛ ’ko koo, a tamunu koo, wo zi bɛnnu faa koo, wo ma, wo kulu gale we ma, yé wo wolé fla kɛlɛ é ’bin nya, wenanamafɛ nya, yé é dan vo lɛ é pla lɛɛfaama.

Jérémi 44:8

Mɛmalé ka an bli fli ka bɛ panyanama nyaa? Ka da nyana lɛ Éjipiti tɛrɛ la yé ka lasikɔrɔpo kyɛ ble ’bɛna bale bɛnu lɛ. Mɛmalé ka kabo bɔra kulu gale lɛ yé wo bale pa ka ma yé wo ka kɛlɛ serele bomazannu nya tɛrɛ la bɛnnu faa mélénaa?

Jérémi 49:17

Édom é dan kɛlɛ lɛ guru zana a gizan nya; munu faa lé wo dan gié lɛ a sɔnɔ wo gi é dan vuru lɛ yé wo dan ’furu fɛn lɛ we faa lé é bɔ a ma, a we ma.

Jérémi 5:19

Dé ka fe léé: Mɛmalé Gakelebale kolé Bale éé we ’ko faa kɛla ko lɛɛ? bé zi pa wo lɛ léé: Ka sɔn vɔa an ma fɛan zo yé ka bale bɛnu bɔ kalé tɛrɛ la, a zo duo lé ka dan pla lɛ bɛn bɛnu wuo, tɛrɛ lé é ’ka kazé nya lo, a ta.

Jérémi 50:13

Gakelebale bli flile we ma, mi ’ka dan kɛlɛ lɛ ana é dɛrɛ lo. É dan kɛlɛ lɛ fɛna pla nya é wo. Munu faa lé wo dan gié lɛ Babilɔn sɔnɔ, wo gi é dan vuru lɛ wo ma, yé wo dan ’furu fɛn lɛ we faa lé é bɔ a ma, a we ma.

Jérémi 52:13

Gakelebale lé kɔn koo, minwiinzan blɛn lé kɔn koo, Jérusalɛm lé kɔnnu faa koo, é wo kyɛ ble; dé kɔn‐an a we keoo, é wo kyɛ ble.

Jérémi Lé Wuvɔ Sɛbɛ 2:15

Giézannu faa woo bɛ gya i ta, Woo ’furu fɛɛn, woo ’wuo nyɔɔn‐an Jérusalɛm munu ma, Yé wo léé: Fla lé wo léé, é a é nɔnɔmi é baba, É a tɛrɛlamunu faa lé ginanamafla nya, yee lé é ke ’koo?

Daniɛl 9:12

Dérenu lé é a fe ko valé ko nwiinzannu lé woo zi gɔɔn‐an ko lɛ, kolé we nya, é wo lɛ sɔɔ. É we tɔntɔn blɛn bɔ ko ma. We lé é bɔ Jérusalɛm ma, ’bɛ zo we ’ka bɔ lɛ tɛrɛ la fɛ bɛ do kpen na lo.

Bélidɔwesɛbɛ Fiézan 28:37

Munu faa lé Gakelebale é dan go lɛ ka nya wo va, ka dan kɛlɛ lɛ wo givuruzannu koo, ka bomayérisi?-?zannu koo, plalazannu koo, wo nya.

Bélidɔwesɛbɛ Fiézan 29:23

tɛrɛ ’ko lé é ke wɛtɛrɛ valé poovun tɛrɛ valé kyɛbletɛrɛ tanale nya, ’té fɛwɔlɛ valé féifɛ ’ka ana lo, ’té lu ’ka bɔraan ana lo, bélé Sɔdɔm koo, Gɔmɔɔ koo, Adima koo, Séboim koo, woo lé Gakelebale wo sɛrɛ élé bliflile valé é wɛwɛ blɛn nya bɛ, wo zo, dé wo ’bɛ ye,