1 Minwiinzannu 20:1 - Kazambale lé Sebe Sauunu 1979

¹ Sirinu nwiinzan blɛn Bɛn‐Adad élé sunyanu faa zén ékeva; minwiinzan blɛn yɔ do wɔlɛ vu ta fié koo, wisoonu koo, goronu koo, wa a va. É go yé é Samari mabɛn yé é guli vɔ wo lɛ.

1 Minwiinzannu 20:1 ပူးပေါင်းရင်းမြစ်များ

1 Minwiinzannu 15:18

Gɔɔlifu valé kyan pɔné lé é vo Gakelebale lé kɔn gi fɛwezan valé minwiinzan lé kɔn gi fɛwezan nya, é a faa si yé é a pa é wuomunu lee, yé é wo nwunvɔ Sirinu nwiinzan Ézɔn be Tabrimɔn be Bɛn‐Adad va, ’té ’bɛ a é nyanale Damas. Minwiinzan Aza we pa a lɛ zia léé:

1 Minwiinzannu 15:20

Bɛn‐Adad é tɔné dɔ minwiinzan Aza lɛ; é élé sunyanu nwiinzannu nwunvɔ Izraɛl lé flanu ma, yé Ijɔn koo, Dan koo, Abɛl‐Bɛt‐Maaka koo, Kinérɛt faa koo, Néfitali lé tɛrɛ faa koo, é guli dan wo va yé é wo kele.

1 Minwiinzannu 16:24

é Samari gɔ lɔ Sémɛɛ lee, gɔɔlifu talan fié nya; é fla pa gɔ nwiin yé é yee fla tɔ pa Samari, gɔzan Sémɛɛ tɔ nya.

1 Minwiinzannu 20:16

Wo bɔra é yiéyi. Bɛn‐Adad a nwɛ minina fɔɔ yé nwɛ a gyɛ sɔkɔnnu wuo, minwiinzannu yɔ do wɔlɛ vu ta fié lé wo da bɔ lɛ a va, wo va.

1 Minwiinzannu 20:2

É munu nwunvɔ fla Izraɛl nwiinzan blɛn Akab va, a fele a lɛ we gi léé: Bɛn‐Adad léma:

1 Minwiinzannu 20:24

Bé kɛlɛ ’ko zo ma: ’i minwiinzannu si wo dɔna do do yé ’i sunyanu nwiinzannu dɔ wo pa gi;

1 Minwiinzannu 22:31

’Té Siri nwiinzan élé goronu nwiinzannu yɔ do wɔlɛ vu ta fié béli dɔ kɔɔn léé: Dé é a mi kiéné nyaoo, dé é a mi blɛn nyaoo, té ka guli dan a va lo; naa, ’ka guli dan Izraɛl munu nwiinzan do kpen ɛ va.

2 Minwiinzannu 6:8

Siri minwiinzan a guli danna Izraɛl va yé wo ’wuo tɛn ékeva é wuomunu nya yé é léé: Maa dan sɔkɔn dɔ lɛ fɛdona.

2 Minwiinzannu 8:5

Élizé mi nwa gale va fɛan zo, é a ’bɛ zuo fena minwiinzan blɛn lɛ bléyian va, lezan lé Élizé a be nwa gale va, é da ’élé kɔn valé élé féi lé we laa lɛ minwiinzan blɛn lee. Géazi léé: Minwiinzan, anzan, yee le lo, yé a be lé Élizé a nwa gale va, ’bɛ lo.

Ezidras 7:12

Minwiinzan blɛnnu nwiinzan Aatazɛɛsɛ, é sɛbɛ ’ko gyɛ Ezidras, Balebanzan valé sɛbɛgifezan lé ke wedɔɔzan nya lanu lé Bale lé bélidɔwe gi, a lɛ.

Fwile 14:7

É goro zima si wuru yaa, é valé Éjipiti lé goronu faa nya; gulidanmunu a wo faa gi.

Ézai 10:8

Naa, wo léé: Ko nwiinzan kiénénu, wo ’ka bélé minwiinzan blɛnnu zo loo? Kalno munu zé ’ka kɛlɛ lɛ bélé Kaakémis munu zé zo loo?

