1 Minwiinzannu 21:3 - Kazambale lé Sebe Sauunu 1979

³ Naa, Nabɔt a zi pa Akab lɛ léé: Té Gakelebale a nyi si léé, maa an tinu zarafɛ nɔ i lɛ lo.

1 Minwiinzannu 21:3 ပူးပေါင်းရင်းမြစ်များ

Wepélisiananu 44:17

Yé Jozɛfu lé wo lɛ léé: Bale ’é ’bɛ yi ga an lee ma. Mi lé wo kana ye a nwiin, é dan kɛlɛ lɛ anlé luu nya, yé ’kaanu, ’ka go ka ti va drɔɔ ma.

Wepélisiananu 44:7

Yé wo lé a lɛ léé: Mɛwemale anzan we ’ko zo fe ko maa? Bale ’é dɔ ’é wuomunu zi, té wo ’bɛ zoɛ we kɛlɛ lo ma.

Minwiinzannu lé Wezuofe Sɛbɛ 11:19

Yé é léé: Anlé Bale ’é an tabin léé, té maa we ’ko kɛlɛ lo ma. Munu lé wo ’wobo bɔra gale lɛ ’naan, maa dan wo nyɛ mini lɛɛ? Wo bli si ’wobo lɛ yé wo da a nya. Yé é ’ka a nyi si lɛ léé, é a mini lo. We lé sunya nyanazan yaa ’ko a kɛlɛ, yee lé ke bɛ.

JOB (Job) 27:5

Maa dan a fe lɛ léé, kazé a nénéé? gbaoo gba! Maa dan dɔ lɛ anzé ta, fɔɔ yé an lɔlu lɛ tan bléyi é bɔ;

Ézékiɛl 46:18

Té minwiinzan é munu lé zarafɛ do kpen si lo. Té é wolé fɛnu si wo lee lo. Fɛ lé é dan a nɔ lɛ é benu lɛ zarafɛ nya, é a lé ’é a si ébo lé zarafɛnu va, léé, té anlé munu vazan do kpen é vuru élé fɛnu gi lo.

Lévinu 25:23

Té ka tɛrɛ dan monomono lo; naa, tɛrɛ a anzé nya, yé ka a an va bélé bɛn zo, bélé fɛginizannu zo.

Mi Nɔnɔle 36:7

Dé é a zaraoo zaraan nya Izraɛlnu va, té é si bɛn do va yé wa nɔ bɛn bɛ lɛ lo, naa, Izraɛlnu faa ’é vo é nyanale ’wo tranu zaratɛrɛ la.

Mi Nɔnɔle 36:9

Dé é a zaraoo zaraan nya, té é si bɛn do va yé wa nɔ bɛn bɛ lɛ lo, Izraɛlnu bɛnnu ’wo vo é nyanale ’wolé zara ta do do.

Rom munu 3:31

’Té ko bélidɔwe kɛla weboa nya blipale nyaa? Gba. Ko bélidɔwe dɔa gligli.

Rom munu 3:4

Gba, é ’ka ’bɛ zo lo. ’Wo Kazambale dɔɔ wezen fezan nya ma, yé ’wo munu faa dɔɔ viézannu nya ma, fɛan zo lé é a é gyɛle sɛbɛ gi, a zo; wo léé: ’Wo i ye mi tegele nya i dérenu ma ma, Yé dé wo ilé we ble té we ’é i gyɛ lo ma.

Rom munu 6:15

É dɔ ka gi kaa? Kaa ’ka bélidɔwe la lo, kaa a zin la, bɛwemalé kaa dan wenyané kɛlɛ lɛɛ? Gba.

Rom munu 6:2

Gba. Kaa lé, kaa ga wenyané vazia, é kɛlɛ kaa yé kaa vo wenyané kɛlɛna é ziin?

Rom munu 7:13

We zima éé kɛla an gyɛfɛ nyaa? Gba! Naa, we lé ke é zima, wenyané an gyɛ a nya, yé ’bɛna lé ébo nagɔɔn wenyané nya. ’Bɛ zo lé, wenyané a wenaané boen nya fɛan zo, bélidɔwe a nagɔɔn.

Rom munu 7:7

Amalé kaa fé nɔɔ? Bélidɔwe a wenyané nyaa? Gba! Naa, dé é ’ka bélidɔwe nya lo, ’té an ’ka wenyané va sina dɔɔa lo. Dé bélidɔwe ’ka a fe lɛ léé, té i bli é bɔ fɛnu ma lo lo, ’té maa ’ka blibɔle fɛnu ma lé we gi dɔɔa lo.

1 Korent munu 6:15

Ka ’ka a gi dɔɔa léé, ka kɔlɛnu a Krist kɔlɛvafɛnu nya loo? Maa Krist kɔlɛvafɛnu sié ’té maa wo kɛla bɔrɔdɛ le kɔlɛvafɛnu nyaa? Pelo!

Galasi munu 6:14

Naa, dé é a maa nya, dé é ’ka Kaazan Jézu Krist lé yiliblan lé we nya lo, ’té an ’ka anbo ze vɔa we do kpen gi lo. A nya lé tɛrɛlafɛnu ga yiliblan ta an vazia, bélé fɛan zo lé an ga yiliblan ta tɛrɛlafɛnu vazia, a zo.

Jozué 22:29

Nwale Gakelebale ma valé diérale Gakelebale zuo, ko gi bɔrɔle a ’bɛ ma baa; balebanna bɛ lé é ’ka Gakelebale kozé Bale zé lé ke é nyanana ’lɛ, a nya lo, a kɛlɛle balebanwi kyɛblele valé Bale banle valé saraka bole we gi, ko gi bɔrɔle a ’bɛ ma baa.

Jozué 24:16

Munu a zi pa léé: Gakelebale vole yé ko bale bɛnu bɔ, ko gi bɔrɔle a ’bɛ ma baa!

1 Samuɛl 12:23

Yé dé maa daan bazorole ma ka zuo ’té ma wenyané kɛlɛ. Té maa ’bɛ zo wenyané kɛlɛ lo ma. Maa dan zi drɔle valé zi zima gɔɔn lɛ ka lɛ.

1 Samuɛl 24:6

’Bɛ zuo a gibɔrɔle we dɔ a nwiin Saul lé sɔ lɔlu bɔile we ma.