1 Minwiinzannu 9:7 - Kazambale lé Sebe Sauunu 1979

⁷ maa dan Izraɛl si lɛ tɛrɛ lé maa a nɔ a lɛ, a ta; kɔn lé maa an tɔ pa a ma, maa dan a si lɛ an yuɛi, yé Izraɛl é dan kɛlɛ lɛ yérisiémazannu valé gɔnévɔmazannu nya bɛnnu faa va.

1 Minwiinzannu 9:7 ပူးပေါင်းရင်းမြစ်များ

1 Minwiinzannu 11:10

Gakelebale gole bale bɛnu va yi ga Salomɔn lee; naa, é ’ka a lɛdɔ lɛ a ma lo.

1 Minwiinzannu 9:3

Yé Gakelebale lé a lɛ léé: Ilé bazorole valé zanté lé bé vɔ an lɛ, maa maan; kɔn ’ko lé bé dɔ an tɔ pale a ma yifaama we gi, maa a kɛlɛ sauun yé an yuɛ valé an bli é dan kɛlɛ lɛ ana yifaama.

2 Minwiinzannu 25:21

Babilɔn nwiinzan wo gyɛ yé wo ga Ribla, Amat tɛrɛ la.

2 Minwiinzannu 25:9

Gakelebale lé kɔn koo, minwiinzan blɛn lé kɔn koo, Jérusalɛm lé kɔnnu faa koo, é wo kyɛ ble; dé kɔn‐an a we keoo, é wo kyɛ ble.

2 Minwiinmunu lé Wezuofe Sɛbɛ 36:19

Wo Bale lé kɔn kyɛ ble; wo Jérusalɛm gɔrɔ guru zana a gi, wo fuakɔnnu faa kyɛ ble, yé wo fɛwezannu faa sɛrɛ.

2 Minwiinmunu lé Wezuofe Sɛbɛ 7:20

maa dan ka si lɛ anlé tɛrɛ lé maa a nɔ ka lɛ, a ta, yé kɔn ’ko lé maa a pa é yɛrama an tɔ gi, maa dan a si lɛ an yuɛ gi, yé maa dan a kɛlɛ lɛ yérisiémafɛ valé gɔnévɔmafɛ nya bɛnnu faa va.

Lɛrɛvɔ Sɛbɛ 44:14

I ko kɛla serele bomazannu nya ko punmamunu yuɛ gi, I ko kɛla we nanamazannu valé yéri sié mazannu nya ko zi munu lɛ.

Lɛrɛvɔ Sɛbɛ 44:15

I ko kɛla wedanmazannu nya migɔnɔnu méléna, Munu lé woo ’wuo nyɔɔn‐an wo ma, wo nya.

Lɛrɛvɔ Sɛbɛ 69:11

An yuɛyi éé zanaan, yé an lɔrɔ sɔn‐o, Bɛwemalé woo serele boo an ma;

Ézai 65:15

Ka tɔ é dan vo lɛ bale pa mi ma tɔ nya anlé munu lé maa wo si a va, wo lɛ. Mizan Gakelebale é dan ka gyɛ lɛ yé é dan tɔ dɛrɛ pa lɛ é wuozannu ma.

Jérémi 24:9

Maa dan wo kɛlɛ lɛ kanaleefɛ valé we tɔntɔn bɔamazannu nya bɛnnu faa lɛ, yé fɛfaana lé maa dan wo bin lɛ, wo dan kɛlɛ lɛ serelebomazannu nya, wo dan wolé we fe lɛ gi la, wo dan we nana lɛ wo ma, wo dan kɛlɛ lɛ balepamazannu nya.

Jérémi 25:9

amalé Gakelebale léma: Munu faa lé wo ke yirinwana bɛbolazia, an dan munu nwunvɔ lɛ wo laana, léé, ’wo da. Maa dan mi nwunvɔ lɛ an wuozan Babilɔn nwiinzan blɛn Nébukanɛsaa va, yé maa dan da lɛ a nya léé, ’é nwa tɛrɛ ’ko koo, a tamunu koo, wo zi bɛnnu faa koo, wo ma, wo kulu gale we ma, yé wo wolé fla kɛlɛ é ’bin nya, wenanamafɛ nya, yé é dan vo lɛ é pla lɛɛfaama.

Jérémi 26:18

Juda nwiinzan Ézékia bléyi va, Morésɛt zan Misé balelawe fe Juda munu faa lɛ léé: Lai sunyanu lé Gakelebale léma: Wo dan Siɔn fun‐an lɛ bélé bwi zo, Jérusalɛm é dan kɛlɛ lɛ é ’bin nya, Yé gɔ blɛn lé wo Bale lé kɔn dɔ a nwiin bɛ, pɔrɔ é dan kɛlɛ lɛ ana.

Jérémi 26:6

’té wean maa kɛlɛ Silo lɛ, yee duo lé maa dan a kɛlɛ lɛ munu ’ko lɛ, yé maa dan fla ’ko kɛlɛ lɛ balepama fla nya tɛrɛla bɛnnu faa yuɛ gi.

Jérémi 44:8

Mɛmalé ka an bli fli ka bɛ panyanama nyaa? Ka da nyana lɛ Éjipiti tɛrɛ la yé ka lasikɔrɔpo kyɛ ble ’bɛna bale bɛnu lɛ. Mɛmalé ka kabo bɔra kulu gale lɛ yé wo bale pa ka ma yé wo ka kɛlɛ serele bomazannu nya tɛrɛ la bɛnnu faa mélénaa?