Ézai 37:24

I wuozannu dére nya lé i Mizan sɔnɔ Yé bii léé: Anlé goro kiɛre nya lé Maa gɔnu gié Yé an bɔ Liban gɔnu nwiin; Alé sɛdrɛyili grɔgrɔnu koo, Alé siprɛyili nɔnɔmi koo, maa dan wo vɔ lɛ, An dan bɔ lɛ a gɔ voélazan nwiin, An dan bɔ lɛ alé pɔrɔ wɔlɛ gi;

Jérémi 49:27

Maa dan kyɛ vɔ lɛ Damas lé kɔnnu va, yé é dan Bɛn‐Adad lé fuakɔnnu kyɛ ble lɛ.

Ézékiɛl 26:7

Naa, Mizan Gakelebale léma: Babilɔn nwiinzan, minwiinzannu ’é nwiinzan blɛn Nébukanɛsaa, maa dan a si lɛ Babilɔn yirinwana bɛbolazia, yé maa dan da lɛ a nya Tii ma, ’té wisoonu koo, gulidangoronu koo, wisootazannu koo, mi gu blɛn koo, ’té wa a va.

Daniɛl 2:37

Minwiinzan blɛn, bii ɛ ke minwiinzannu nwiinzan blɛn nya. Plale mi nwiin koo, plɛplɛ koo, gla koo, kɛlɛle blɛn koo, lanu lé Bale wo nɔ i lɛ;

Lévinu 26:25

Maa dan da lɛ gwɔun nya ka va, yé ’bɛ é dan anlé gipawe lɛi pa lɛ; dé ka zén ékema kalé flanu ta, maa dan da lɛ migyɛgyɛ nya ka méléna, yé maa dan ka pa lɛ ka nyanézannu lee.

Amɔs 1:4

Maa dan kyɛ bi lɛ Azaɛl lé kɔn gi, yé é dan Bɛn‐Adad lé fuakɔnnu kyɛ ble lɛ.

Bélidɔwesɛbɛ Fiézan 20:1

Dé ka guli dan ka nyanézannu va, yé ka wisoonu valé goronu ye, yé ka léé, wo kiɛre mini ’wo ta, té ka kana wo lee lo; naa, Gakelebale, kalé Bale lé é ka si Éjipiti tɛrɛ la, é a ka va, azama.

Bélidɔwesɛbɛ Fiézan 28:52

Wo dan nyana lɛ kalé flanu faa ma fɔɔ yé flagɔrɔ torole plɛplɛ lé ka pale ke wo ta kalé tɛrɛ faa la, yé ’wo wo zana; tɛrɛ lé Gakelebale, kalé Bale a nɔ ka lɛ, wo dan ana flanu faa mabɛn lɛ.

Weblezannu 1:7

Adoni‐Bézɛk léma: Minwiinzan yɔ yaa wɔlɛ vu lé wo bɛnwɔlɛ gɔnénu valé wo ganewɔlɛ gɔnénu ke é bɔile, fɛblelenu lé wo dian anlé tablé wuo, yee lé wa blé. We lé maa a kɛlɛ, yee lé Bale a kɛlɛ an lɛ. Yé wo go a nya Jérusalɛm, yé é ga ’bɛna.

Weblezannu 4:3

Izraɛl lé nénu siaa Gakelebale lɛ, Jabɛn lé foliɛwɔlɛ goronu a wuru ziɛn yɔ soru, yé é nyané pa Izraɛl lé nénu ta é baba lɛɛ yɔ do gi, ’bɛzama.

1 Samuɛl 13:5

Filisitinu zén ékeva gulidanle we gi Izraɛl va. Goro wuru soru valé wisootazannu baa yaa a wo lee, yé munu ’ko wa bélé nyéné lé ke wɛyi gɔɔn ma kiɛre yé wo ’ka bɔa a nɔnɔle lɛ lo, a zo. Wo da wolé sɔkɔn dɔ lɛ Mikimas, Bɛt‐Avan yirinwanazia.