1 Minwiinzannu 5:6 - Kazambale lé Sebe Sauunu 1979

⁶ Sin, ’i munu bɔɔ pa léé, wo sɛdrɛyilinu vɔ an lɛ Liban tɛrɛ la. Anlé nyanamapamunu é dan kɛlɛ lɛ izé va, yé maa dan ilé nyanamapazannu banwo lɛ, gɔɔli ’léé lé i dan a fe lɛ, a nya; naa, bé gi dɔɔ léé, ko va mi do kpen ’ka yili vɔle dɔɔa bélé Sidɔn munu zo lo.

1 Minwiinzannu 5:6 ပူးပေါင်းရင်းမြစ်များ

Wepélisiananu 10:15

Kanaan Sidɔn yaa élé né vinin nya, ’bɛ zuo é Et yaa;

1 Minwiinzannu 10:26

Salomɔn goronu valé wisoonu zén ékeva kiɛre; alé goronu a wuru sɔrafié, yé alé vɔwisootazannu a mi baa suiɛdo yé é wo nyana flanu lé goronu ke wona, wo ta, ’bɛ valé Jérusalɛm, ’é sɔnɔ.

1 Minwiinzannu 5:7

Iiram Salomɔn dére ’ma aan wo, a gi nana é baba, yé é léé: Gakelebale lé é wedɔɔbe nɔ David lɛ, a plale munu kiɛre ’ko nwiin we ma, a drɔɔ ’é vo kyɔ ma.

1 Minwiinzannu 6:16

É kɔn soro ma mɛtrɛ vu vo, yé ’bɛ é kɛlɛ fɛna sauun tinle nya, yé é ’bɛ é gi sɔɔla sɛdrɛyili fɛnnu nya, é sia tɛrɛ va fɔɔ yé wo bɔ kɔnguru nya ékema.

1 Minwiinzannu 6:20

Fɛna sauun tinle sangi a mɛtrɛ vu, a ’wuola a mɛtrɛ vu, yé a nwale loru a mɛtrɛ vu. Salomɔn ana sɔɔla kyan bozen nya. É balebanna do kɛlɛ sɛdrɛyili nya yé é a ma sɔɔla kyan nya yé é a dɔra fɛna sauun tinle ’lɛ.

1 Minwiinzannu 9:19

Alé fɛtadɔ flanu koo, alé goronu dɔ flanu koo, alé wisoo ta sunyanu lé flanu koo, é wo pa; fɛ faa lé é sɔ Salomɔn lɛ léé, ’é a dɔ Jérusalɛm koo, Liban koo, tɛrɛ faa lé é ke é plale wo nwiin koo, wona, é wo faa kɛlɛ.

1 Minwiinzannu 9:27

Iiram bozen wuozannu lé wo ke nyanama pa ’yitagoro gi munu lé wo wɛyi lé we dɔɔ, wo nya, é a pa zia Salomɔn lé nyanamapazannu va ’yitagoronu ’ko gi.

Minwiinzannu lé Wezuofe Sɛbɛ 22:4

Sidɔn valé Tii munu da sɛdrɛyili nya David lɛ kiɛre, wo ’ka bɔa wo nɔnɔle lɛ lo.

2 Minwiinmunu lé Wezuofe Sɛbɛ 1:14

Salomɔn gulidangoronu valé wisoota sunyanu zén ékeva. Alé gulidangoronu a wuru sɔrafié yé alé wisoota sunyanu a baa suiɛdo. É wo nyana flanu lé gulidangoronu ke ana, wona, ’é valé Jérusalɛm, minwiinzan blɛn sɔnɔ.

2 Minwiinmunu lé Wezuofe Sɛbɛ 2:10

I wuozannu lé wo dan yilinu vɔ lɛ, ’té wa bɔié bɛ, maa dan fɛblele nɔ lɛ wo lɛ ’ko zo: buruwɔlɛ vlekyɛɛ baa yɔ soru koo, sɔnmlén vlekyɛɛ baa yɔ soru koo, dɔrɔ ’bali baa fié koo, nyɔnɔ ’bali baa fié koo, a nya.

2 Minwiinmunu lé Wezuofe Sɛbɛ 2:8

É ziin, sɛdrɛyilinu koo, siprɛyilinu koo, sandalayilinu koo, ’i wo si Liban tɛrɛ la yé ’i wo pa an lɛ zia. Naa, maa a gi dɔɔ léé, i wuomunu éé Liban yilinu vɔa wo zua. Yé bé ye, an wuomunu wo dan pa lɛ izé va.

Ezidras 3:7

Wo gɔɔli nɔ gɔlɛmanyaamunu valé yilinyaazannu lɛ, yé fɛblele koo, fɛminile koo, nyɔnɔ koo, wa nɔ Sidɔn munu valé Tii munu lɛ léé, ’wo da Liban tɛrɛ la sɛdrɛyilinu nya wɛyi ta fɔɔ Jafo, se lé Pɛɛs munu nwiinzan blɛn Sirus a kɛlɛ wo lɛ, a yɛrama.

Lɛrɛvɔ Sɛbɛ 29:5

Gakelebale dére éé sɛdrɛyilinu yélié, Gakelebale dére éé Liban tɛrɛla sɛdrɛyilinu yélié.

Zakari 11:12

Yé maa lé wo lɛ léé: Dé é sɔ ka lɛ, ’ka anlé nyanama ma ban nɔ. Dé ’bɛ kaan lo, té ka a nɔ lo. Yé wo gɔɔlifu sikla yɔ do wɔlɛ vu si, yé wa nɔ anlé nyanama ma ban nya.

Rom munu 12:17

Té ka wenyané lɛgi pa mi do kpen ma wenyané nya lo; we lé é ke é zima mi faa yuɛ gi, ’ka yee ɛ nagini ma.

Éfez munu 4:7

Naa, wo zin kɛlɛ ko va mi do do faa lɛ Krist lé blɛ kɛlɛbɛ yɛrama.

Bélidɔwesɛbɛ Fiézan 17:16

Naa, té élé wisoonu kɛlɛ kiɛre lo; té é go munu nya Éjipiti tɛrɛ la wisoo kiɛre sile we gi lo; naa, Gakelebale lé ka lɛ léé, té ka nɔla zi ’ko la é ziin monomono lo.

Filip munu 4:8

Bwenu, a nyaala lé é ke ’ko: we?-?bozennu faa koo, wenu lé wa lɛdɔama koo, we tegelenu faa koo, we wéiinnu faa koo, we sɔkenu faa koo, wenu faa lé wo tɔbɔ yara lé koo, we nénénu faa koo, wenu faa lé wo tɔ zin fe yara lé koo, wo ɛ kɛlɛ ka ’wuogibɔrɔmawenu nya ma.