1 Minwiinzannu 8:32 - Kazambale lé Sebe Sauunu 1979

³² ’i tɔné dɔ lanu gi, ’i we kɛlɛ; ’i i leezannu lé we ble; ’i wegyɛzan gyɛ we nya, yé ’i ’bɛzan kɛlɛwe dɔ ébo nwiin; ’i weanwiinlozan zé kɛlɛ néné, yé ’i we kɛlɛ a lɛ alé we néné yɛrama.

1 Minwiinzannu 8:32 ပူးပေါင်းရင်းမြစ်များ

2 Samuɛl 22:21

Gakelebale anzé kɛlɛ anlé we drɔle yɛrama, É zin kɛlɛ an lɛ an bɛ gibɔle yɛrama;

1 Minwiinzannu 2:32

Gakelebale é dan a nyɛwe dɔ lɛ abo nwiin, naa, mi fié lé wo ke tegele, ’té wo ke mi zinnu nya é mini yee ta, é ’bɛnu gyɛ gwɔun nya an ti ma trɔnné va, yé wo ga; Izraɛl lé sunyanu nwiinzan Nɛɛ be Abinɛɛ valé Juda lé sunyanu nwiinzan Jétɛɛ be Amasa lé.

1 Minwiinzannu 2:33

Wo nyɛwe a Joab valé é kulunu nwiin lɛɛfaama; naa, David koo, é kulu koo, élé kɔn koo, élé webleblin koo, Gakelebale é dan wo vo lɛ drɔɔ lɛɛfaama.

Esitɛɛ 9:25

Naa, dé Esitɛɛ go minwiinzan blɛn va, minwiinzan blɛn a fe yé wa gyɛ sɛbɛ gi léé: Wenyané lé Aman é gi bɔrɔ kɔɔn a nya léé, ’é a kɛla Juifinu lɛ bɛ, é nɔla yeebozen ta, yé wo yee valé é benu dun yili ma.

Lɛrɛvɔ Sɛbɛ 18:25

É ziin, Gakelebale anzé kɛlɛ anlé wedrɔle yɛrama, An bɛnu gibɔle a yuɛ gi yɛrama.

Lɛrɛvɔ Sɛbɛ 7:9

Gakelebale éé migɔnɔnu lé we blé; Gakelebaleoo, Bale, ’i we tegele kɛlɛ an lɛ Anlé we drɔle valé anlé we wéiin yɛrama.

Fwile 23:7

Té i weblele ’wuo pla weple nya lo, té i ga dɔ weanwiinlozan valé mi tegele nwiin lo, naa, maa ’ka dan wegyɛzan vo lɛ é pla lo.

Fwile 34:7

Mi sɔ an lɛ fɔɔ a kulu wuru soruzan ma; weple koo, nwale mi ma koo, wenyané koo, dé mi a kɛlɛ, Gakelebale a ma we voo, naa, é ’ka wegyɛzan yé weanwiinlozan nya lo. Éé we lɛdɔa nénu gi wo tinu lé weple ma, yé éé we lɛdɔa wolé nénu é nénu gi, fɔɔ yé é bɔ wo kulu yaazan valé wo kulu ziɛnzan ma.

Wegɔnévɔlenu 1:31

Wolé tawobɛ ma tɔnɔ é dan kɛlɛ lɛ wolé fɛblele nya, yé wobo lé weplalenu é dan wo kan lɛ;

Wegɔnévɔlenu 17:15

Mi lé é wegyɛzan vo ébo ma, é valé mi lé éé mi tegele gya we nya, wo fiénu a bélé bo zo Gakelebale yuɛ gi.

Ézai 45:25

Gakelebale é dan Izraɛl kulu faa kɛlɛ lɛ tegele, ’Té éé wo tɔ kɛla blɛn.

Ézékiɛl 18:13

dé éé vɛɛn paan ézé tɔnɔ yele we ma, yé ’té éé gɔɔli pamale sié; yee, a be ’ko é dan vo lɛ é yuɛmaa? É ’ka dan vo lɛ é yuɛma lo. É bozowe ’konu faa kɛlɛ; ’é ga ma, yé a nyɛ ’é dɔ abo nwiin.

Ézékiɛl 18:20

Mi lé éé wenyané kɛla, yeebozen ɛ gaan. Wo ’ka dan mi lé weple kɔné dɔ lɛ é be nwiin lo, yé wo ’ka dan a be zé dɔ lɛ a nwiin lo. Wo dan mi tegele lé we tegele dɔ lɛ ’é nwiin, yé wo dan mi nyané lé wenyané dɔ lɛ é nwiin.

Ézékiɛl 18:30

Izraɛlnu, bɛwemalé maa dan ka faa do do lé we ble lɛ kalé wekɛlɛbɛ yɛrama. A zo lé Mizan Gakelebale a fe. ’Ka da é ziin, yé ’ka daan kalé bélidɔwe sɔnné sɛrɛlenu faa ma, léé, té weple é kɛlɛ ka sɛrɛfɛ nya lo.

Ézékiɛl 9:10

Maa é ziin, an bli ta é dan dɔ lɛ plɛplɛ, yé an nyanai ’ka dan zén lɛ wo ta pelo. Maa dan wo kɛlɛwenu dɔ lɛ wo nwiin.

Mi Nɔnɔle 5:27

Dé é nyaa ’yi ’ko minile nya, dé é kɛlɛ léé, we lezan gyɛ, ’yi lé woo bale paan mi ma a nya, é dan wɔra lɛ lezan bɔn gi, yé é a kun; a bɔn é dan zii lɛ, a boro é dan ga lɛ a ma, yé lezan ’ko é dan kɛlɛ lɛ balepamazan nya élé munu méléna.

Rom munu 2:13

É ’ka kɛlɛ lɛ léé, munu lé woo bélidɔwe maan, wo ɛ ke mi tegelenu nya Kazambale yuɛ gi lo, naa, munu lé woo a ta tawoo, wo ɛ lé we é dan kɛlɛ lɛ tegele.

Rom munu 7:9

É vinin, dé maa ’ka bélidɔwe la lo, ’té maa a é yuɛma; naa, bélidɔwe da aan wo, é a bélé fɛan zo lé wenyané vuo, yé an ga, a zo.

Bélidɔwesɛbɛ Fiézan 25:1

Dé munu we sia yé wo da wolé we nya weblezannu va, mi lé we ’ka a gyɛ lɛ lo, ’é vo, yé ’wo we dɔ wegyɛzan nwiin.

1 Samuɛl 2:25

Dé mi do wenyané kɛlɛ mi bɛ lɛ, Bale é dan a we ble lɛ; naa, dé mi wenyané kɛlɛ Gakelebale lɛ, de ɛ dan dɔ lɛ a zuoo? Yé wo ’ka wo tɔné dɔ lɛ wo ti dére lɛ lo, Gakelebale a a va léé, é wo gyɛ, azama.