1 Minwiinzannu 8:24 - Kazambale lé Sebe Sauunu 1979

²⁴ Blivolɛdére lé bé fe an ti, i leezan David lɛ, bé tawe kɛlɛ, yé we lé bé fe i ’léé, bé lɛ sɔɔ kyɔ ilé plɛplɛ nya.

1 Minwiinzannu 8:24 ပူးပေါင်းရင်းမြစ်များ

2 Samuɛl 7:12

Dé ilé yinu lɛ sɔɔ yé i yi gyɛ i tinu va, mi lé é si ibo bɔn gi, i kulu nya, maa dan a nwa lɛ i zuo, yé maa dan alé plale mi nwiin dɔ lɛ gligli.

2 Samuɛl 7:16

Ilé kɔn valé ilé plale mi nwiin é dan kɛlɛ lɛ sɔbɛlawe nya lɛɛfaama; ilé webleblin é dan dɔ lɛ gligli lɛɛfaama.

1 Minwiinzannu 8:15

Yé é léé: Gakelebale, Izraɛl lé Bale lé é we fe an ti David lɛ ébo ’léé, yé we lé é a fe é a lɛ sɔɔ élé plɛplɛ nya, ’wa drɔɔ vo ma. É léma:

1 Minwiinzannu 8:23

yé é léma: Oo Gakelebale, Izraɛl lé Bale, dé é a lagi nyaoo, dé é a tɛrɛ la nyaoo, i danmabale ’ka wona lo. I wuozannu lé woo tawoo i ’lɛ wo bli faa nya, i gipawe lɛ sɔɔan wo lɛ yé i nyanai éé zén‐é wo ta.

1 Minwiinzannu 8:25

Sin, Gakelebale, Izraɛl lé Bale, blivolɛdére lé bé fe an ti David lɛ, bé tawe kɛlɛ ma. I lé a lɛ léé, é ’ka dan vuru lɛ ’é paizan nyanale ma Izraɛl nwiinzan blɛn lé webleblin ta ’é ’lɛ lo, ’té dé a benu é yuɛ pa ’wo giégane va yé wo tawo ’é ’lɛ ’élé bélidɔwe yɛrama, éé tawoo ’é ’lɛ bɛan zo, a zo. A zo lé bé fe.

Lɛrɛvɔ Sɛbɛ 138:2

Maa diaan an bli la ilé kɔn sauun gi, Yé maa i tɔ ma gya, ilé zin valé ilé yarapalale we ma, Naa, ilé blivolɛdére lɛsɔɔle we ma lé i tɔ kɛlɛ blɛn.

Jozué 21:45

Dére zinnu lé Gakelebale a fe Izraɛlnu lɛ, a do kpen ’ka kɛlɛ lɛ boadére nya lo; a faa lɛ sɔɔ.

Weblezannu 13:11

Manoas nwa yé é go é na zuo yé é go gɔnézan va yé é lé a lɛ léé: Bii ɛ we fe le ’ko lɛɛ? É a zi pa léé: Maa lé.