1 Minwiinzannu 5:9 - Kazambale lé Sebe Sauunu 1979

⁹ Anlé nyanamapamunu é dan wo si lɛ Liban yé wo go wo nya wɛyi va, yé maa dan wo pa lɛ zia wɛyi ta wo polu dɔle nya ékema fɛana lé i dan a fe lɛ an lɛ, ana; maa dan wo fuo lɛ ’bɛna, yé i wo si. Fɛ lé é sɔ an lɛ an ban nya, yee lé ke léé, ’i anlé kɔngimunu lé fɛblele nɔ.

1 Minwiinzannu 5:9 ပူးပေါင်းရင်းမြစ်များ

1 Minwiinzannu 3:12

bé ye, maa dan we kɛlɛ lɛ i dére yɛrama. Maa dan wedɔɔbli valé gikinibli nɔ lɛ i lɛ fɛan zo, i bɔmazan ’ka tan kɛlɛ lɛ lo, yé wo ’ka dan i bɔmazan ye lɛ monomono lo.

1 Minwiinzannu 4:20

Juda valé Izraɛl munu a kiɛre é baba, wa bélé wɛyi gɔɔn ma nyéné zo. Woo fɛ blé, ’té woo fɛ minian, ’té wo gi éé nanaan.

1 Minwiinzannu 5:10

Iiram sɛdrɛyili valé siprɛyili nɔ Salomɔn lɛ, a ’léé lé é sɔ a lɛ, a nya.

1 Minwiinzannu 5:8

Yé Iiram we pa Salomɔn lɛ zia léé: We lé bé pa an lɛ zia, maa ’ma. We faa lé é sɔ i lɛ sɛdrɛyili valé siprɛyili lé we nya, maa dan a kɛlɛ lɛ.

1 Minwiinzannu 9:27

Iiram bozen wuozannu lé wo ke nyanama pa ’yitagoro gi munu lé wo wɛyi lé we dɔɔ, wo nya, é a pa zia Salomɔn lé nyanamapazannu va ’yitagoronu ’ko gi.

2 Minwiinmunu lé Wezuofe Sɛbɛ 1:15

Minwiinzan lé gɔɔlifu valé kyan kɛlɛ kiɛre Jérusalɛm bélé gɔlɛnu zo. Sɛdrɛyilinu é ziin, wo kɛlɛ kiɛre bélé sikomɔyilinu lé woo tin‐é fɛna pɛblɛɛna, a zo.

2 Minwiinmunu lé Wezuofe Sɛbɛ 2:16

Yé ko, ko dan Liban yilinu vɔ lɛ, i mawe ke wo gi fɛan zo, a yɛrama. Ko dan wo polu dɔ lɛ ékema yé ko wo pa i lɛ zia wɛyi ta fɔɔ yé wo bɔ Jafo, a zuo yé i go wo nya Jérusalɛm.

2 Minwiinmunu lé Wezuofe Sɛbɛ 9:22

Minwiinzan blɛn Salomɔn mini tɛrɛ la minwiinmunu faa ta alé fuablele valé alé wedɔɔle gi.

Ezidras 3:7

Wo gɔɔli nɔ gɔlɛmanyaamunu valé yilinyaazannu lɛ, yé fɛblele koo, fɛminile koo, nyɔnɔ koo, wa nɔ Sidɔn munu valé Tii munu lɛ léé, ’wo da Liban tɛrɛ la sɛdrɛyilinu nya wɛyi ta fɔɔ Jafo, se lé Pɛɛs munu nwiinzan blɛn Sirus a kɛlɛ wo lɛ, a yɛrama.

JOB (Job) 32:8

Naa, webozen lé ke léé, léli do a mi gi, Plɛplɛfaazan lé flinle nya, yee ɛ mi gi kinié;

Bale Lé We Gifezan 1:16

Maa lé an bli gi léé: An tin, yé anlé wedɔɔle mini munu faa lé wo pla Jérusalɛm nwiin an ’lɛ, wozé ta, yé an bli a é fanle wedɔɔle valé ’wuoatawenu kiɛre nya.

Ézékiɛl 27:17

Juda munu valé Izraɛl tɛrɛ la munu wo yaawo i va. Minit tɛrɛ la ’sa koo, gatonu koo, zɔrɔnyɔnɔ koo, nyɔnɔ koo, bomélia koo, wa nɔ wo lɛ wolé flɛ lɔfɛnu nya.

Kelewenu 12:20

Tii munu koo, Sidɔn munu koo, we a wo valé Érɔdnu méléna. Naa, wo ’wolé tɛrɛ la fɛblelenu yé yee Érɔd lé tɛrɛ la, amalé wo gi pa do yé wo go Érɔd wuozan Blasitus va. Wo Érɔd muun pa Blasitus ta, yé Blasitus a nyi si, yé ’bɛ go zanté vɔ lɛ Érɔd lɛ léé, wo léé, ilé zanté, ka valé ’wonu ’é vo ékeva drɔɔ.

Bélidɔwesɛbɛ Fiézan 3:25

Ilé zanté, ’i zi nɔ an lɛ, ’an gié; ’i zi nɔ an lɛ, tɛrɛ nɔnɔmi ’ko lé ke Juudɛn zi koo, gɔ nɔnɔminu koo, Liban tɛrɛ koo, ’maa wo ye.