Jérémi 52:13

Gakelebale lé kɔn koo, minwiinzan blɛn lé kɔn koo, Jérusalɛm lé kɔnnu faa koo, é wo kyɛ ble; dé kɔn‐an a we keoo, é wo kyɛ ble.

Jérémi Lé Wuvɔ Sɛbɛ 1:8

Jérusalɛm lé wenyané fan, Bɛwemalé é kɛlɛ léabomafɛ nya; Munu faa lé wa tɔ bɔa turu, wa yé mi porole nya, amalé woo serele boo a ma; Yeebozen éé bamaflin woo, ’té éé ’wuo vɔa é wuo.

Jérémi Lé Wuvɔ Sɛbɛ 2:17

Gakelebale é bligiwe lɛ sɔɔ, Dére lé é a fe é kyɛn, é a lɛ sɔɔ; Yee fla lé é a sɛrɛ, ’té a nyanai ’ka zén‐é a ta lo; É i kɛlɛ i nyanézannu ginanamafɛ nya, yé munu lé wo yaa i ta, é wolé plɛplɛ taa pa.

Ézékiɛl 24:21

Bé fe Izraɛl munu lɛ léma: Mizan Gakelebale léma: Ka ye, anlé fɛna sauun lé ke kalé plɛplɛ lé ka baama a gi, a nya, ’té ka bli bɔ a ma é baba, ’té é a ka sɔlɛfɛ nya bɛ, maa dan a sɔnné sɛrɛ lɛ. Yé ka benu valé ka lunu lé ka wo vo ka zuo Jérusalɛm, wo dan ga lɛ gwɔun ’léé.

Ézékiɛl 5:15

Dé maa kalé we ble bliflile valé wɛwɛ nya, yé dé an we lɛdɔ ka gi plɛplɛ, ka dan kɛlɛ lɛ serelebomazannu valé yaragyɛwebɔ?-?mazannu nya, yé bɛnnu lé wo ka zi lɛ sɔɔ, wo dan we pla lɛ wobo lɛ kalé we ma, yé di é dan kini lɛ wo gi. Maa lé an ke Gakelebale nya, maa ɛ fe.

OZÉ (Osée) 9:3

Ka ’ka dan vo lɛ Gakelebale lé tɛrɛ la lo, Éfraimnu wo dan go lɛ Éjipiti tɛrɛ la wo pa gi, yé wo dan ’wo sɔnné ble lɛ Asirinu va.

Joɛl 2:17

Balebanmunu lé Wo ke Gakelebale wuozannu nya, ’Wo wuvɔ ’kɔn lɛɛ valé balebanna worona, Yé ’wa fe léé: Gakelebale, ’i nyanai zén ilé munu ta. Té i yaragyɛwe bɔ ilé munu ma lo, Té bɛnnu é we nana wo ma lo. Mɛmalé wa fé bɛngɔnɔnu méléna léé: Wolé Bale a kyɛɛn?

Misé 3:12

Bɛwemalé, kalé we ma lé wo dan Siɔn kuu lɛ bélé féi bli zo; Jérusalɛm é dan kɛlɛ lɛ gɔlɛzun nya, yé pɔrɔ é dan vɔ lɛ Balekɔn dɔna gɔ nwiin.

Matio 23:38

Ka ye, kalé kɔn é dan vo lɛ ka lɛ é koro nya;

Matio 24:2

É lé wo lɛ léé: Ka ’bɛ faa yee? Wo va gɔlɛ lé é dan vo lɛ é ke ta ’té wo ’ka dan ’bɛ zana lɛ lo, ’bɛ gɔlɛ ’ka lo. Maa fe ka lɛ.

WENÉNÉ LÉ LUK A GYE (Évangile selon Luc) 21:24

Wo dan wo gyɛ lɛ gwɔun nya, wo dan wo si lɛ luunu nya yé wo go wo nya bɛnnu faa méléna, yé bɛnnu é dan Jérusalɛm zɔn lɛ ’wo gane nya fɔɔ yé bɛnnu lé bléyinu lɛ é sɔɔ.

Bélidɔwesɛbɛ Fiézan 28:37

Munu faa lé Gakelebale é dan go lɛ ka nya wo va, ka dan kɛlɛ lɛ wo givuruzannu koo, ka bomayérisi?-?zannu koo, plalazannu koo, wo nya.

Bélidɔwesɛbɛ Fiézan 4:26

ka dan zamaga wo lɛ tɛrɛ lé ka go a si lɛ kazé nya Juudɛn yuu zi bɛ, a ta, ’té ka sele ’ka dɔa mi gi é dɛrɛ lo; kalé tɛrɛla é dan bɔi lɛ a ta, yé ka kulu é dan ga lɛ tata; maa la valé tɛrɛ kɛlɛ anlé wenayezannu nya kyɔ yé wo ka ma we fe.

Jozué 23:16

Gipawe lé Gakelebale, kalé Bale, a kɛlɛ ka va, dé ka a sɛrɛ, dé ka bale bɛnu bɔ yé ka dia wo ’lɛ, Gakelebale lé bliflile é dan nwa lɛ ka ma yé ka dan zamaga wo lɛ é nya do, tɛrɛ zin lé é a nɔ ka lɛ, a ta.

1 Samuɛl 15:11

Saul diéra an zuo, yé é ’ka tawoo an dére ta lo, amalé an bli nɔla a dɔle minwiinzan nya we ma. Samuɛl bli kyɛ dɔ yé é tu kini wuvɔle nya Gakelebale lɛ.