1 Minwiinzannu 3:3 - Kazambale lé Sebe Sauunu 1979

³ Gakelebale sɔ Salomɔn lɛ yé é é ti David lé gɔnɔlawe kɛla. Naa, éé Bale baan winu valé lasikɔrɔnu nya gɔnwiin balebanna ɛ na.

1 Minwiinzannu 3:3 ပူးပေါင်းရင်းမြစ်များ

1 Minwiinzannu 11:34

Maa ’ka dan bɛntɛrɛ faa si lɛ a lee lo, é dan vo lɛ minwiinzan nya élé tɛrɛla faa gi, an wuozan David lé maa a si a va, ’té éé anlé bélidɔwe sɔnnénu paan, ’té éé tawoo anlé bélidɔwenu ta bɛ, alé we ma.

1 Minwiinzannu 11:38

Dé i an dére lɛdɔma, dé i anlé zinu ta tawo, we lé ke é drɔle an yuɛ gi, dé i ’bɛ kɛlɛ anlé bélidɔwe ta tawole valé an sɔnné pale nya, an wuozan David a kɛlɛ fɛan zo, a zo, maa dan kɛlɛ lɛ i va, yé maa dan ilé kɔn dɔ lɛ gligli, maa David zé dɔ fɛan zo, a zo, yé maa dan Izraɛl nɔ lɛ i lɛ.

1 Minwiinzannu 11:4

Salomɔn lé kwagyɛbléyi va, a nanu a bli nɔla bale bɛnu va; yé a bli faa ’ka Gakelebale, alé Bale lɛ, a ti David bli a fɛan zo, a zo lo.

1 Minwiinzannu 11:6

Yé we lé ke é naané Gakelebale yuɛ gi, Salomɔn a kɛlɛ yé é ’ka tawo lɛ Gakelebale zuo tegele, a ti David a kɛlɛ fɛan zo, a zo lo.

1 Minwiinzannu 14:23

Wo é ziin, wo gɔ nwiin yobannanu kɛlɛ, ’té yofoto valé miyilinu a gɔ faa nwiin valé yili drɔɔdrɔɔ faa wuo.

1 Minwiinzannu 14:8

maa plale mi nwiin se si David gɔnɔ gi yé maa a nɔ bii lɛ. An wuozan David lé, é anlé bélidɔwenu faa kɛlɛ yé é tawo an zuo é bli faa nya, ’té we lé ke é drɔle an yuɛ gi é ’bɛ saa kɛla, bii ’ka bélé yee zo lo.

1 Minwiinzannu 15:11

We lé ke tegele Gakelebale yuɛ gi, Aza a kɛlɛ bélé é tra David zo.

1 Minwiinzannu 15:14

Naa, gɔ nwiin yobannannu ’ka si lɛ ana lo, dɔlé ’té Aza bli faa kɛlɛ Gakelebale lɛ élé tɛrɛla faa gi.

1 Minwiinzannu 15:3

Wenyané faa lé a ti a kɛlɛ é vinin, ébo nɔ ’bɛ faa kɛlɛle lɛ; a bli faa ’ka Gakelebale, alé Bale lɛ, a tra David bli a fɛan zo, a zo lo.

1 Minwiinzannu 15:5

Naa, we lé ke tegele Gakelebale yuɛ gi, David a kɛlɛ, yé é ’ka é yara si lɛ alé bélidɔwe do kpen kɛlɛle ta lo alé tɛrɛla faa gi, ’té dé é ’ka Éti mi Uri lé we nya lo.

1 Minwiinzannu 22:43

É tawo é ti Aza lé tawobɛ gi, yé é ’ka é yara si lɛ a ta lo, yé we lé ke é zima Gakelebale yuɛ gi, yee lé é a kɛlɛ.

1 Minwiinzannu 22:44

Naa, we do ana, é ’ka gɔ nwiin yobannanu si lɛ ana lo; munu éé saraka boo ’té woo lasikɔrɔ no gɔ nwiin yobannanu na.

1 Minwiinzannu 3:14

Yé dé i tawo anlé zinu ta an déretawe valé anlé bélidɔwe kɛlɛle nya, i ti David a kɛlɛ fɛan zo, a zo, maa dan ilé tɛrɛla taa pa lɛ.

1 Minwiinzannu 3:6

Salomɔn a zi pa léé: An ti i wuozan David tawo i ’lɛ, yarapalale koo, we tegele kɛlɛle koo, é bli drɔle i vazia koo, wo nya, amalé i we zin kɛlɛ a lɛ é baba; i we zin ’ko tadɔ a lɛ yé i négɔné nɔ a lɛ yé ’bɛ nyana alé webleblin ta fɛan zo lé wa ye kyɔ, a zo.

