1 Minwiinzannu 8:6 - Kazambale lé Sebe Sauunu 1979

⁶ Balebanmunu go Gakelebale lé gipawe pagikɛsu nya é dɔrana, kɔn gi fɛna sauun na, fɛna sauun tinle na, sérubɛnnu bɛanu wuo.

1 Minwiinzannu 8:6 ပူးပေါင်းရင်းမြစ်များ

2 Samuɛl 6:17

Yé wo da Gakelebale lé kɛsu nya yé wa dɔra ’é dɔrana, sɔkɔn lé David a dɔ azé nya, a méléna; balebanwi lé wa kyɛ blé, é valé bɔvɔ sarakanu, David wo bo Gakelebale lɛ.

2 Samuɛl 6:2

David valé é vamunu faa tawole sia Baalé‐Juda, Bale lé kɛsu sile we ma; lai sunyanu lé Gakelebale lé éé nyanaan sérubɛnnu méléna kɛsu ta loru, wa tɔ laan kɛsu ’lɛ.

1 Minwiinzannu 6:16

É kɔn soro ma mɛtrɛ vu vo, yé ’bɛ é kɛlɛ fɛna sauun tinle nya, yé é ’bɛ é gi sɔɔla sɛdrɛyili fɛnnu nya, é sia tɛrɛ va fɔɔ yé wo bɔ kɔnguru nya ékema.

1 Minwiinzannu 6:19

Salomɔn kɔn soro ma kɛlɛ fɛna sauun tinle nya Gakelebale lé gipawe pagikɛsu dɔrale ana we gi.

1 Minwiinzannu 6:27

Salomɔn sérubɛnnu dɔ fɛna sauun tinle na kɔnguru ma. Wo bɛanu a é soile; a vininzan bɛa do bɔ kɔnguru do ma yé a fiézan bɛa do bɔ kɔnguru koɛ ma; yé wo bɛa koɛnu zɔ kee kɔn méléna.

1 Minwiinzannu 8:3

Izraɛl mi segelenu faa bɔ aan wo, Balebanzannu go Bale lé kɛsu nya.

1 Minwiinzannu 8:4

Gakelebale lé kɛsu koo, zén‐ékeva sɔkɔn koo, Bale la nyanamapafɛnu faa lé ke sɔkɔn gi koo, Balebanmunu valé Lévinu go wo nya.

1 Minwiinzannu 8:7

Sérubɛnnu bɛanu a é soile Bale lé kɛsu dɔrana ta loru, yé wo furɔ zén kɛsu valé é siyilinu ta.

Minwiinzannu lé Wezuofe Sɛbɛ 22:19

Amalé sin, ’ka Gakelebale kalé Bale nagini ka bli faa valé ka boen faa nya; ’ka nwa, ’ka fɛna sauun dɔ Gakelebale lɛ, Gakelebale lé gipawe pagikɛsu koo, balelanyanama pafɛnu koo, yé ka da wo nya kɔn lé ka dan a dɔ lɛ Gakelebale tɔ gi, a gi.

2 Minwiinmunu lé Wezuofe Sɛbɛ 5:7

Balebanmunu go Gakelebale lé gipawe pagikɛsu nya é dɔrana, kɔn gi fɛna sauunna, fɛna sauun tinlena, sérubɛnnu bɛanu wuo.

Lɛrɛvɔ Sɛbɛ 80:1

Azafa lɛrɛ ’ko vɔle gɔɔn lɛrɛvɔzannu zilɛzan lɛ. Lɛrɛvɔafɛ lé wa laama bolu lé goo, ’wa gyɛ a va. Lɛrɛ lé.

Lɛrɛvɔ Sɛbɛ 80:2

Izraɛl tabinzan, bii lé i goo Jozɛfu nya bélé trubɛ zo, ’I an ban i tɔné nya. Bii lé i ke é nyanale sérubɛnnu ta, ’I da ilé fua blɛn tagɔɔn.

Lɛrɛvɔ Sɛbɛ 99:1

Gakelebale a é plale munu nwiin, gligli éé zén‐é munu gi; É mini sérubɛnnu ta; tɛrɛ ma éé nyɔɔn‐an.

Fwile 37:9

Sérubɛnnu ’wo bɛa soi a ta loru yé wo nyanai zén mi la nyanana ta bua a nya, ’té wa wo ke yara ma; sérubɛnnu wo yara dɔ nyanai zén mi la nyanana ta.

Ézai 37:16

Lai sunyanu lé Gakelebale, Izraɛl lé Bale lé é ke é nyanale sérubɛnnu méléna, bii ɛ ke tɛrɛ faa la bɛnnu faa lé Bale nya, bii do kpen; bii ɛ ke lanu valé tɛrɛ kɛlɛzan nya.

Ézékiɛl 10:5

Wo sérubɛnnu bɛa vun wele ’ma fɔɔ gɔrɔ zi, bélé Plɛplɛfaazan Bale lé wefedére zo.

Ézékiɛl 41:4

É Balekɔn ’lɛ zia dan, a sangi kɛlɛ mɛtrɛ vu, yé a ’wuola kɛlɛ mɛtrɛ vu. Yé é lé an lɛ léma: Fɛ ’kona lé ke fɛna sauun tinle nya.

1 Samuɛl 4:4

Wo munu nwunvɔ Silo, yé lai sunyanu lé Gakelebale lé gipawe pagikɛsu lé éé nyanaan a ta sérubɛnnu méléna, wa si, yé wo da a nya. Éli be fiénu Ofoni valé Finé ana bɛ, Bale lé gipawe pagikɛsu va.