1 Minwiinzannu 2:4 - Kazambale lé Sebe Sauunu 1979

⁴ yé we lé Gakelebale a fe an lɛ, yé a lɛ é sɔɔ. Gakelebale lé an lɛ léma: Dé i benu ’wo yuɛ pa ’wolé tawobɛ va, dé wo tawo an ’lɛ yarapalale koo, wo bli faa koo, wo léli faa koo, wo nya, i ’ka dan vuru lɛ i paizan nyanale ma Izraɛl lé webleblin ta monomono lo.

1 Minwiinzannu 2:4 ပူးပေါင်းရင်းမြစ်များ

Wepélisiananu 17:1

Abram lɛɛ kɛlɛ yɔ ziɛn wɔlɛ vu ta sɔraziɛn aan wo, Gakelebale bɔra Abram va yé é lé a lɛ léé: Maa a Plɛplɛfaazan Bale nya. ’I tawo an yuɛ va yé ’i kɛlɛ mi tegele nya.

Wepélisiananu 18:19

Naa, maa a si a va léé, ’é ’é benu valé élé kɔngimunu béli dɔ léé, ’wo tawo Gakelebale lé zi ta, ’té woo we drɔle valé we tegele kɛla; ’bɛ zo lé, we faa lé Gakelebale a fe Abraam lɛ blivolɛdére nya, é dan a kɛlɛ lɛ.

2 Samuɛl 7:25

Sin, Bale, Gakelebale, blikɛlɛlɛdére lé bé fe i wuozan valé é kulu lɛ bɛ, ’é vo ana lɛɛfaama ma, yé ’i we kɛlɛ i dére yɛrama ma.

1 Minwiinzannu 1:48

We lé minwiinzan a fe, yee lé ke ’ko. É léé: Gakelebale, Izraɛl lé Bale lé é an paizan nɔ an lɛ kyɔ yé é nyana anlé webleblin ta, yé é a nyi si léé, maa ana ye, ’wa drɔɔ vo ma!

1 Minwiinzannu 11:36

maa dan bɛn do vo lɛ a be lee, léé, té an wuozan David lé kyɛbɔ é diri an yara, Jérusalɛm lé maa a si a va an tɔ pale a ma we gi, ana lo.

1 Minwiinzannu 3:14

Yé dé i tawo anlé zinu ta an déretawe valé anlé bélidɔwe kɛlɛle nya, i ti David a kɛlɛ fɛan zo, a zo, maa dan ilé tɛrɛla taa pa lɛ.

1 Minwiinzannu 3:3

Gakelebale sɔ Salomɔn lɛ yé é é ti David lé gɔnɔlawe kɛla. Naa, éé Bale baan winu valé lasikɔrɔnu nya gɔnwiin balebanna ɛ na.

1 Minwiinzannu 6:12

dé i tawo anlé bélidɔwe yɛrama, dé i an dére tawe kɛlɛ, dé i anlé bélidɔwe sɔnnénu pa, ’té i wo ta tawoo, blikɛlɛlɛdére lé maa a fe i ti David lɛ, maa dan a lɛ sɔɔ lɛ i vazia,

1 Minwiinzannu 8:23

yé é léma: Oo Gakelebale, Izraɛl lé Bale, dé é a lagi nyaoo, dé é a tɛrɛ la nyaoo, i danmabale ’ka wona lo. I wuozannu lé woo tawoo i ’lɛ wo bli faa nya, i gipawe lɛ sɔɔan wo lɛ yé i nyanai éé zén‐é wo ta.

1 Minwiinzannu 8:25

Sin, Gakelebale, Izraɛl lé Bale, blivolɛdére lé bé fe an ti David lɛ, bé tawe kɛlɛ ma. I lé a lɛ léé, é ’ka dan vuru lɛ ’é paizan nyanale ma Izraɛl nwiinzan blɛn lé webleblin ta ’é ’lɛ lo, ’té dé a benu é yuɛ pa ’wo giégane va yé wo tawo ’é ’lɛ ’élé bélidɔwe yɛrama, éé tawoo ’é ’lɛ bɛan zo, a zo. A zo lé bé fe.

1 Minwiinzannu 9:5

maa dan ilé plale mi nwiin lé webleblin dɔ lɛ gligli Izraɛl, maa fe i ti David lɛ fɛan zo, a zo, léé, é ’ka dan vuru lɛ ’é paizan nyanale ma Izraɛl lé webleblin ta lo.

2 Minwiinzannu 20:3

Oo, Gakelebale, a sele ’é dɔ i gi léé, an tawo i yara yarapalale valé bli tegele nya, yé we lé é ke é zima i yuɛ gi, yee lé ma a kɛlɛ. Yé Ézékia yuɛ’yi so kiɛre.

2 Minwiinzannu 23:25

Minwiinzan lé é nɔla Gakelebale va é bli faa koo, ébozen faa koo, élé plɛplɛ koo, wo nya, Moizi lé bélidɔwe faa yɛrama bélé Jozias zo, ’bɛ zo minwiinzan ’ka Jozias ’lɛ é vinin lo, yé a zoɛzan ’ka bɔra lɛ a zuo lo.

2 Minwiinzannu 23:3

Minwiinzan blɛn dɔ kpala ta, yé é dɔ Gakelebale dére ta yé é léé, ’é dan tawo lɛ Gakelebale zuo, a déretawenu koo, alé weplalenu koo, alé bélidɔwe koo, ’é dan a kɛlɛ lɛ é bli valé é léli faa nya, yé gipawe dérenu lé wa gyɛ sɛbɛ ’ko gi, ’é dan wo ta tawo lɛ. Yé munu faa dɔ a ta é ziin.

