1 Minwiinzannu 8:11 - Kazambale lé Sebe Sauunu 1979

¹¹ Lati lé we ma lé Balebanmunu ’ka bɔa vole lɛ ana wolé nyanama pale we gi lo; Gakelebale lé fuasan Gakelebale lé kɔn fan, azama.

1 Minwiinzannu 8:11 ပူးပေါင်းရင်းမြစ်များ

1 Minwiinzannu 8:10

Bléyian va lé Balebanmunu si fɛna sauun na, lati Gakelebale lé kɔn fan.

1 Minwiinzannu 8:12

Yé Salomɔn léé: Gakelebale léé, ’éé nyanaan gunutinu va.

2 Minwiinmunu lé Wezuofe Sɛbɛ 5:14

Lati lé we ma lé Balebanmunu ’ka bɔa vole lɛ ana wolé nyanama pale we gi lo; Gakelebale lé fuasan Gakelebale lé kɔn fan, azama.

Lɛrɛvɔ Sɛbɛ 90:16

’I ilé nyanama gɔɔn i wuozannu lɛ ma, Yé wolé nénu i dɔɔ mi blɛn nya ma.

Fwile 29:43

Ana lé maa valé Izraɛl lé nénu é dan kee lɛ, yé an kɛlɛle ana lé we ma lé fɛkona ’lɛ é dan dɔ lɛ.

Fwile 40:34

Yé lati bua zén‐ékevasɔkɔn ta, yé Gakelebale lé fuasan sɔkɔn fan.

Fwile 40:35

Lati vo zén‐ékevasɔkɔn ta, yé Gakelebale lé fuasan sɔkɔn fan, amalé Moizi ’ka bɔa wɔrale lɛ zén‐ékevasɔkɔn gi lo.

Ézai 6:1

Minwiinzan Ozias galɛɛ nya, maa Mizan Gakelebale ye é nyanale blin lé ke é dɔrale fɛna loru na, a ta, ’té alé varɔ blɛn lɔlu Balebangikɔn gi fɛna sauun fan.

Ézékiɛl 10:4

Gakelebale lé fuasan nwa sérubɛnnu ta, yé é yara dɔ kɔn ’léé zia. Kɔn fan lafu nya, yé kɔngɔrɔ gi fan Gakelebale lé fua tɔbɔle nya.

Ézékiɛl 43:2

Yé bé ye, Izraɛl lé Bale lé fuasan si yirinwanazia yé é bié. A dére a bélé ’yi blɛnnu vun zo, yé tɛrɛ kɛlɛ nyananyana alé fuasan nya.

Ézékiɛl 44:4

É go an nya yirinwana bɛbolazia gɔrɔ ’léé kɔn yara zia. Maa nagini, ’té Gakelebale lé fuasan a Gakelebale lé kɔn fanna. Yé an dia an bli la.

Lévinu 9:23

Moizi valé Arɔn wɔra zén‐ékevasɔkɔn gi. Dé wo bɔra wo munu drɔɔ vo. Yé Gakelebale lé fuasan bɔra munu faa va.

Lévinu 9:6

Moizi léé: We lé Gakelebale a fe, ’ka kɛlɛ, yé Gakelebale lé fuasan é dan bɔra lɛ ka va.

Agajé 2:7

maa dan bɛnnu faa ma nyɔɔn lɛ; bɛnnu faa lé fɛwezannu é dan da lɛ yé maa dan kɔn ’ko fan lɛ fuafɛnu nya. A zo lé lai sunyanu lé Gakelebale a fe.

WENÉNÉ LE JAN A GYE (Évangile selon Jean) 1:14

Yé Dére kinin mi nya, yé é nyana ko va; ’té zin valé webozen saa ɛ ke a gi; yé ko alé fuasan nagini, mi lé é ke é Ti Be wɔlɛ do kpen lé, a zoɛ bɛ ’ka lo, a nya, ’té é si é Ti va, yee ɛ lé fuasan lé ko a nagini.

Kelewenu 7:55

Naa, Léli Sauun Étiɛne kun, yé é lagi gini téiin, yé é Kazambale lé fuasan ye, yé é Jézu ye é dɔle Kazambale bɛyila.

Rom munu 9:4

Wa Izraɛl munu nya; wo ɛ ke Kazambale lé né bozennu nya; wo ɛ Kazambale lé fuasan ye; Kazambale é gi pa do wo ɛ va; Kazambale bélidɔwe nɔ wo ɛ lɛ; wo ɛ Kazambale bɔ é bangikɔn gi; Kazambale blivolɛdére fe wo ɛ lɛ;

2 Korɛnt Munu 3:18

Yé sɔné ’ka ko yara lo amalé ko Mizan lé fuasan yé tegele bélé fɛan zo lé mi é ’é yara yé vlinvlin gi, a zo. ’Bɛ zo lé, Mizan Léli éé goo ko dɔbɛ nɔlale nya, ’té éé kolé fuasan taa paan, fɔɔ yé kolé fuasan é kɛlɛ bélé Mizan zé zo.

2 Korɛnt Munu 4:6

Kazambale lé é a fe léé: San ’é bi gunutinu va ma, yee Bale duo lé, ’élé san bi ko bli gi yé é ko va kini, yé Bale lé fuasan lé ko yé Krist yara, é ko bɔn‐in dɔ ko ma yé mi bɛnu a gi dɔɔ ko ma.

Wegɔɔnle 21:11

Kazambale lé fuasan a a ta, yé a san a bélé gɔlɛwezan baba san zo, bélé jasipegɔlɛ lé woo yɛrɛ yé a zi bélé vlinvlin wezan zo, a zo.

Wegɔɔnle 21:23

Fla mawe ’ka yiri valé moné gi é ta kinile we gi lo, naa, Kazambale lé fuasan ɛ a ta kinié, yé ’Blané ɛ ke alé sona nya.