1 Minwiinzannu 3:7 - Kazambale lé Sebe Sauunu 1979

⁷ Sin, Gakelebale, anlé Bale, i wuozan pla munu nwiin an ti David pa gi; yé maa a nékénéné nya, yé an ’ka we ’ko kɛlɛ lɛ é kyɛn lo.

1 Minwiinzannu 3:7 ပူးပေါင်းရင်းမြစ်များ

2 Samuɛl 5:2

É li é kwakwa, bléyian va lé Saul a ko nwiinzan nya, ’té bii ɛ goo Izraɛl nya, ’té i dan wo nya. Gakelebale lé i lɛ léé: Bii ɛ dan fɛblele nɔ lɛ élé munu Izraɛl lɛ, yé bii ɛ dan kɛlɛ lɛ Izraɛl nwiinzan blɛn nya.

Minwiinzannu lé Wezuofe Sɛbɛ 22:5

David léé: An be Salomɔn a miboroné nya, a lɛɛ ’ka kiɛre lo, yé kɔn lé é dan a dɔ lɛ Gakelebale lɛ, é dan kɛlɛ lɛ blɛn, yé a tɔ é dan bɔ lɛ tɛrɛ faa la; bɛwemalé maa dan fɛnu ma’lɛrɛ lɛ a lɛ. Yé David fɛ kiɛre kiɛre ma’lɛrɛ é gale ’lɛ.

Minwiinzannu lé Wezuofe Sɛbɛ 22:9

Naa, an dan négɔné do yaa lɛ yé ’bɛ é dan kɛlɛ lɛ mi drɔɔ nya, yé ’é dan ’bɛ si lɛ a nyanézannu lé wa zi lɛ sɔɔ, wo lee, yé é vo drɔɔ; wo dan a tɔ laa lɛ Salomɔn, yé ’é dan vole drɔɔ nɔ lɛ Izraɛl lɛ alé tɛrɛ la bléyi va yé wo dan nyana lɛ woboma.

Minwiinzannu lé Wezuofe Sɛbɛ 29:1

Minwiinzan blɛn David lé munu faa lé wo ke é zénle ékeva, wo lɛ léé: An be Salomɔn lé Kazambale a si a va é do kpen, é a mi boroné nya, yé a lɛɛ ’ka kiɛre lo, yé nyanama ’ko a blén, naa, fuakɔn ’ko ’ka mi zé nya lo, é a Gakelebale ɛ zé nya.

Lɛrɛvɔ Sɛbɛ 121:8

Gakelebale é dan i gole valé i dale tabin lɛ, A pélisia sin bléyi ’ko va fɔɔ yifaama a glɛ ’ka lo.

Wegɔnévɔlenu 18:12

Mi lé é ébo kɛla blɛn, a guruzanale a gi bɔ é pu; naa, bo kiéné ɛ dan tɔbɔle nya.

Bale Lé We Gifezan 10:16

Bii tɛrɛ lé i nwiinzan a né kiéné nya, yé ilé mi blɛnnu éé fɛ blé bladi, we tɔntɔn kɛlɛ i lɛ.

Jérémi 1:6

Maa a zi pa léé: Aa, Mizan, Gakelebale, bé ye, an ’ka bɔa we do fele lɛ lo, naa, maa a nékénéné nya, azama.

Jérémi 1:7

Yé Gakelebale lé an lɛ léé: Té bé fe léé, ’é a nékénéné nya lo. Naa, munu faa lé maa i nwunvɔ wo va, i dan go lɛ wo va, yé we faa lé maa a pa i ’léé, i dan a fe lɛ wo lɛ.

Daniɛl 2:21

Yee ɛ bléyinu valé mi zi wenu nɔlaan, yee ɛ minwiinzan blɛnnu sié ana ’té éé wo dɔa ana. Yee ɛ wedɔɔle no wedɔɔzannu lɛ, yé yee ɛ gikinile no ’wuoatazannu lɛ.

Daniɛl 4:25

Wo dan i bin lɛ munu méléna, yé i dan nyana lɛ bwigiwinu va. Wo dan lunu nɔ lɛ i lɛ bélé diri zo, yé bé ble. Lolu é dan i kɛlɛ lɛ drɔɔdrɔɔ, yé lɛɛ sɔrafié é dan gié lɛ i ta fɔɔ yé bé gi dɔɔ léé, plale mi nwiin faa a é plale Loruzan wuo, yé dé miomian sɔ a lɛ, éé ’bɛzan plaan munu nwiin.

Daniɛl 4:32

Wo dan i bin lɛ munu méléna, yé i dan nyana lɛ bwigiwinu va. Wo dan lunu nɔ lɛ i lɛ bélé diri zo yé bé ble, yé lɛɛ sɔrafié é dan gié lɛ i ta fɔɔ yé bé gi dɔɔ léé, plale mi nwiin faa a é plale Loruzan wuo, yé dé miomian sɔ a lɛ, éé ’bɛzan plaan munu nwiin.

Daniɛl 5:18

Minwiinzan blɛn, balenu faa nwiin Bale, plale mi nwiin koo, kɛlɛle blɛn koo, tɔbɔle koo, fua zevɔle koo, é wo nɔ i ti Nébukanɛsaa lɛ. Kɛlɛle blɛn lé é a nɔ a lɛ bɛ,

Daniɛl 5:21

Wa bin blaminu méléna. A bli kɛlɛ bélé winu bli zo, yé é nyana bwi gi sokofalenu va. Wo lu nɔ a lɛ bélé diri zo yé é a ble, yé lagi lolu a kɛlɛ drɔɔdrɔɔ, fɔɔ yé é a gi dɔɔ léé, plale mi nwiin faa a é plale balenu faa nwiinzan Bale wuo, yé dé miomian sɔ a lɛ, éé ’bɛzan plaan munu nwiin.

Mi Nɔnɔle 27:17

’té éé goo, ’té éé dan wo yuɛ va, ’té éé goo wo nya, ’té éé dan wo nya, léé, té Gakelebale lé munu é vo bélé ’blanu lé wo tabinzan ’ka lo, wo zo lo.

WENÉNÉ LE JAN A GYE (Évangile selon Jean) 10:9

Maa a gɔrɔ ’léé nya. Dé mian é wɔra an vazia é dan si lɛ we gi; é dan wɔra lɛ, yé é dan bɔra lɛ, yé é dan fɛblelenu ye lɛ.

Bélidɔwesɛbɛ Fiézan 31:2

an bɛ ’ka sɔa we do kɛlɛle nya é dɛrɛ lo, yé Gakelebale a fe an lɛ léé, an ’ka dan Juudɛn ’ko kini lɛ lo.

1 Samuɛl 18:16

naa, David sɔ Izraɛl valé Juda faa lɛ, éé goo ’té éé dan wo zilɛzan nya, azama.