1 Minwiinzannu 8:25

Sin, Gakelebale, Izraɛl lé Bale, blivolɛdére lé bé fe an ti David lɛ, bé tawe kɛlɛ ma. I lé a lɛ léé, é ’ka dan vuru lɛ ’é paizan nyanale ma Izraɛl nwiinzan blɛn lé webleblin ta ’é ’lɛ lo, ’té dé a benu é yuɛ pa ’wo giégane va yé wo tawo ’é ’lɛ ’élé bélidɔwe yɛrama, éé tawoo ’é ’lɛ bɛan zo, a zo. A zo lé bé fe.

1 Minwiinzannu 8:61

Ka bli faa a Gakelebale kolé Bale lɛ kyɔ fɛan zo, ’é vo a zo ma, kalé tawole alé bélidɔwenu ta valé a sɔnnénu pale we gi.

1 Minwiinzannu 9:4

Yé bii, dé i tawo an ’lɛ, i ti David tawo fɛan zo, a zo, bli tegele valé we drɔle kɛlɛle nya, ’té we faa lé maa i béli dɔ a nya, ’té bé kɛla, dé i tawo anlé bélidɔwe valé an déretawenu yɛrama,

2 Minwiinzannu 12:3

Naa, we do ana, é ’ka wolé gɔ nwiin yobannanu yi ga lɛ lo; munu éé sarakanu boo, ’té woo lasikɔrɔ no gɔ nwiin yobannanu ta.

2 Minwiinzannu 12:4

Joas lé Balebanzannu lɛ léé: Gɔɔli faa lé wa pa é yɛrama Bale zé nya yé wo da a nya Gakelebale lé kɔn gi, ’bɛ gi léé, mi nɔnɔna gɔɔli koo, mi tabo gɔɔli lé Balebanzan a ’léé fe, ’bɛ koo, gɔɔli faa lé munu da a nya Gakelebale lé kɔn gi bli zin nya koo,

2 Minwiinzannu 14:3

We lé ke tegele Gakelebale yuɛ gi, yee lé é a kɛlɛ, naa, é ’ka a kɛlɛ lɛ bélé é tra David zo lo; a ti Joas we kɛlɛ fɛan zo, é we kɛlɛ a zo ’kyɛ.

2 Minwiinzannu 14:4

Naa, we do ana, é ’ka gɔ nwiin yobannanu yi ga lɛ lo; munu éé sarakanu boo ’té woo lasikɔrɔ no gɔ nwiin yobannanu ta.

2 Minwiinzannu 15:35

Naa, we do ana, é ’ka gɔ nwiin yobannanu yi ga lɛ lo; munu éé sarakanu boo, ’té woo lasikɔrɔ no é ziin gɔ nwiin yobannanu ta. Jotam Gakelebale lé kɔn duoli loruzan vɔ.

2 Minwiinzannu 15:4

Naa, we do ana, é ’ka gɔ nwiin yobannanu yi ga lɛ lo; munu éé sarakanu boo, ’té woo lasikɔrɔ no gɔ nwiin yobannanu ta.

2 Minwiinzannu 18:22

Dé i dan a fe lɛ an lɛ léé, ’wo pale a Gakelebale ’wozé Bale ɛ taa? A bannanu valé alé gɔ nwiin yobannanu lé Ézékia a sɛrɛ ’té é a fé Judanu valé Jérusalɛm munu lɛ léé, ’wo dia ’wo bli la balebanna lé ke Jérusalɛm, yee do kpen ɛ ’lɛ, yee Bale kaan loo?

2 Minwiinzannu 18:4

É gɔ nwiin yobannanu sɛrɛ, yé é miyilinu yéli yé é yo ’wuo ’wii, yé zénéméné lé Moizi a kɛlɛ é ’bɛ yéli télétéléné, naa, Izraɛl lé nénu éé lasikɔrɔ kyɛ blé a lɛ yifaama; wa laama Néusitan.

2 Minwiinmunu lé Wezuofe Sɛbɛ 15:17

Naa, é ’ka gɔ nwiin balebannanu si lɛ ana lo, dɔlé ’té Aza bli faa a Gakelebale lɛ alé tɛrɛla faa gi.

Lɛrɛvɔ Sɛbɛ 145:20

Munu faa lé Gakelebale éé sɔa wo lɛ, éé wo tabin‐é, Yé éé mi nyanénu faa kulu gaan.

Lɛrɛvɔ Sɛbɛ 31:23

Nyɛ zén an gi bléyian va, maa léé: Wo an bin i yara ma baa. Naa, dé an siaa i lɛ I anlé nyanainya dére ’ma.

Lévinu 17:5

Wean ma lé Gakelebale a fe, é ’ka lé Izraɛlnu éé saraka boo féinu ta lo; é a lé ’wo da ’wolé balebanwi nya Balebanzan va Gakelebale ’lɛ, zén‐ékevasɔkɔn ’léé, yé ’wo bɔvɔ saraka bo Gakelebale lɛ wo nya.

Matio 22:37

Jézu a zi pa a lɛ léé: ’I Mizan, izé Bale, lɔrɔ pa i bli faa koo, i boen faa koo, i gi bɔrɔle faa koo, wo nya.

