1 Minwiinzannu 5:1 - Kazambale lé Sebe Sauunu 1979

¹ Tii minwiinzan Iiram é wuozannu nwunvɔ Salomɔn va, naa yifaama David sɔ a lɛ yé é a ’ma léé, wo nyɔnɔ zén Salomɔn nwiin a kɛlɛle minwiinzan nya we gi é ti pa gi.

1 Minwiinzannu 5:1 ပူးပေါင်းရင်းမြစ်များ

Wepélisiananu 15:18

’Bɛ yi la Gakelebale gi pa do Abram va, yé é léé: An tɛrɛ ’ko nɔ i kulu lɛ; a péli é sia Éjipiti yuu blɛn ma, yé éé goo fɔɔ yé é bɔ yuu blɛn lé wa laama Yufrat, a ma.

2 Samuɛl 5:11

Tii nwiinzan Iiram munu nwunvɔ David va, yé sɛdrɛyilinu koo, yilinyaazannu koo, gɔlɛnyaazannu koo, é wo pa David lɛ zia yé wo David lé kɔn dɔ.

2 Samuɛl 8:10

é é be Joram nwunvɔ David va, wele a va we gi, a bɔvɔle we ma léé, é guli dan Adadézɛɛ va yé é ’bɛ kele. Naa, guli a Toi valé Adadézɛɛ méléna é kyɛn. Joram go gɔɔlifubɔnu koo, kyanbɔnu koo, zénébɔnu koo, wo nya é lee.

1 Minwiinzannu 10:25

Yé wo faa do do éé dan a blan nya, gɔɔlifu valé kyanfɛnu koo, sɔnu koo, gulidanfɛnu koo, zianbla ginzannu koo, wisoonu valé sokofalenu koo, wo nya; é a ’bɛ zo lɛɛ faa do do ma.

1 Minwiinzannu 5:10

Iiram sɛdrɛyili valé siprɛyili nɔ Salomɔn lɛ, a ’léé lé é sɔ a lɛ, a nya.

1 Minwiinzannu 5:13

Yé minwiinzan Salomɔn fɔrɔlɔnu si Izraɛl tɛrɛ faa la; wa mi baa vu ta soru.

Minwiinzannu lé Wezuofe Sɛbɛ 14:1

Tii nwiinzan Iiram munu nwunvɔ David va; yé é sɛdrɛyilinu pa a lɛ zia, gɔlɛnyaamunu koo, yilinyaazannu koo, é wo pa a lɛ zia alé kɔn dɔle we ma.

2 Minwiinmunu lé Wezuofe Sɛbɛ 17:11

Filisitinu da Jozafat va blɛ nya wo lee, ’té woo vagɔɔli banwoo a lɛ; Arabunu é ziin, ’bɛnu wo éé dan trubɛnu nya a lɛ; ’blagɔné a baa yaa wuru sɔraa yɔ soru, yé boligɔné a baa yaa wuru sɔraa yɔ soru.

2 Minwiinmunu lé Wezuofe Sɛbɛ 2:3

Salomɔn munu nwunvɔ Tii munu nwiinzan blɛn Uram va, a fele a lɛ we gi léé: I sɛdrɛyilinu pa an ti David lɛ zia léé, ’é nyanaagikɔn dɔ a nya fɛan zo bɛ, ’i anzé kɛlɛ a zo ma.

2 Minwiinmunu lé Wezuofe Sɛbɛ 9:26

Salomɔn pla minwiinmunu faa nwiin, é sia yuu ma fɔɔ yé é bɔ Filisiti tɛrɛ glɛ la yé é bɔ Éjipiti tɛrɛ glɛ la.

Ezidras 4:20

Minwiinzan blɛn plɛplɛnu kɛlɛ yuu zi, Jérusalɛm, ’té wa é plale tɛrɛ faa nwiin. Vagɔɔli koo, fɛnu ta banwo gɔɔli koo, zibanwo gɔɔli koo, ’té wa no wo lɛ.

Lɛrɛvɔ Sɛbɛ 45:12

I a é nɔnɔmi, minwiinzan blɛn bli bɔ i ma; É a izan nya, amalé ’i dia a wuo.

Lɛrɛvɔ Sɛbɛ 72:8

É dan pla lɛ munu nwiin, é sia wɛyi ’ko ma yé é bɔ a koɛ ma, É sia yuu ma yé é bɔ fɔɔ tɛrɛ glɛ sina.

Lɛrɛvɔ Sɛbɛ 80:12

A bɛnu toro fɔɔ yé wo bɔ wɛyi ta, Yé a nénu goo fɔɔ yé wo bɔ yuu ma.

Fwile 34:24

Naa, maa dan bɛnnu bin lɛ ka ’lɛ, yé maa dan ilé tɛrɛglɛnu buru so lɛ é zuo; bléyian va lé i go Gakelebale, ilé Bale ’lɛ, lɛɛ do gɔnɔ yaa bɛ, mi do kpen bli ’ka dan bɔ lɛ ilé tɛrɛ ma lo.

Ézai 23:1

Balelawe lé Ézai a fe Tii ma, yee lo. Taasis lé ’yitagoronu, ’ka wuvɔ. Taasis guru zana a gi; kɔn ’ka ana é dɛrɛ lo, wɔrana ’ka é dɛrɛ lo. Wa sina Kitim tɛrɛ la aan wo, wo we ’ko ’ma.

Ézékiɛl 19:11

A bɛnu a plɛplɛ yé wo kinin minwiinzan blɛn lé plaminwiin yilinu nya; A torole zi, é gié yilibɛ kwɛɛvɔlenu ta; A torole valé a bɛ kiɛrenu lé we ma Giémunu a naginian.

Amɔs 1:9

Gakelebale léma: Tii munu lé wenyané blɛn yaa lé we ma, gba, maa fé boenwo ziɛn, we lé maa a fe léé, maa dan a kɛlɛ lɛ, maa ’ka dan an dére nɔla lɛ lo. Wo luu ’léé kiɛre pa Édom munu lee, yé gipawe lé wa kɛlɛ ’wo bwenu va, a sele saan wo gi, azama.

Mi Nɔnɔle 24:7

’Yi wolé suonu fan ’té éé yoroan, Yé alé fɛwɔlɛnu é dan fan lɛ ’yi fanle lé we ma. A nwiinzan blɛn mini Agaga ta; Yé alé plale mi nwiin é dan kɛlɛ lɛ plɛplɛ.

WENÉNÉ LÉ LUK A GYE (Évangile selon Luc) 7:5

Ko bɛn sɔ a lɛ yé yee ɛ kolé bazorokɔn dɔ, amalé ilé wezin ’ko kɛlɛle a lɛ yara lé.

Bélidɔwesɛbɛ Fiézan 20:11

Dé wo vole drɔɔ nyi si yé wo flagɔrɔ lɛ so ka lɛ, ana munu faa é dan pla lɛ ka wuo yé wo dan kalé nyanama pa lɛ.

1 Samuɛl 10:27

Naa, mi vɔnlenu ana duowo, yé wo léé: I! ɛɛ, mi ’ko ɛ ko sié we gii? Yé wo nyé yéli a ma, yé wo ’ka da lɛ blɛfɛ nya a lɛ lo. Naa, Saul é tɔné sia ’bɛnu dére ta.