1 Minwiinzannu 8:16 - Kazambale lé Sebe Sauunu 1979

¹⁶ É sia yian nya lé maa anlé munu Izraɛl si Éjipiti tɛrɛ la fɔɔ kyɔ, maa ’ka fla do si lɛ a va Izraɛl bɛngɔnɔnu faa va, léé, ’wo kɔn dɔ ana an tɔ nya lo, naa, maa David si a va léé, ’é pla anlé munu Izraɛl nwiin.

1 Minwiinzannu 8:16 ပူးပေါင်းရင်းမြစ်များ

1 Minwiinzannu 11:36

maa dan bɛn do vo lɛ a be lee, léé, té an wuozan David lé kyɛbɔ é diri an yara, Jérusalɛm lé maa a si a va an tɔ pale a ma we gi, ana lo.

1 Minwiinzannu 8:29

Kɔn ’ko, fɛna lé bé ma we fe léé, ana lé ’é tɔ é dan kɛlɛ lɛ, i yuɛ ’é vo é fuole a va bladi nyanadi ma. Ba lé i leezan a zorona fɛkona, ’i tɔné dɔ a lɛ ma.

2 Minwiinzannu 23:27

Yé Gakelebale léé: Maa Izraɛl si an yuɛ gi fɛan zo, a zo duo lé maa dan Judanu si lɛ an yuɛ gi é ziin, yé fla ’ko, Jérusalɛm lé maa si a va, é valé kɔn lé maa a mawe fe léé, ’bɛna lé an tɔ é dan kɛlɛ lɛ, maa dan sɔn vɔ lɛ wo ma.

Minwiinzannu lé Wezuofe Sɛbɛ 17:3

’Bɛ yi la é béli Kazambale we fe Natan lɛ yé é léé:

Minwiinzannu lé Wezuofe Sɛbɛ 28:4

Gakelebale, Izraɛl lé Bale an si an ti gɔnɔ la, an kɛlɛle Izraɛl nwiinzan blɛn nya lɛɛfaama we ma; naa, é Juda si a va yé é né vininzan dɔna nɔ ’bɛ lɛ; yé é an ti gɔnɔ si a va Juda kulunu va, yé an ti benu va é maa ɛ si a va, léé, an pla Izraɛl faa nwiin.

Néémi 1:9

naa, dé ka da an va é ziin, yé dé ka an sɔnnénu pa yé dé ka wo ta tawo, dé wo ka bin fɔɔ yé ka bɔ la glɛ sinaoo, maa dan ka si lɛ ’bɛna yé maa ka zén ékeva, yé fɛ lé maa ana si a va an tɔ pale ’bɛna we ma, maa dan da lɛ ka nya ’bɛna é ziin.

Lɛrɛvɔ Sɛbɛ 132:13

Iin, Gakelebale Siɔn si ézé nya, É sɔ a lɛ léé, ’é kɛlɛ é nyanana nya.

Lɛrɛvɔ Sɛbɛ 78:70

É ’é wuozan David si a va, Yé é a si ’blanu tabinna;

Lɛrɛvɔ Sɛbɛ 89:3

Naa, maa léé: Ilé zin a é dɔle gligli lɛɛfaama zé nya; I i yarapale we ta dɔ plɛplɛ la gi.

Jérémi 7:12

Amalé ’ka go fɛana ke é pale é yɛrama anzé nya Silo bɛ, ana, fɛana lé an tɔ ke é vinin, ana, yé wean maa a kɛlɛ a lɛ anlé munu Izraɛl lé we lɛrɛlɛrɛ kɛlɛle we ma, yé ka a ye.

Bélidɔwesɛbɛ Fiézan 12:11

Yé Gakelebale, kalé Bale, é dan fɛ do na si lɛ yé é dan ’é tɔ pa lɛ a ma. Fɛ faa lé maa a fena ka lɛ kyɔ, ka dan da lɛ wo nya yee ɛ na; kalé winu lé wa kyɛ blé koo, kalé sarakanu koo, kalé fɛvuzannu koo, kalé féifɛ vininnu koo, kalé bale kunle lɛ sɔɔ sarakanu koo, ka dan da lɛ wo nya yee ɛ na.

Bélidɔwesɛbɛ Fiézan 12:5

’Ka a nagini é nyanana, fɛna do lé Gakelebale, kalé Bale é dan a si lɛ ézé nya ka bɛnnu faa va, yé é tɔ pa a ma, ’ka go yee ɛ na.

1 Samuɛl 16:1

Gakelebale lé Samuɛl lɛ léé: I dan daan lɛ Saul ma wuvɔle ma mɛ yi laa? An sɔn vɔ a ma, té é pla Izraɛl nwiin é ziin lo we gi. ’I nyɔnɔ fan ilé wibéli nya yé ’i go; mi lé é sɔ an lɛ léé, é kɛlɛ minwiinzan nya, maa a ye Bɛtléɛm mi Izai benu va, amalé maa dan i pa lɛ zia alé kɔn ’léé.