Minwiinzannu lé Wezuofe Sɛbɛ 28:9

Yé bii, an be Salomɔn, ’i i ti Bale dɔɔ ma, bé kun i bɛ fié nya, bélé nyanama pa i bli faa nya ma, naa, Gakelebale éé mi faa bli gi ginian fɔɔ yé é bɔ a wɔlɛ ma, yé é mibligiwe valé mi lé gibɔrɔlenu faa dɔɔ. Dé bé nagini, é dan zi nɔ lɛ i lɛ léé, i ’é ye; dé i sɔn vɔ a ma é dan sɔn vɔ lɛ i ma yifaama.

2 Minwiinmunu lé Wezuofe Sɛbɛ 17:3

Gakelebale a Jozafat va. Éé tawoo é tra David kɛlɛwe vininzannu yɛrama, é ’ka Baalnu nagini lɛ lo, azama.

2 Minwiinmunu lé Wezuofe Sɛbɛ 6:16

Sin, Gakelebale, Izraɛl lé Bale, blivolɛderé lé bé fe an ti David lɛ, ’bé tawe kɛlɛ ma. I lé a lɛ léé, é ’ka dan vuru lɛ é paizan nyanale ma Izraɛl nwiinzan blɛn lé webleblin ta ’é ’lɛ lo, ’té dé a benu é yuɛ pa wo giégane va yé wo tawo ’é ’lɛ ’élé bélidɔwe yɛrama, éé tawoo ’é ’lɛ bɛan zo, a zo. A zo lé bé fe.

2 Minwiinmunu lé Wezuofe Sɛbɛ 7:18

maa dan izé plale mi nwiin dɔ lɛ gligli, maa fe i ti David lɛ fɛan zo, a zo, léé, é ’ka dan vuru lɛ é paizan nyanale ma Izraɛl lé webleblin ta monomono lo.

Lɛrɛvɔ Sɛbɛ 119:9

Pɛniɛ a kɛla ka yé alé tawobɛ é kɛlɛ tegelee? ’É tawo i dére yɛrama ma.

Lɛrɛvɔ Sɛbɛ 37:22

Naa, munu lé Gakelebale éé wo drɔɔ voo, tɛrɛ é dan kɛlɛ lɛ wozé nya Yé munu lé éé bale paan wo ma, wo dan ga lɛ.

Lɛrɛvɔ Sɛbɛ 37:9

Naa, wo dan mi nyanénu zana lɛ a gi, Yé munu lé woo bli voo Gakelebale lɛ, tɛrɛ é dan kɛlɛ lɛ wozé nya.

Lɛrɛvɔ Sɛbɛ 39:1

David lɛrɛ ’ko vɔle gɔɔn lɛrɛvɔzannu zilɛzan Jédutun lɛ. David a vɔ.

Jérémi 33:17

Naa, Gakelebale léma: David kululazan lé éé nyanaan Izraɛl munu lé webleblin ta, é ’ka dan vuru lɛ a ma lilo;

Lévinu 26:3

Dé ka tawo anlé bélidɔwenu ta, dé ka an sɔnnénu pa yé ka tawo wo ta,

Zakari 14:2

Maa dan bɛngɔnɔnu faa zén lɛ ékeva, yé wo guli dan Jérusalɛm va. Wo dan fla ’ko si lɛ, wo dan kɔnnu gi puo lɛ, yé wo dan zɔwɛ gyɛ lɛ ana lomu ta. Flamunu lɛ do é dan go lɛ luu gi, naa, wo ’ka dan a pɔnénu gyɛ lɛ lo.

Matio 22:37

Jézu a zi pa a lɛ léé: ’I Mizan, izé Bale, lɔrɔ pa i bli faa koo, i boen faa koo, i gi bɔrɔle faa koo, wo nya.

WENÉNÉ LÉ LUK A GYE (Évangile selon Luc) 1:6

Wo fiénu a mi tegele nya Kazambale yuɛ gi. Mizambale lé bélidɔwe faa koo, a ma we tɛtɛnénu faa koo, wa kɛla ’kyɛ, yé gun ’ka vo lɛ wo kɛlɛwe do kpen ma lo.

Bélidɔwesɛbɛ Fiézan 10:12

Amalé, sin, Izraɛl munu, Gakelebale a a va léé, ka mɛ kɛlɛɛ? É ’ka a va léé, ’ka kana é lee, yé ’ka tawo élé zinu ta, yé ’ka ’é lɔrɔ pa yé ’ka ’é bɔ ka bli faa valé kaboen faa nya loo?

Bélidɔwesɛbɛ Fiézan 11:13

Bale sɔnnénu lé maa wo fe ka lɛ kyɔ, dé ka wo pa, dé ka Gakelebale kalé Bale lɔrɔ pa, dé ka a bɔ ka bli valé kaboen faa nya,

Bélidɔwesɛbɛ Fiézan 6:5

’Ka Gakelebale, kalé Bale lɔrɔ pa, ka bli faa koo, kaboen faa koo, kalé plɛplɛ faa koo, wo nya.

Bélidɔwesɛbɛ Fiézan 7:12

Dé ka tɔné dɔ dére ’konu lɛ, dé ka wo lɛdɔma yé ka wo ta tawo, gipawe valé nyanai zénle lé ébo ’nyɔɔn ka tranu lɛ wo ma, é dan dɔ lɛ a ta plɛplɛ.

SEBE LÉ JUD A GYE (Épitre de Jude) 1:24

Bale lé, éé bɔa ’é yuɛ pale lɛ ka va yé ka ’ka saan monomono lo, ’té éé bɔa ka kɛlɛle lɛ sauun yé é da ka nya élé fua tɔbɔle va, ’té ka gi nanale a blɛɛn,