1 Minwiinzannu 20:22 - Kazambale lé Sebe Sauunu 1979

²² Yé balelayezan bié Izraɛl nwiinzan blɛn va, yé é lé a lɛ léé: ’I go, ’ibo dɔ plɛplɛ, bé gini, yé dé i dan wean kɛlɛ lɛ, bé gi dɔɔ; naa, lɛɛ bɛ gi Siri nwiinzan blɛn é dan nwa lɛ i ma é ziin.

1 Minwiinzannu 20:22 ပူးပေါင်းရင်းမြစ်များ

1 Minwiinzannu 20:26

’Bɛ zuo lɛɛ gi, woo Sirimunu gié Bɛn‐Adad ’lɛ yé é go Afɛk vazia, guli danle Izraɛl va we gi.

2 Samuɛl 11:1

’Bɛ lɛɛ bɛ gi, bléyian va lé minwiinmunu éé goo guli dan lɛ, Joab koo, David wuomunu koo, Izraɛl faa koo, David wo pa zia Amɔn munu sɛrɛle tata we gi, é valé Raba munu mabɛnle we gi. Naa, David vo Jérusalɛm.

1 Minwiinzannu 20:13

Naa, balelayezan do bié Izraɛl nwiinzan blɛn Akab va yé é léé: Gakelebale léma: I mi gbau ’ko yee? Maa dan wo pa lɛ i lee kyɔ yé bé gi dɔɔ léé, maa a Gakelebale nya.

Minwiinzannu lé Wezuofe Sɛbɛ 20:1

’Bɛ zuo lɛɛ do, bléyian va lé minwiinzan blɛnnu éé goo guli dan lɛ, Joab sunyanu palu plɛplɛ si, yé wo go ’wii lɛ Amɔnnu lé tɛrɛ la, yé é Raba mabɛn. Naa, David vo Jérusalɛm. Joab Raba gyɛ guli nya, yé é a guru zana a gi.

Ézai 42:8

Maa a Gakelebale nya, an tɔ lé ke bɛ; Maa ’ka anlé fuasan no mi bɛ lɛ lo; Yé an ’ka an tɔbɔle no miyilinu lɛ lo.

Ézai 26:11

Gakelebale, i bɛ a plɛplɛ; Wo ’ka a gi dɔɔa lo. I fuu a i ta fɛan zo ilé munu mawe kɛlɛna, wo dan a ye lɛ yé ’bɛ é dan wo gyɛ lɛ yara nya; Kyɛ é dan i nyanézannu ble lɛ.

Ézai 8:9

Munu, ’ka siaa gulidandére plɛplɛ nya, yé wo dan ka ’wii lɛ. Ka lé ka ke é nyanale baa, ’ka an ban ka tɔné nya. ’Ka ma’lɛrɛ gulidanle we ma, yé wo dan ka ’wii lɛ. ’Ka ma’lɛrɛ gulidanle we ma, yé wo dan ka ’wii lɛ.

Wegɔnévɔlenu 20:18

’Wuogibɔrɔwenu lɛ éé sɔɔan weplale ɛ nya; ’i guli dan yuɛgi kinile nya.

Wegɔnévɔlenu 18:10

Gakelebale tɔ a bélé flagɔrɔ nwiin kɔn torole zo, mi tegele éé yɔɔan ana ’té a ta béli a é dɔle.

Lɛrɛvɔ Sɛbɛ 27:14

’I bli vo Gakelebale lɛ. ’I dɔ gligli, yé ’i bli ta dɔ plɛplɛ ma. ’I bli vo Gakelebale lɛ.

2 Minwiinmunu lé Wezuofe Sɛbɛ 25:11

Amasia é bli ta dɔ plɛplɛ, yé é kɛlɛ élé munu ’lɛzan nya. É go wɛ lé pɛnguru gi, yé é guli dan Séiinu va yé é wo gyɛ mi baa soru.

2 Minwiinmunu lé Wezuofe Sɛbɛ 25:8

Dé i go wo nya, dé i kɛlɛ nyanazan nya gulidannaoo, Bale é dan i dia lɛ i nyanézannu ’lɛ. Naa, a se a Bale lɛ léé, é bɔ mi va, yé a se a Bale lɛ léé, é mi dia.

2 Minwiinzannu 6:12

A wuomunu va mi do léé: Anzan, minwiinzan, mi do kpen kaan lo; naa, we lé bé fé i yiakɔn gi, balelayezan Élizé lé ke Izraɛl tɛrɛ la, yee ɛ zuo fé Izraɛl minwiinzan lɛ.

1 Minwiinzannu 22:8

Izraɛl nwiinzan a zi pa Jozafat lɛ léé: Mi do ana é ziin yé ko bɔa we laale lɛ Gakelebale lee ’bɛ nya; naa, a za a an gi, é ’ka balelawe zin fé an lɛ monomono lo, é balelawe naané saa ɛ fé, azama. Jimla be Misé lé. Yé Jozafat léé: Té minwiinzan é we fe ’bɛ zo lo ma.

1 Minwiinzannu 20:38

Balelayezan go yé é dɔ minwiinzan ’lɛ zia, yé é ’é ma nɔla sɔbɛné vurule nya é yuɛnu ta.

1 Minwiinzannu 19:10

É a zi pa léé: Maa Gakelebale, lai sunyanu lé Bale lé we kɛlɛ an sɔbɛla nya; naa, Izraɛl lé nénu ilé gipawe vo yé wo i bannanu zana a gi yé wo ilé balelayezannu gyɛ gwɔun nya; maa ɛ vo, an do kpen, yé wa kwa kulina léé, wo anlé tɛrɛla nyaa.

Éfez munu 6:10

We pɔné lé é ke ’ko: ’ka dɔ gligli Mizan gi, alé plɛplɛ lé a glɛ ’ka lo, a nya.

1 Minwiinzannu 20:21

Izraɛl nwiinzan blɛn bɔra yé é wisoonu gyɛ yé é goronu sɛrɛ yé é Sirimunu kele bɛblɛɛ.