1 Minwiinzannu 4:21 - Kazambale lé Sebe Sauunu 1979

²¹ Salomɔn pla bɛntɛrɛnu faa nwiin, é sia yuu ma fɔɔ yé é bɔ Filisitinu lé tɛrɛ la, fɔɔ yé é bɔ Éjipiti tɛrɛ glɛ la; woo dan Salomɔn blan nya yé wo pla a wuo alé tɛrɛla faa gi.

1 Minwiinzannu 4:21 ပူးပေါင်းရင်းမြစ်များ

Wepélisiananu 15:18

’Bɛ yi la Gakelebale gi pa do Abram va, yé é léé: An tɛrɛ ’ko nɔ i kulu lɛ; a péli é sia Éjipiti yuu blɛn ma, yé éé goo fɔɔ yé é bɔ yuu blɛn lé wa laama Yufrat, a ma.

2 Samuɛl 8:2

É guli dan Moab munu va yé é wo yia tɛrɛ va yé é bawɔrɔ dan wo yiale ’léé ma; é bawɔrɔ nya fié munu gyɛ yé é bawɔrɔ nya do munu vo é yuɛma. Yé Moabnu pla David wuo, ’té woo gɔɔli banwoo a lɛ.

2 Samuɛl 8:6

Yé David sunyanu nyana Damas, Siri tɛrɛ la. Yé Sirimunu pla David wuo ’té woo gɔɔli banwoo a lɛ. Dé David go fɛofɛana, Gakelebale a takuun‐an.

1 Minwiinzannu 12:4

I ti nyanama plɛplɛ nɔ ko lɛ; sin, nyanama plɛplɛ valé luubale lé i ti a vɔ ko bɔrɔ ma, bé ke si a ta, yé ko dan ilé nyanama pa lɛ.

1 Minwiinzannu 3:13

’Bɛ ta loru, fɛ lé i ’ka a ma laa lɛ lo, fua valé tɔbɔle koo, maa dan wo nɔ lɛ i lɛ fɛan zo, ilé tɛrɛla faa gi bii valé minwiinzan bɛ ’ka dan bɔ lɛ ékema lo.

1 Minwiinzannu 4:22

Fɛ lé Salomɔn a blé yi do do ma, yee lé ke ’ko: Burupun zima vlekyɛɛ wuru do yɔ soru koo, burupun vlekyɛɛ wuru yaa koo,

1 Minwiinzannu 4:24

Tɛrɛ lé ke yuu zi, é sia Tifasak fɔɔ yé é bɔ Gaza, é a é plale a faa nwiin, yé é a é plale yuu zi minwiinzannu faa nwiin. Yé a zi munu faa vo a va drɔɔ.

2 Minwiinzannu 17:3

Asiri nwiinzan Salmanazaa nwa a ma. Ozé pla a wuo, yé é gɔɔli banwo a lɛ.

2 Minwiinmunu lé Wezuofe Sɛbɛ 17:5

Gakelebale Jozafat plale mi nwiin dɔ gligli. Judanu faa da blan nya a lɛ, yé é kɛlɛ fuazan valé tɔbɔzan nya.

2 Minwiinmunu lé Wezuofe Sɛbɛ 32:23

Munu kiɛre da Gakelebale blannu nya Jérusalɛm, yé wo da fɛwezan babanu nya Juda nwiinzan Ézékia blan nya; é sia ’bɛ bléyi va a tɔ kɛlɛ blɛn bɛnnu faa yuɛ gi.

Ezidras 4:20

Minwiinzan blɛn plɛplɛnu kɛlɛ yuu zi, Jérusalɛm, ’té wa é plale tɛrɛ faa nwiin. Vagɔɔli koo, fɛnu ta banwo gɔɔli koo, zibanwo gɔɔli koo, ’té wa no wo lɛ.

Lɛrɛvɔ Sɛbɛ 68:29

Ilé Bale léé: ’I plɛplɛ ye ma; Baleoo, Bale, we lé bé kɛlɛ ko lɛ, ’bé ta plaa ma.

Lɛrɛvɔ Sɛbɛ 76:11

Blami lé bliflile éé kɛla i tɔbɔwe nya, Yé ibozen lé wɛwɛ a ilé gulidan gwɔun nya.

Fwile 23:31

Maa dan ilé tɛrɛ glɛ dɔ lɛ, é sia Wɛyi Sɔɔn ma fɔɔ yé é bɔ Filisitinu lé wɛyi ma, yé é sia bwi ma fɔɔ yé é bɔ yuu ma; naa, maa dan ana tɛrɛlamunu pa lɛ ka lee, yé ka dan wo bin lɛ ka ’lɛ.

Bale Lé We Gifezan 2:25

Dé é ’ka maa nya lo, de boen ɛ fɛ blé, ’té a gi éé nanaan?

Jérémi Lé Wuvɔ Sɛbɛ 1:1

Yé mɛ ɛ kɛlɛɛ? Fla lé a tamunu ke é vinin kiɛre, é vo é plaa? É kɛlɛ bélé zanagala le do zo. Yee lé a tɔ ke turu é bɔle blɛn bɛnnu méléna, ’té é kɛlɛ tɛrɛ faa nwiinzan nya, Yee ɛ vo luubale gii?

Ézékiɛl 16:13

’Ko zo lé maa i ’lɛrɛ kyan valé gɔɔlifu nya, yé lɛnsɔ koo, sɔanésɔ koo, sɔnu lé pɛɛnu ke é gyɛle wo lɛ gi koo, maa i ’lɛrɛ wo nya. Burupun zima koo, zɔrɔnyɔnɔ valé nyɔnɔ koo, wo kɛlɛ i blefɛ nya. I nɔnɔmi lɛ sɔɔ, ’té i kɛlɛle minwiin le nya yara lé.

Bélidɔwesɛbɛ Fiézan 11:24

Fɛ faa lé ka dan ka gane zun lɛ ana, é dan kɛlɛ lɛ kazé nya; kalé tɛrɛ glɛ do é dan kɛlɛ lɛ Liban lé bwi nya, yé kalé tɛrɛ glɛ do é dan kɛlɛ lɛ Yufrat yuu nya, yé kalé tɛrɛ é dan go lɛ fɔɔ yé é bɔ wɛyi lé ke yirivɔnazia, a ma.

Jozué 1:4

Tɛrɛ lé é dan kɛlɛ lɛ kazé nya, é sia nyéné saa lé fɛna valé Liban fɔɔ yé é bɔ Yufrat yuu blɛn ma, Étinu lé tɛrɛ faa lé, fɔɔ yé é bɔ wɛyi blɛn ma yirivɔnazia.

1 Samuɛl 10:27

Naa, mi vɔnlenu ana duowo, yé wo léé: I! ɛɛ, mi ’ko ɛ ko sié we gii? Yé wo nyé yéli a ma, yé wo ’ka da lɛ blɛfɛ nya a lɛ lo. Naa, Saul é tɔné sia ’bɛnu dére ta.