1 Minwiinzannu 2:3 - Kazambale lé Sebe Sauunu 1979

³ ’I Gakelebale, ilé Bale lé bélidɔwenu sɔnnénu pa, ’i tawo alé zinu ta, ’i alé bélidɔwe pun tawe kɛlɛ, ’i a dére tawe kɛlɛ, ’i alé webledére tawe kɛlɛ, ’i alé wepladére tawe kɛlɛ, fɛan zo lé wa gyɛ Moizi lé bélidɔwe gi, a zo, yé dé i wean kɛlɛoo, dé i go fɛanaoo, yé a lɛ é sɔɔ i lɛ é zima,

1 Minwiinzannu 2:3 ပူးပေါင်းရင်းမြစ်များ

2 Samuɛl 8:14

É sunya lɛ do donu nyana Édom tɛrɛ faa la. Yé Édom tɛrɛ faa pla David wuo. Gakelebale éé David takuun‐an a gona faana.

2 Samuɛl 8:6

Yé David sunyanu nyana Damas, Siri tɛrɛ la. Yé Sirimunu pla David wuo ’té woo gɔɔli banwoo a lɛ. Dé David go fɛofɛana, Gakelebale a takuun‐an.

1 Minwiinzannu 3:3

Gakelebale sɔ Salomɔn lɛ yé é é ti David lé gɔnɔlawe kɛla. Naa, éé Bale baan winu valé lasikɔrɔnu nya gɔnwiin balebanna ɛ na.

2 Minwiinzannu 18:7

Yé Gakelebale kɛlɛ Ézékia va, yé we faa lé é a pélisia, é a ’wuo pla. É nwa Asiri nwiinzan blɛn ma, yé é ’ka pla lɛ a wuo é dɛrɛ lo.

Minwiinzannu lé Wezuofe Sɛbɛ 29:19

Ilé bélidɔwenu koo, ilé weplalenu koo, i sɔnnénu koo, ’i wo lɛdɔama bli vɔ an be Salomɔn gi, yé ’é we ’konu faa kɛlɛ, yé fuakɔn lé maa a dɔfɛnu ma’lɛrɛ, yé ’é a dɔ ma.

Lɛrɛvɔ Sɛbɛ 119:111

Ilé weplalenu a yifaama anlé tɔnɔ nya, Naa, wa an bli gi ginanawe nya.

Lɛrɛvɔ Sɛbɛ 119:138

Ilé weplalenu pun sina lé ke we tegele nya, Yee valé yarapalale blɛn bozen nya.

Lɛrɛvɔ Sɛbɛ 119:2

Munu lé woo alé wepladérenu maan, ’Té wa lɛdɔama wo bli faa nya, wozé a néné.

Lɛrɛvɔ Sɛbɛ 19:7

Éé nwaan la glɛ do sina, Yé élé vlanburule ’wuo plaan a glɛ koɛzan ta; Yé fɛan a bile plɛplɛ ’ka ’naan ’bɛ ma lo, ’bɛ fɛ ’ka lo.

Bale Lé We Gifezan 12:13

Wedɔɔzannu dérenu a bélé foroné zo; dé wa é gyɛle ékeva fɛ dona, wa bélé pɔnténu lé wo wo blin, wo zo; dére ’konu faa si mi do ’léé.

Lévinu 8:35

Amalé ’ka vo zén‐ékevasɔkɔn ’léé yi sɔrafié, é yiéyi valé é béli, yé ’ka Gakelebale sɔnné pa, té ka ga lo we gi; naa, ’bɛ zo lé Bale a fe an lɛ.

Malasi 4:4

Bélidɔwe lé maa a nɔ an wuozan Moizi lɛ Orɛb gɔ nwiin, a sele ’é dɔ ka gi; maa wepladére valé sɔnnénu fe a lɛ Izraɛl faa zé nya.

Bélidɔwesɛbɛ Fiézan 29:8

Ko wolé tɛrɛ si yé ko a nɔ Rubɛnnu koo, Gadnu koo, Manasé bɛn lɛgɔnɔ do koo, wo lɛ.

Bélidɔwesɛbɛ Fiézan 29:9

Amalé ’ka gipawe ’ko lɛdɔma, yé ’ka a ta tawo, léé, we faa lé ka dan a kɛlɛ lɛ, yé é vɔ a ma.

Bélidɔwesɛbɛ Fiézan 4:1

Sin, Izraɛl munu, bélidɔwenu valé gɔnɔlawenu lé maa a gona paana ka gi bɛ, ’ka tɔné dɔ wo lɛ. ’Ka wo ta tawo, ka vole é yuɛma we ma yé tɛrɛ lé Gakelebale, ka tranu lé Bale, a nɔ ka lɛ, yé ’é kɛlɛ kazé nya.

Bélidɔwesɛbɛ Fiézan 4:45

Bale lé wenu lé Moizi a gɔɔn Izraɛl lé nénu lɛ, wo fwile Éjipiti tɛrɛ la zuo, alé weplalenu valé alé bélidɔwenu valé wo gɔnɔlawenu nya, wo lé ke bɛ.

Bélidɔwesɛbɛ Fiézan 4:5

Ka ye, maa Bale lé bélidɔwenu valé alé gɔnɔlawenu paa ka gi, Gakelebale, anlé Bale a pa an ’léé fɛan zo, a zo, kalé wo ta tawole we gi, tɛrɛ lé ka dan a kɛlɛ lɛ kazé nya, a ta.

Bélidɔwesɛbɛ Fiézan 4:8

Yé bɛn blɛn kyɛn lé bélidɔwenu valé wolé gɔnɔlawenu a tegele bélé bélidɔwenu faa lé maa wo fe ka lɛ kyɔ ’ko, a zoo?

Bélidɔwesɛbɛ Fiézan 5:1

Moizi Izraɛl munu faa laa yé é lé wo lɛ léé: Izraɛl munu, bélidɔwenu valé ka gɔnɔlawenu lé maa a wo fena ka lɛ kyɔ, ’ka tɔné dɔ wo lɛ. ’Ka wo pa ka ’wuo gi, yé ’ka wo ta tawo é zima ma.

Jozué 22:5

Naa, dérenu valé bélidɔwe lé Gakelebale wuozan Moizi a fe ka lɛ, ’ka wo ta tawo ka yuɛi do nya ma; ’ka Gakelebale, kalé Bale lɔrɔ pa ma; ’ka alé zinu faa ta tawo ma; ’ka alé bélidɔwenu kɛlɛ ma; ’ka buvɔ a ma ma; yé ’ka alé nyanama pa ka bli faa valé ka boen faa nya ma.

Jozué 23:6

We faa lé wa gyɛ Moizi lé bélidɔwe sɛbɛ gi, ’ka yara pa a kɛlɛle valé a ta tawole ta tegele, té ka nɔla, dé ka bɛyilazia lé, dé ka bɛbolazia lé, ana lo.

1 Samuɛl 18:14

Dé é weowean péli sia éé a kɛlɛle lɛ sɔɔan, yé Gakelebale a a va.

1 Samuɛl 18:30

Filisitinu lé tɔmunu woo dan Izraɛl va guli dan lɛ; dé wo da vu, David lé wo kelele mini Saul wuozannu zé ta, yé é tɔ ye.

1 Samuɛl 18:5

Dé Saul a nwunvɔ fɛofɛana David éé goo ana yé é a kɛlɛle lɛ sɔɔan. Saul a dɔ gulidanmunu zilɛzan nya, yé é sɔ munu faa lɛ, dé é a Saul wuozannu nyaoo.