1 Minwiinzannu 8:66 - Kazambale lé Sebe Sauunu 1979

⁶⁶ A yi sɔraazan nya Salomɔn munu pa zia. Wo minwiinzan blɛn drɔɔ vo yé wo faa go ’wolé kɔn ’léé ’wo gi nanale valé ’wo bli drɔɔ nya, wezin faa lé Gakelebale a kɛlɛ é wuozan David valé élé munu Izraɛl lɛ, a we ma.

1 Minwiinzannu 8:66 ပူးပေါင်းရင်းမြစ်များ

Wepélisiananu 47:7

Jozɛfu da é ti Jakɔb nya yé é a nagɔɔn Faraɔn lɛ. Yé Jakɔb Faraɔn drɔɔ vo.

1 Minwiinzannu 8:1

Yé Izraɛl lé mi segelenu koo, bɛn faa nwiinzannu koo, Izraɛl lé guniwuonu koo, minwiinzan Salomɔn wo laa léé, ’wo zén ékeva é va Jérusalɛm, Gakelebale lé gipawe pagikɛsu lé ke David lé fla Siɔn, a sile ana we gi.

1 Minwiinzannu 8:47

dé wo ’wuo dɔ ’wo ta é ziin wolé luu tɛrɛ la, dé wo da i va é ziin yé wo zanté vɔ i lɛ wo kunmunu lé tɛrɛ la, yé wo léé: Ko wenyané kɛlɛ, ko weple kɛlɛ, ko wenaané kɛlɛ,

1 Minwiinzannu 8:65

’Bɛ bléyi va Salomɔn valé Izraɛl faa fɛti kɛlɛ. Mi gbau lé wo si Amata zi fɔɔ yé é bɔ Éjipiti lé yuu ma, wo zén ékeva Gakelebale kolé Bale ’lɛ yi sɔrafié, a zuo wo yi sɔrafié kɛlɛ é ziin, a faa kɛlɛ yi vu ta ziɛn nya.

1 Minwiinzannu 9:1

Salomɔn nyaa aan wo Gakelebale lé kɔn valé minwiinzan lé kɔn dɔle nya, é valé alé sɔlɛwe faa kɛlɛle nya,

2 Minwiinmunu lé Wezuofe Sɛbɛ 29:36

Ézékia valé munu faa gi nana léé, Bale bli zima vɔ munu gi, naa, we ’ko bɔ wo ma fiaa.

2 Minwiinmunu lé Wezuofe Sɛbɛ 30:26

Munu lé wo ke Jérusalɛm, wo gi nana é baba, é sia Izraɛl nwiinzan blɛn David be Salomɔn bléyi va fɔɔ yi ’ko nya, ’bɛ zoɛ we ’ka kɛlɛ lɛ Jérusalɛm lo.

2 Minwiinmunu lé Wezuofe Sɛbɛ 7:10

A moné sɔrafié lé yi yɔ do wɔlɛ yaazan nya, Salomɔn munu pa zia léé, ’wo go ’wolé kɔn ’léé. Wo go gi nanale valé bli drɔɔ nya, wezin lé Gakelebale a kɛlɛ David koo, Salomɔn koo, alé munu Izraɛl koo, wo lɛ, alé we ma.

Néémi 8:10

Yé wo lé wo lɛ léé: ’Ka go, ’ka wi nyɔnɔzannu ble yé ’ka dɔrɔ néné mini; yé munu lé wo ’ka fɛ do kpen kɛlɛ lɛ ’wozé nya lo, ’ka wozé pa zia, naa, yi ’ko a Kozan lé yi nyané nya; té ka kle pa kabo ta lo, naa, Gakelebale lé ginanale ɛ ke kalé plɛplɛ nya.

Néémi 9:25

Wo kɛlɛ fla plɛplɛnu valé fɛdɔtɛrɛ zin nwiinzannu nya; kɔnnu lé ke é fanle fɛ zin gɔnɔ faa nya, wa ye é pla; ’yigurunu koo, dɔrɔféinu koo, ɔliviféinu koo, porobaayili kiɛre koo, wa ye é pla. Wo fɛ ble yé wo kan yé wo bua, yé ilé zin blɛn gi wolé tɛrɛla kɛlɛ néné.

Lɛrɛvɔ Sɛbɛ 122:6

’Ka Jérusalɛm vole drɔɔ ma laa, Munuan i sɔ wo lɛ, ’wo nyana woboma duaa ma.

