1 Minwiinzannu 22:17 - Kazambale lé Sebe Sauunu 1979

¹⁷ Misé a zi pa léé: Maa Izraɛlnu faa ye é nwɛɛnle gɔnu ma bélé ’blanu lé wo tabinzannu ’ka lo, wo zo, yé Gakelebale léé: Munu ’ko, wozan ’ka lo; wo faa do do ’é nɔla drɔɔ ’wolé kɔn ’léé ma.

1 Minwiinzannu 22:17 ပူးပေါင်းရင်းမြစ်များ

1 Minwiinzannu 22:16

Yé minwiinzan lé a lɛ léé: É a lé maa a fe i lɛ gɔnɔ nɔɔ, léé, ’i bale ’nyɔɔn léé, i dan webozen saa ɛ fe lɛ an lɛ Gakelebale tɔ gii?

Ézai 13:14

Wo faa do do é dan nɔla lɛ ’wolé munu va; wo faa do do é dan fwi lɛ yé wo go ’wolé tɛrɛ la bélé plɛn‐an lé di kini a gi, a zo, bélé trubɛ lé a tabinzan ’ka lo, a zo.

Jérémi 28:8

Balelayezannu lé wo bɔra bii valé maa ’lɛ, kaa tranu bléyi va, wo balelawe fe tɛrɛ plɛplɛnu valé bɛngɔnɔ blɛnnu ma léé, gulidanle koo, we tɔntɔn valé migyɛgyɛ koo, wo dan bɔ lɛ wo ma;

Jérémi 50:17

Izraɛl a ’bla sanle lé golizra a zuo bin‐é, a nya; Asirinu nwiinzan blɛn a ble é vinin, yé é voéla ’ko, Babilɔn nwiinzan blɛn Nébukanɛsaa a wɔlɛnu yéli.

Jérémi 50:6

Anlé munu a ’bla trubɛ palu sanle nya. Wo tabinzannu zi saan wo nya, wo wo saan gɔnu nwiin; wo si gɔ blɛnnu nwiin yé wo go gɔpanénu nwiin; wo gi san ’wo nyanana ma.

Ézékiɛl 1:4

Maa a nagini, ’té fu plɛplɛ koo, lati blɛn koo, kyɛnɛnɛ kunu do lé a san éé zi kinié fɛfaana wéiin, ’bɛ koo, ’té woo sié yirinwana bɛbolazia, yé maa wo ye. Fɛ lé é ke bélé zéné lé wa ma gɔrɔla, a zo, ’té éé bié, maa a ye kyɛnɛnɛnu va lati méléna.

Naum 3:18

Asirimunu nwiinzan blɛn, ilé ’blatabinmunu a yigyɛna; ilé nyanazannu a flinna; ilé munu a é kinile ékema gɔnu nwiin, yé mi do kpen ’ka wo zénna ékeva lo.

Zakari 10:2

Naa, térafimnu dére a é pla, ’monédɔmunu éé tɛlɛ tɛlama we fé vié nya; nyɛ ginu a vié nya, yé woo mi tɔrɔ paan boawenu nya. Amalé munu a wona bwi gi bélé trubɛ palu zo. Wo pazan ’ka lo, amalé wa wenaané bɔmazannu nya.

Zakari 13:7

Gwɔun‐oo, gwɔun, ’i soi anlé ’blatabinzan ma! Lai sunyanu lé Gakelebale léma: ’I soi an bɔluzan ma. ’I ’blatabinzan gyɛ yé alé ’blanu ’é fwila. Yé maa dan bɔ lɛ ’bla tɔɔtɔɔnu va.

Mi Nɔnɔle 24:3

Balaam élé balelawe fe, yé é léé: Béɔɔ be Balaam dére lé ke ’ko: Mian a yuɛ ke é fuole, a dére lo.

Mi Nɔnɔle 24:4

Mian éé Bale dére maan, ’Té éé Plɛplɛfaazanbale lé yuɛzi yé, a dére lo. Mi lé é dia é bli la, ’té a yuɛ a é fuole, a dére lo.

Mi Nɔnɔle 27:17

’té éé goo, ’té éé dan wo yuɛ va, ’té éé goo wo nya, ’té éé dan wo nya, léé, té Gakelebale lé munu é vo bélé ’blanu lé wo tabinzan ’ka lo, wo zo lo.

Matio 9:36

Jézu mi gu ye aan wo a nyanai zén wo ta; wo fuu ’ka wo ta lo, yé wa tɔɔtɔɔ bélé ’blanu lé wo tabinzan ’ka lo, wo zo.

Maak 6:34

Jézu zun aan wo ’yitagoro gi, é mi gu blɛn ye. Wa bélé ’blanu lé wo tabinzan ’ka lo, wo zo; amalé Jézu nyanai zén wo ta, yé é kun we kiɛre paale ma wo gi.

1 Samuɛl 9:9

É vinin, Izraɛlnu va, dé mi go we laa lɛ Bale lee, é léé, ’i da, ’ko go fɛnayezan va. Naa, mi lé wa laama kyɔ balelayezan, é vinin wa laama fɛnayezan.