1 Minwiinzannu 22:6 - Kazambale lé Sebe Sauunu 1979

⁶ Izraɛl nwiinzan blɛn balelayemunu zén ékeva, wo mi wuru fié bɔa, yé é lé wo lɛ léé: An go guli dan Ramɔt lé ke Galaad tɛrɛ la, a va, taa, é a lé an sɔn vɔ a maa? Yé wa zi pa léé: ’I go, Mizan é dan a pa lɛ minwiinzan blɛn lee.

1 Minwiinzannu 22:6 ပူးပေါင်းရင်းမြစ်များ

1 Minwiinzannu 12:9

É lé wo lɛ léé: Munu ’ko lé wa fe an lɛ léé, luubale lé i ti a vɔ ’wo bɔrɔ ma, bé va dɔ, ’naan, mɛ we lé ka dan a fe lɛ an lɛ yé maa a fe wo lɛɛ?

1 Minwiinzannu 18:19

Sin, ’i Izraɛl faa zén ékeva an va, Kaamɛl gɔ nwiin, Baal lé balelayezannu wuru fié yɔ fié wɔlɛ vu valé Asataté lé balelayezannu wuru fié lé woo fɛ blé Jézabɛl lé tablé ta, woo koo é ziin.

1 Minwiinzannu 18:20

Akab mi nwunvɔ Izraɛl munu faa va, yé é balelayezannu zén ékeva Kaamɛl gɔ nwiin.

1 Minwiinzannu 22:10

Izraɛl nwiinzan blɛn valé Juda nwiinzan blɛn Jozafat a é nyanale ’wolé webleblin ta do do, wolé fuasɔ nya wo ta, Samari gɔrɔ ’léé. ’Té balelayemunu faa éé balelawe fé wo ’lɛ.

1 Minwiinzannu 22:15

É bɔ minwiinzan blɛn va aan wo, minwiinzan blɛn lé a lɛ léé: Misé, ko go guli dan Ramɔt lé ke Galaad tɛrɛ la, a va, laa, taa, ko diéraa? É a zi pa a lɛ léé: ’I go, a ’wuo é dan vo lɛ i lɛ yé Gakelebale é dan a pa lɛ minwiinzan blɛn lee.

1 Minwiinzannu 22:5

A zuo Jozafat lé Izraɛl nwiinzan blɛn lɛ léé: Ilé zanté, ’i we laa Gakelebale dére lee.

2 Minwiinzannu 10:19

Sin, Baal lé balelayezannu koo, a wuozannu faa koo, a banzannu faa koo, ’ka wo laa, ’wo da an va, té a do kpen é vo zi zuo lo, naa, maa dan saraka blɛn bo lɛ Baal lɛ; dé mian ’ka da lɛ lo é ’ka dan vo lɛ é yuɛma lo. Jéu a we ’ko kɛlɛna gi kinile nya léé, ’é Baal wuozannu faa gyɛ.

2 Minwiinzannu 3:13

Élizé lé Izraɛl minwiinzan lɛ léé: Ko a é nanale i nya mɛ we taa? ’I go i ti lé balelayezannu valé i bu lé balelayezannu va. Yé Izraɛl minwiinzan lé a lɛ léé: Gba, naa, Gakelebale minwiinzan yaa ’ko laa léé, ’é wo pa Moab munu lee.

2 Minwiinmunu lé Wezuofe Sɛbɛ 18:14

É bɔ minwiinzan blɛn va aan wo, minwiinzan blɛn lé a lɛ léé: Misé, ko go guli dan Ramɔt lé ke Galaad tɛrɛ la, a va, laa, taa, ko diéraa? É a zi pa a lɛ léé: ’Ka go; a ’wuo é dan vo lɛ ka lɛ yé Gakelebale é dan wo pa lɛ ka lee.

Ézai 36:10

É ziin, é ’ka Gakelebale lé blibɔmawe nya léé, an nwa tɛrɛ ’ko ma yé maa a sɛrɛ loo? Gakelebale lé an lɛ léé, ’an nwa tɛrɛ ’ko ma, ’maa sɛrɛ.

Jérémi 5:31

balelayemunu éé balelawe fé vié nya, yé Balebanmunu éé dɔa wo dére zuo, yé ’bɛ sɔ anlé munu lɛ. Ka dan kɛlɛ lɛ kaa a ’wuoplanaa?

Ézékiɛl 13:22

Ka mi tegelenu bli kyɛ dɔa viéwole nya, dɔlé ’té maabozen ’ka wo bli kyɛ dɔ lɛ lo. Yé ka mi nyanénu bɛ dɔa plɛplɛ léé, té wo si ’wo kɛlɛwe naanénu zuo yé wo vo é yuɛma lo.

Matio 7:15

’Ka yuɛ pa kabo va viébalelayemunu lé we ma. Woo dan ka va bélé ’blanu zo, naa, wo bli a wo gi bélé lɔrɔgyɛ glau zo.

2 Timoté 4:3

Naa, bléyi do é dan bɔ lɛ yé munu ’ka dan a nyi si lɛ léé, wo we tegele paa ’wo gi lo. Wo dan go lɛ ’wo sɔlɛwe zuo, yé wo dan mi kiɛre kiɛre si lɛ we paa ’wogizannu nya, wo sɔlɛ wenéné fele wo lɛ we gi.

Wegɔɔnle 19:20

Wo wi kun, ’é valé viébalelayezan lé é we blɛnblɛnnu kɛlɛ wi yuɛ va, yé munu lé wo wi lé tɔmase si yé wo dia ’wo bli la a yili ’lɛ, ’té éé wo saan élé we blɛnblɛn kɛlɛle nya bɛ, wo ’bɛ kun, yé kyɛ lé ke blɛn bélé gyankyɛ zo, ’té wo povun zén a va, wo wo fiénu vuli a va, ’té wa é yuɛma.