Lɛrɛvɔ Sɛbɛ 122:9

Gakelebale, kozé Bale lé kɔn lé we ma, An bli a a lɛ léé, ilé we ’é kɛlɛ é sɔke.

Ézai 63:7

Maa dan Gakelebale lé zinnu zana dɔɔ lɛ yé maa dan Gakelebale tɔ zin fe lɛ, We faa lé Gakelebale a kɛlɛ ko lɛ, a yɛrama. Zin blɛn lé é a kɛlɛ Izraɛlmunu lɛ, Élé nyanaizénle valé sɔlɛle blɛn yɛrama bɛ, maa dan a zuo fe lɛ.

Sofoni 3:14

Siɔn munu, ’ka siaa ginanale nya. Izraɛl munu, ’ka siaa ginanale blɛn nya ma. Jérusalɛm munu, ka gi ’é nana, yé ka pla munu nwiin ka bli faa nya.

Zakari 9:17

Yiba! we nyian é wo mi lɛ ’bɛ zoo? Fɛ nɔnɔmi a ’bɛ zoo? ’Sa é dan pɛniɛnu tin lɛ Yé dɔrɔ dɛrɛ é dan blɛnnu tin lɛ.

Zakari 9:9

Siɔn munu, ka gi ’é nana. Jérusalɛm munu, ’ka siaa ginanale nya. Ka yua, ka nwiinzan blɛn a dana ka va; É a tegele yé guliwuo a é vole a lee, É a bo kiénézan nya, yé é a é vɔle sokofale punu, Sokofale tina lé né punu.

Kelewenu 2:46

Wa yi faa do do ma é nanale ékeva Balebangikɔn gi, ’té woo Taboyi lé buru blé kɔnnu gi, ’té woo fɛ blé gi nanale valé bli do nya.

Galasi munu 5:22

Naa, wenu lé woo sié Kazambale Léli va, wo lé ke ’ko: sɔlɛle koo, ginanale koo, vole drɔɔ koo, bli tiéé koo, wezin kɛlɛle koo, bli zin koo, yarapale we la koo,

Bélidɔwesɛbɛ Fiézan 12:12

’Bɛna lé ka koo, ka benu valé ka lunu koo, ka wuogɔnénu valé ka wuolomu koo, ka gi é dan nana lɛ Gakelebale, kalé Bale ’lɛ; dé Lévimi a ka va, yee koo é ziin, naa, azé fɛ do ’ka ka va lo, yé ka valé wonu lé tɔnɔ ’ka ékeva lo, ’bɛzama.

Bélidɔwesɛbɛ Fiézan 12:18

Naa, ka dan ’bɛnu ble lɛ Gakelebale, kalé Bale ’lɛ, fɛ lé Gakelebale, kalé Bale é dan a si lɛ a va, ana; ka koo, ka benu valé ka lunu koo, ka wuogɔnénu valé ka wuolomu koo, Lévimi lé ke ka va koo, ’ka a ble wo nya; Gakelebale, kalé Bale ’lɛ lé ka gi é dan nana lɛ, fuafɛnu faa lé ke ka lee, wo ma.

Bélidɔwesɛbɛ Fiézan 12:7

Ka koo, kalé munu koo, ka dan fɛ ble lɛ Gakelebale ’lɛ yee ɛ na, yé ka gi é dan nana lɛ fɛ zinnu faa lé Gakelebale, kalé Bale ka drɔɔ vo wo nya, wo ma.

Bélidɔwesɛbɛ Fiézan 16:11

I gi é dan nana lɛ Gakelebale ilé Bale ’lɛ, fɛna do lé Gakelebale, ilé Bale é dan a si lɛ a va ’é tɔ pale a ma we gi, ana; bii koo, i be koo, i lu koo, i wuogɔné koo, i wuole koo, Lévi mi lé é ke é nyanale ka va koo, bɛn bɛ mi koo, ti valé bugalazan valé zanagalale lé ke ka va koo, ka faa gi ’é nana wo nya.

Filip munu 4:4

Ka gi ’é nana yifaama Mizan gi; Maa a taa fé léé, ka gi ’é nana ma.

Jozué 22:6

Yé Jozué wo drɔɔ vo yé é wo pa zia, yé wo go wolé sɔkɔnnu ’léé.