WENÉNÉ LE JAN A GYE (Évangile selon Jean) 14:15

Dé an sɔ ka lɛ, ’ka anlé bélidɔwenu kɛlɛ ma.

WENÉNÉ LE JAN A GYE (Évangile selon Jean) 14:21

Mi lé anlé bélidɔwenu ke a lee, ’té éé wo kɛla, yee ɛ lɛ lé an sɔ, yé mi lé an sɔ a lɛ, é dan sɔ lɛ an Ti lɛ, yé é dan sɔ lɛ an lɛ, yé maa dan anbozen nagɔɔn lɛ a lɛ.

Rom munu 8:28

Yé kaa gi dɔɔ léé, munu lé Kazambale éé sɔa wo lɛ, ’té Bale wo laa ’é bɔn‐in danle yɛrama bɛ, we faa lé éé bɔa wo ma, Kazambale a nɔlaan wo ma wezin nya.

1 Korent munu 8:3

Naa, dé Kazambale sɔ mian lɛ, Kazambale ’bɛzan dɔɔ.

Bélidɔwesɛbɛ Fiézan 10:12

Amalé, sin, Izraɛl munu, Gakelebale a a va léé, ka mɛ kɛlɛɛ? É ’ka a va léé, ’ka kana é lee, yé ’ka tawo élé zinu ta, yé ’ka ’é lɔrɔ pa yé ’ka ’é bɔ ka bli faa valé kaboen faa nya loo?

Bélidɔwesɛbɛ Fiézan 10:13

É ’ka a va léé, ’ka ’é sɔnnénu pa yé bélidɔwenu lé maa wo gɔɔn ka lɛ kyɔ ’ko, ’ka wo lɛdɔma, ka gi nanale we gi loo?

Bélidɔwesɛbɛ Fiézan 11:13

Bale sɔnnénu lé maa wo fe ka lɛ kyɔ, dé ka wo pa, dé ka Gakelebale kalé Bale lɔrɔ pa, dé ka a bɔ ka bli valé kaboen faa nya,

Bélidɔwesɛbɛ Fiézan 30:16

Naa, maa fe ka lɛ kyɔ léé, ’ka Gakelebale, kalé Bale lɔrɔ pa, ’ka tawo alé tawobɛ gi, a sɔnnénu koo, alé bélidɔwenu koo, alé gɔnɔlawenu koo, ’ka wo ta tawo, ka vole é yuɛma valé ka fanle we gi, yé tɛrɛ lé ka dan a kɛlɛ lɛ kazé nya, Gakelebale, kalé Bale é dan ka drɔɔ vo lɛ ’bɛ ta.

Bélidɔwesɛbɛ Fiézan 30:20

yé ’ka Gakelebale, kalé Bale lɔrɔ pa, yé ’ka a dére lɛdɔma, yé ’ka buvɔ a ma; naa, ka vole é yuɛma valé ka mɔnle tɛrɛ la éé sié ’bɛ ɛ va, yé ’bɛ zo lé ka dan nyana lɛ tɛrɛ lé Gakelebale ébo ’nyɔɔn ka tranu Abraam koo, Izak koo, Jakɔb koo, wo lɛ léé, é dan a nɔ lɛ wo lɛ, a ta.

Bélidɔwesɛbɛ Fiézan 30:6

Gakelebale, kalé Bale é dan ka valé kalé nénu bli si lɛ wenyané lɛ, yé ka dan Gakelebale, kalé Bale lɔrɔ pa lɛ ka bli faa valé ka boen faa nya, ka vole é yuɛma we ma.

Bélidɔwesɛbɛ Fiézan 6:5

’Ka Gakelebale, kalé Bale lɔrɔ pa, ka bli faa koo, kaboen faa koo, kalé plɛplɛ faa koo, wo nya.

SEBE LÉ JAK A GYE (Épitre de Jacques) 1:12

Mian éé dɔa é gidanwenu wuo bli tiéé nya, azé a néné. Naa, a gi danle zuo, wo dan vole é yuɛma nɔ lɛ a lɛ bélé tɔkoro zo; tɔkoro lé Mizan a ma blivolɛdére fe munu lé, Mizan sɔ wo lɛ, wo lɛ bɛ, wo dan a nɔ lɛ a lɛ.

SEBE LÉ JAK A GYE (Épitre de Jacques) 2:5

’Kaa an bwenu lé ka sɔ an lɛ, ’ka tɔné dɔ. Munu lé wo ke nyanégyɛzannu nya tɛrɛlamunu yuɛ gi, Kazambale ’ka wo si lɛ léé, ’wo kɛlɛ fua nya blipale gi loo? yé wo kɛlɛ tɔnɔblezannu nya fuatɛrɛ lé é a ma blivolɛdére fe munu lé é sɔ wo lɛ, wo lɛ bɛ, a ta loo?

1 Samuɛl 9:12

Wa zi pa wo lɛ léé: Iin, é a i ’lɛ miɛ, ’ka go fiéfié, naa, munu a saraka bona balebanna loru na, amalé é da kyɔ.