1 Minwiinzannu 22:8 - Kazambale lé Sebe Sauunu 1979

⁸ Izraɛl nwiinzan a zi pa Jozafat lɛ léé: Mi do ana é ziin yé ko bɔa we laale lɛ Gakelebale lee ’bɛ nya; naa, a za a an gi, é ’ka balelawe zin fé an lɛ monomono lo, é balelawe naané saa ɛ fé, azama. Jimla be Misé lé. Yé Jozafat léé: Té minwiinzan é we fe ’bɛ zo lo ma.

1 Minwiinzannu 22:8 ပူးပေါင်းရင်းမြစ်များ

Wepélisiananu 37:8

A bwenu lé a lɛ léé: I dan pla lɛ ko nwiin? Bii ɛ dan kɛlɛ lɛ ko nwiinzan nyaa? Alé nyɛgyɛlenu valé a dérenu lé we ma, a za kɛlɛ é ziin é bwenu bli gi blɛn é mini é vinin ta.

1 Minwiinzannu 18:4

bléyian va lé Jézabɛl Gakelebale lé balelayezannu kulu ga, Abudias balelayezannu si yɔ soru yé é wo yɔɔ mi yɔ fié wɔlɛ vu vu gɔmagurunu gi, yé é buru valé ’yi nɔ wo lɛ.)

1 Minwiinzannu 19:10

É a zi pa léé: Maa Gakelebale, lai sunyanu lé Bale lé we kɛlɛ an sɔbɛla nya; naa, Izraɛl lé nénu ilé gipawe vo yé wo i bannanu zana a gi yé wo ilé balelayezannu gyɛ gwɔun nya; maa ɛ vo, an do kpen, yé wa kwa kulina léé, wo anlé tɛrɛla nyaa.

1 Minwiinzannu 19:14

É a zi pa léé: Maa Gakelebale, lai sunyanu lé Bale, lé we kɛlɛ an sɔbɛla nya; naa, Izraɛl lé nénu ilé gipawe vo yé wo i bannanu zana a gi, yé wo ilé balelayezannu gyɛ gwɔun nya; maa ɛ vo, an do kpen, yé wa kwa kulina léé, wo anlé tɛrɛla nyaa.

1 Minwiinzannu 21:20

Akab lé Éli lɛ léé: An nyanézan, i an yee? Yé é a zi pa léé: We lé ke é naané Gakelebale yuɛ gi, ibo nɔ a kɛlɛle lɛ, amalé maa i ye.

1 Minwiinzannu 22:13

Nwunvɔzan lé é go Misé laa lɛ, é lé a lɛ léé: Bé ye, balelayezannu dére a do yé wa balelawe néné fena minwiinzan blɛn lɛ; amalé, ka dére ’é kɛlɛ wo nya do ma. ’I we néné fe ma.

1 Minwiinzannu 22:18

Izraɛl nwiinzan lé Jozafat lɛ léé: Maa ’ka a fe lɛ i lɛ loo? É ’ka balelawe néné fé an lɛ lo, é balelawe naané saa ɛ fé.

1 Minwiinzannu 22:27

’Ka fe léma: Minwiinzan blɛn léma: ’Ka mi ’ko vɔ bokɔn gi, yé ’ka nyané ble buru valé ’yi nɔ a lɛ fɔɔ yé an da é ziin drɔɔ.

1 Minwiinzannu 22:7

Naa, Jozafat léé: Gakelebale lé balelayezan do kpen ’ka ’ko é dɛrɛ yé ko bɔa we laale lɛ Gakelebale lee a nya loo?

1 Minwiinzannu 22:9

Yé Izraɛl nwiinzan blɛn miblale do laa yé é léé: ’I da Jimla be Misé nya an lɛ.

2 Minwiinzannu 9:22

Joram Jéu ye tɔɔn, é léé: Jéu, we drɔɔ léé? Jéu a zi pa léé: We drɔɔ lé kaa? Yé i bu Jézabɛl é vo élé bɔrɔdɛ wenu valé élé mimafɛ kɛlɛnaa?

2 Minwiinmunu lé Wezuofe Sɛbɛ 36:16

Naa, wo Bale lé nwunvɔzannu ma we nana; wo lɔlu plɛn ’bɛnu dérenu ma, yé wo yéri si alé balelayezannu ma, fɔɔ, yé Gakelebale lé bliflile élé munu ma gié é glɛ la.

Lɛrɛvɔ Sɛbɛ 34:21

É ’é yuɛ paan é wɔlɛnu faa va, A wɔlɛ do kpen ’ka dan yéli lɛ lo.

Wegɔnévɔlenu 15:12

É ’ka sɔ lɛ wenanazan lɛ léé, wo we pla ’é lɛ lo, é ’ka goo wedɔɔzannu va lo.

Wegɔnévɔlenu 29:10

Mi nyɛzanamunu éé mi wéiin za paan, naa, mi drɔlenu éé wo ta béli dɔa.

