1 Minwiinzannu 8:1 - Kazambale lé Sebe Sauunu 1979

¹ Yé Izraɛl lé mi segelenu koo, bɛn faa nwiinzannu koo, Izraɛl lé guniwuonu koo, minwiinzan Salomɔn wo laa léé, ’wo zén ékeva é va Jérusalɛm, Gakelebale lé gipawe pagikɛsu lé ke David lé fla Siɔn, a sile ana we gi.

1 Minwiinzannu 8:1 ပူးပေါင်းရင်းမြစ်များ

2 Samuɛl 6:6

Wo bɔ aan wo Nakɔn lé ’sa sunwona, Uza é bɛ soi yé é kun Bale lé kɛsu ma, naa, dirinu a tɛnla, azama.

1 Minwiinzannu 2:10

David yi gyɛ é tinu va yé wa pa David lé fla.

1 Minwiinzannu 3:15

Salomɔn vuo. ’Bɛ zo lé é nyɛ gyɛ. Salomɔn da Jérusalɛm é ziin yé é go Gakelebale lé gipawe pagikɛsu ’lɛ. Balebanwi lé wa kyɛ blé, é ’bɛ valé bɔvɔ sarakanu bo, yé é fɛti kɛlɛ é wuozannu faa lɛ.

Minwiinzannu lé Wezuofe Sɛbɛ 11:7

David nyana fla plɛplɛ ta, bɛwemalé wana laama David lé fla.

Minwiinzannu lé Wezuofe Sɛbɛ 15:25

David koo, Izraɛl mi segelenu koo, mi wuru soru soru nwiinzannu koo, wo Gakelebale lé gipawe pagikɛsu si Obɛd‐Édom lé kɔn gi yé wo zén zia ginanale blɛn nya.

Minwiinzannu lé Wezuofe Sɛbɛ 15:29

Dé Gakelebale lé gipawe pagikɛsu wɔra David lé fla, ’té Saul lu Mikal a naginina fɛnɛti la; é minwiinzan blɛn David ye fɔrɔna, ’té éé nɛnɛ bo, yé é lɔlu kplililii bo a ma é bli gi.

Minwiinzannu lé Wezuofe Sɛbɛ 15:3

Yé David Izraɛl munu faa zén ékeva Jérusalɛm, Gakelebale lé kɛsu sile yé wa dɔra fɛ lé é ana ma’lɛrɛ azé nya, ana.

Minwiinzannu lé Wezuofe Sɛbɛ 28:1

David Izraɛl munu nwiinzannu faa laa, léé, ’wo da Jérusalɛm. Bɛn do do nwiinzannu koo, minwiinzan blɛn lé nyanamapamunu palunu nwiinzannu koo, mi wuru soru soru valé mi yɔ soru soru nwiinzannu koo, munu lé minwiinzan blɛn lé fuafɛnu valé alé trubɛnu ke wo lee, ’té wa a benu va, wo koo, miblalenu koo, tɔzannu valé nyanazannu faa koo, David wo laa.

2 Minwiinmunu lé Wezuofe Sɛbɛ 30:1

Ézékia munu nwunvɔ Izraɛl valé Juda tɛrɛ faa la, yé é sɛbɛnu gyɛ yé é wo pa zia Éfraimnu valé Manasénu lɛ léé, ’wo da Taboyi lé fɛti kɛlɛ Gakelebale lé kɔn ’léé Jérusalɛm, Gakelebale Izraɛl lé Bale tɔ bɔle we ma.

Ezidras 3:1

A moné sɔrafié bɔ ’té Izraɛlnu a wolé flanu la. Yé munu faa zén ékeva do Jérusalɛm.

Lɛrɛvɔ Sɛbɛ 102:21

Luugimunu lé dunnule ’male koo, Munu lé wo dan zamaga wo lɛ, wo vole woboma koo, a we gi.

Lɛrɛvɔ Sɛbɛ 9:11

Munu lé wo i tɔ dɔɔ, woo paan bii ɛ ta, Naa, munu lé woo i naginian, oo Gakelebale, I ’ka dan wo vo lɛ lo.

Ézai 28:16

Bɛwemalé, Mizan Gakelebale léé: Ka ye, maa Siɔn gane vɔ gɔlɛ do nya. Wo gɔlɛ ’ko nagini, yé wa ye kɔnsungɔlɛ zin nya yé é a é vɔle gligli. Mi lé é gɔlɛ ’ko si ’é dɔlafɛ nya, é ’ka dan fwi lɛ lo.

Ézai 46:13

Anlé wetegele kɛlɛle a biéna, é ’ka baa lo. Anlé mi sile we gi ’ka dan mɔn lɛ lo. Maa dan Siɔn munu si lɛ we gi, Yé maa dan anlé fuasan zén lɛ Izraɛl ta.

Mi Nɔnɔle 1:4

É a lé bɛn do do gi mi do ’é pa ka va, mi lé é ke é tra lé kɔnzan nya, yee lé.

Jozué 23:2

Yé Jozué Izraɛl faa laa, alé mi segelenu koo, a nwiinzannu koo, alé weblezannu koo, alé kominu koo, woo lé. É lé wo lɛ léé: Maa kɛlɛ kwa, yé an lɛɛ a kiɛre.

Jozué 24:1

Jozué Izraɛl bɛnnu faa zén ékeva Sisɛm, yé Izraɛl lé mi segelenu koo, a nwiinmunu koo, alé weblezannu koo, alé kominu koo, é wo laa. Yé wo da Bale ’lɛ.

1 Piɛri 2:6

Naa, é a é gyɛle Kazambale lé sɛbɛ gi léé: Ka ye, maa kɔnsungɔlɛ wezan si a va yé maa a pla Siɔn; Mi lé é bli voo a lɛ, ’bɛzan gi ’ka dan vuru lɛ é ma monomono lo.