1 Minwiinzannu 8:9 - Kazambale lé Sebe Sauunu 1979

⁹ Gɔlɛfɛn ma nyaale fié lé Moizi a pa kɛsu gi Orɛb gɔ ma, bléyian va lé Gakelebale gipawe kɛlɛ Izraɛl munu va ’té wo si Éjipiti tɛrɛ la bɛ, a bléyi va, wo fié ’té ɛ ke kɛsu gi.

1 Minwiinzannu 8:9 ပူးပေါင်းရင်းမြစ်များ

1 Minwiinzannu 8:21

Gakelebale lé gipawe lé é a kɛlɛ Izraɛl munu va, élé wo sile Éjipiti tɛrɛ la bléyi va, maa a pagikɛsu dɔrana kɛlɛ.

2 Minwiinmunu lé Wezuofe Sɛbɛ 5:10

Gɔlɛfén ma nyaale fié lé Moizi a pa kɛsu gi Orɛb gɔ ma bléyian va lé Gakelebale gipawe kɛlɛ Izraɛl munu va, ’té wo si Éjipiti tɛrɛ la bɛ, a bléyi va, wo fié ’té ɛ ke kɛsu gi.

2 Minwiinmunu lé Wezuofe Sɛbɛ 5:9

Wa siyilinu kɛlɛ grɔgrɔ fɛan zo, woo wo ’léé yé fɛna sauunna, naa, wo ’ka wo yé béera lo. Bale lé kɛsu vo ana fɔɔ kyɔ yi nya.

Fwile 13:21

Gakelebale goo wo ’lɛ, yiéyi é a lati pɔrɔlɔ gi, zi gɔɔnle wo lɛ we gi, yé é béli é a kyɛ pɔrɔlɔ gi, wo va kinile we gi, wolé tawole é yiéyi valé é béli we ma.

Fwile 14:24

Manegɔné we bléyi va, ’té Gakelebale a kyɛ pɔrɔlɔ valé lati pɔrɔlɔ méléna, yé é Éjipiti mi gu nagini, yé é wo vɔɔ é ke gi.

Fwile 16:10

Arɔn a we fena Izraɛl lé nénu faa lɛ bléyian va, wo yara nɔla nyéné vazia, tɔɔn, ’té Gakelebale lé fuasan bɔra lati gi.

Fwile 16:33

Yé Moizi lé Arɔn lɛ léé: ’I bɔ do si yé i mana suoné nya do zén a gi, yé bé dɔra Gakelebale ’lɛ, a tadɔle ka kulunu zé nya we ma.

Fwile 25:16

Wenayefɛ lé maa dan a nɔ lɛ i lɛ, i dan a pa lɛ kyankɛsu gi.

Fwile 25:21

I dan nyanai zén mi la nyanana dɔra lɛ kyankɛsu ta loru, yé wenaye fɛ lé maa dan a nɔ lɛ i lɛ, i dan a pa lɛ kyankɛsu gi.

Fwile 40:20

É wenayefɛ si yé é a dɔra kyankɛsu gi. É kɛsu siyilinu wɔra, yé é nyanai zén mi la nyanana dɔra kɛsu ta loru.

Ézékiɛl 10:4

Gakelebale lé fuasan nwa sérubɛnnu ta, yé é yara dɔ kɔn ’léé zia. Kɔn fan lafu nya, yé kɔngɔrɔ gi fan Gakelebale lé fua tɔbɔle nya.

Lévinu 16:2

Gakelebale lé Moizi lɛ léé: Bé fe i bwe Arɔn lɛ léé, té é da sɔ zi Balekɔn gɔnɔma, nyanai zén mi la nyanana lé ke Bale lé kɛsu ta, a ’lɛ, bléyi faa ma lo, dé é da ga; naa, maa dan da lɛ nyanai zén mi la nyanana ta loru, lafu gi.

Mi Nɔnɔle 17:10

Gakelebale lé Moizi lɛ léé: ’I go Arɔn lé tawomayili nya é pa gi, wenayekɛsu ’lɛ, bé tadɔ ’bɛna yé ’é kɛlɛ tɔmase nya Izraɛlnu lé nwamimazannu lɛ, léé, ’wo daan gungyɛle ma an ma, té ’wo ga lo we ma.

Mi Nɔnɔle 9:15

Yian nya lé wo Bale lé sɔkɔn dɔ, lati bua Bale lé sɔkɔn ta, zén‐ékeva sɔkɔn ta, é sia nyanadi fɔɔ bladi, ’té é a Bale lé sɔkɔn ta bélé kyɛ zo.

Bélidɔwesɛbɛ Fiézan 31:26

’Ka bélidɔwe sɛbɛ ’ko si, ’ka a pa Gakelebale, kalé Bale lé gipawe pagikɛsu bɛ do la, yé ’bɛna lé é dan kɛlɛ lɛ wenayezan nya ka ma.

Bélidɔwesɛbɛ Fiézan 4:13

Élé gipawe zana dɔɔ ka lɛ, yé é léé, é a lé ka a lɛdɔma; bélidɔwe vu lé, é wo gyɛ gɔlɛfén fié ta, yee lé.

Ébrunu 9:4

Balebanna lé wa kɛlɛ kyan nya, ’té é ke lasikɔrɔ zé nya bɛ, é valé gipawe pagikɛsu lé wo kyan sele a ma, wa ’bɛna. Kyanbɔ lé mana ke a gi koo, Arɔn lé tawomayili lé é nɛɛ yé a vwi bi koo, gɔlɛfén lé gipawe ke é gyɛle a ta koo, wa gipawe pagikɛsu gi.

Wegɔɔnle 15:8

Balebangikɔn lé fɛna sauun fan Kazambale ta kyɛgoi lé é ke alé fuasan valé alé plɛplɛ nya, a nya; yé mi do kpen ’ka bɔa wɔrale lɛ Balebangikɔn gi lo, fɔɔ yé lanje sɔrafié lé migyɛgyɛ sɔrafié lɛ é sɔɔ.