Wegɔnévɔlenu 9:8

Té i we pla mimawenanazan lɛ lo, dé é da i za pa; ’i we pla wedɔɔzan lɛ yé i dan sɔ lɛ a lɛ.

Ézai 3:11

Mi nyanénu gale nyɔ; wolé we ’ka dan vɔ lɛ a ma lo, naa, wo dan ’wo panyanama ma ban ye lɛ.

Ézai 30:10

Wa fé fɛnayezannu lɛ léé, té ka fɛna ye lo. Yé wo lé balelayezannu lɛ léé, té ka balelawe bozen fe ko lɛ lo; ’ka ko ginanawenu ɛ fe, ’ka balelawe fe ka ’wuoi é pla.

Ézai 49:7

Mi lé woo serele boo a ma, ’té munu a yé naaninvɔmafɛ nya, ’Té é ke mi plɛplɛnu lé luu nya bɛ, Mitabozan Gakelebale, Izraɛl lé Mi Sauun lé a lɛ léma: Munu nwiinzannu é dan i ye lɛ yé wo dan dɔ lɛ loru, Mi segelenu é dan i ye lɛ yé wo dan dia lɛ wo bli la i ’lɛ, Gakelebale lé é ke yarapawelazan nya, Izraɛl lé Mi Sauun lé é i si a va, alé we ma.

Jérémi 18:18

Yé wo léé: ’Ka da, kaa gi pa Jérémi ma. Bélidɔwe ’ka dan si lɛ Balebanzannu lee lo; weplale ’ka dan si lɛ wedɔɔzannu lee lo; dére ’ka dan nyaa lɛ balelayemunu ’léé lo. ’Ka da, kaa Jérémi gyɛ kaa dére nya, té kaa tɔné dɔ a dére do kpen lɛ lo.

Jérémi 20:10

Maa mi kiɛre lé gun gyɛle ’ma, Yé wo léé: Yifaama, yifaama, we tɔntɔn, we tɔntɔn! ’Ka a tɔ laa, yé ko dan a tɔ fe lɛ. Munu faa lé wo bli ke an ma drɔɔ, Wa sin an ma vɔɔna léé, dé a sɔné é dan san lɛɛ? Wo léé: Dé é dan we do kɛlɛ lɛ é tanyila Yé ko a kuun? ’Té ko dan we lɛgi pa lɛ a ma.

Jérémi 36:23

Jéudi sɛbɛ ta fe; dé é a laa yaa valé ziɛn ta fe tɔɔn, minwiinzan blɛn sɛbɛ bɔi sɛbɛgyɛzan lé sɛnnéné nya yé é a vɔ kyɛ lé é ke é nyanale a zi, a va; é kɛlɛ a zo fɔɔ yé a faa kyɛ ble.

Jérémi 38:4

Yé minwiinzannu lé minwiinzan blɛn lɛ léé: ’Wo mi ’ko gyɛ ma. Naa, gulidanmunu lé wo ke fla ’ko la, é valé munu faa, éé wo fuu sié wo ta ’bɛ zoɛ wefele nya. Mi ’ko ’ka we zin ginina munu ’ko zé nya lo; é a we tɔntɔn ɛ va wozé nya.

Amɔs 5:10

Mi lé é we pla wo lɛ weblena, woo ’bɛzan za paan, yé mi lé éé we fé é boen ma, woo serele boo ’bɛzan ma.

Misé 2:11

Dé mi do vlan buru é pla, ’té éé a fé vié nya léé: Maa dan balelawe fe lɛ ka lɛ nwɛ valé dɔrɔ ’lɛ plɛplɛ lé we nya, ’bɛzan ɛ kɛla munu ’ko lé balelawefezan nya.

Misé 2:7

Jakɔb lé munu, é sɔ ka lɛ léé, ka we fe ’bɛ zoo? Gakelebale bli éé flian é kelee? Alé we kɛlɛbɛ lé ke bɛɛ? Dé mi lé we a é drɔle, an dére ’ka néné azé nya loo?

Zakari 11:8

Maa ’blapazannu yaa si ana moné do kpen gi; an boen bli a pɛpɛ wolé we ma, yé an sɛrɛ wo gi.

Matio 10:22

An tɔ lé we ma lé munu faa é dan ka za pa lɛ. Naa, mian éé yara paan anlé we kɛlɛle ta fɔɔ yé ’é bɔ a ’wuoplana ’bɛzan é dan si lɛ we gi.

WENÉNÉ LE JAN A GYE (Évangile selon Jean) 17:14

Wo ’ka tɛrɛlamunu nya lo, bélé fɛan zo lé maa ’ka tɛrɛlami nya lo, a zo, bɛwemalé dé maa i dére fe wo lɛ, wo za a tɛrɛlamunu gi.

WENÉNÉ LE JAN A GYE (Évangile selon Jean) 7:7

Tɛrɛlamunu ’ka bɔa ka za pale lɛ lo. Maa wo ma we fe léé, wo kɛlɛwenu a é naané, amalé an za a wo gi.

Galasi munu 4:16

Webozen fele ka lɛ ma lé an kɛlɛ ka nyanézan nyaa?