1 Minwiinzannu 8:60 - Kazambale lé Sebe Sauunu 1979

⁶⁰ tɛrɛ la bɛnnu faa lé a gi dɔɔle we gi léé, Gakelebale ɛ ke Bale nya, a bɛ ’ka lo.

1 Minwiinzannu 8:60 ပူးပေါင်းရင်းမြစ်များ

1 Minwiinzannu 18:39

Munu faa ’bɛ ye aan wo, wo dia ’wo bli la yé wo léé: Gakelebale ɛ ke Bale nya! Gakelebale ɛ ke Bale nya!

1 Minwiinzannu 8:43

’bé ’ma lanu gi, i nyanana, yé we faa lé bɛn ’ko a laa i lee, ’bé nɔ a lɛ ma, léé, tɛrɛ la bɛnnu faa i tɔ dɔɔ kanale i lee we ma, bélé ilé munu Izraɛl zo, yé wa gi dɔɔ léé, munu éé i tɔ laan, kɔn ’ko lé maa a dɔ, a gi.

1 Minwiinzannu 8:59

Zantévɔdérenu lé maa fe Gakelebale lɛ, ’é vo Gakelebale kolé Bale tɔné gi bladi nyanadi, yé ’é é wuozan valé ’élé munu mawe kɛlɛ tegele yi faa do do ma,

2 Minwiinzannu 19:19

Sin, Gakelebale, kolé Bale! ’I ko si Sansérib lee ma, yé tɛrɛ la bɛnnu faa a gi dɔɔ léé, bii do kpen ɛ ke Bale nya, oo Gakelebale!

Fwile 6:7

Maa dan ka si lɛ anlé munu nya, maa dan kɛlɛ lɛ kalé Bale nya, yé ka dan a gi dɔɔ lɛ léé, maa, Gakelebale, kalé Bale ɛ ka si nyanama blɛnnu lé Éjipiti munu a dɔ ka nwiin, wo wuo.

Ézai 37:20

Sin, Gakelebale kolé Bale, ’i ko si Sansérib lee ma, yé tɛrɛ la bɛnnu faa a gi dɔɔ léé, bii do kpen ɛ ke Bale nya.

Ézai 44:24

I tabozan Gakelebale lé É i ma’lɛrɛle sia i yaabléyi va, é léma: Maa Gakelebale, maa fɛ faa kɛlɛ; Maa lanu fwila an do kpen, An tɛrɛ pla an do kpen.

Ézai 44:6

Gakelebale lé ke Izraɛl munu nwiinzan valé wo tabozan nya, ’Té é ke lai sunyanu lé Gakelebale nya, é léma: Maa ɛ ke a vininzan nya, yé maa ɛ ke a voélazan nya, Dé é ’ka maa nya lo, Bale bɛ ’ka lo.

Ézai 44:8

Té ka kana lo, té ka ma é nyɔɔn lo; Maa ’ka a fe lɛ ka lɛ é li é kyɛn loo? Ka a anlé wenayezannu nya; Dé é ’ka maa nya lo, Bale bɛ aa? Gɔlɛgɔ bɛ ’ka lo, maa ’ka a do kpen dɔɔa lo.

Ézai 45:22

Ka faa lé ka ke tɛrɛ glɛ sinanu na, ’Ka nɔla an vazia yé ka dan si lɛ we gi. Naa, maa a Bale nya, yé a bɛ ’ka lo.

Joɛl 2:27

Yé ka dan a gi dɔɔ lɛ léé, maa a Izraɛl munu va. Maa ɛ ke Gakelebale, kalé Bale nya, yé bale bɛ do kpen ’ka ana lo. Yé yara ’ka dan anlé munu gyɛ lɛ é dɛrɛ lo.

Bélidɔwesɛbɛ Fiézan 4:35

Ka a we ’konu faa nayezannu nya, kalé a gi dɔɔle we gi léé, Gakelebale a Bale nya, yé bale bɛ ’ka lo.

Bélidɔwesɛbɛ Fiézan 4:39

Amalé, kyɔ ka gi dɔɔ ma, yé ’é vo ka bli gi léé, Gakelebale a Bale nya ma; é a Bale nya la gi yé é a Bale nya tɛrɛ la, bale bɛ ’ka lo.

Jozué 4:24

tɛrɛlamunu faa lé a gi dɔɔle we ma lé Gakelebale bɛ a plɛplɛ, yé kanale Gakelebale kazé Bale lee ’é vo ka gi yifaama.

1 Samuɛl 17:46

Kyɔ Gakelebale é dan i pa lɛ an lee, an dan i gyɛ lɛ yé an dan i ’wuo kini lɛ; kyɔ an dan Filisitinu galenu nɔ lɛ lagi mianénu valé tɛrɛlawinu lɛ. Yé tɛrɛ faa é dan a gi dɔɔ lɛ léé, Izraɛl lé Bale ana.