1 Minwiinzannu 2:2 - Kazambale lé Sebe Sauunu 1979

² Maa a gona tɛrɛ faa lé zi siana. ’I bli ta dɔ plɛplɛ, ’i kɛlɛ gɔné nya.

1 Minwiinzannu 2:2 ပူးပေါင်းရင်းမြစ်များ

2 Samuɛl 10:12

’I dɔ gligli yé kaa bli ta plɛplɛ nagɔɔn kolé munu valé kolé Bale lé flanu lé we ma, yé dé wean dɔ Gakelebale gi wezin nya, ’é a kɛlɛ ma.

2 Samuɛl 12:23

É ga sin, mɛmalé maa lɔrɔ sɔn é ziin? An bɔa dale lɛ a nya é ziin? Maa dan go lɛ a va, naa, é ’ka dan da lɛ an va lo.

1 Minwiinzannu 3:7

Sin, Gakelebale, anlé Bale, i wuozan pla munu nwiin an ti David pa gi; yé maa a nékénéné nya, yé an ’ka we ’ko kɛlɛ lɛ é kyɛn lo.

Minwiinzannu lé Wezuofe Sɛbɛ 22:13

Bélidɔwe valé é sɔnnénu lé Gakelebale a fe Moizi lɛ Izraɛlnu zé nya, dé i wo tawe kɛlɛ é zima, ilé we va é dan gyɛ lɛ é zima. ’I dɔ gligli, ’i bli ta dɔ plɛplɛ, té i kana lo, té di é kini i gi lo ma.

Minwiinzannu lé Wezuofe Sɛbɛ 22:16

Kyan koo, gɔɔlifu koo, zéné valé foliɛwɔlɛ koo, wo nɔnɔ ’léé ’ka lo. ’I nwa, ’i we kɛlɛ, yé Gakelebale ’é bɔ i va ma.

Minwiinzannu lé Wezuofe Sɛbɛ 28:10

’É dɔ i bɔn‐in léé, Gakelebale i si a va léé, ’i kɔn dɔ ’é lɛ, ’élé fɛna sauun nya. ’I dɔ plɛplɛ, ’i we kɛlɛ.

Minwiinzannu lé Wezuofe Sɛbɛ 28:20

David lé é be Salomɔn lɛ léé: ’I dɔ gligli, ’i bli ta dɔ plɛplɛ, ’i we kɛlɛ; té i kana lo, té di é kini i gi lo. Naa, Gakelebale anlé Bale, é dan kɛlɛ lɛ i va; é ’ka dan i vo lɛ lo, é ’ka dan sɔn vɔ lɛ i ma lo, fɔɔ yé nyanamanu lé wo dan wo pa lɛ Gakelebale lé kɔn giwenu kɛlɛle lé we ma, yé wo lɛ é sɔɔ.

JOB (Job) 16:22

Naa, an lɛɛnu bɔ nyaana, Zi lé maa dan go lɛ a ta, maa ’ka dan an po yéli lɛ a ta lo.

JOB (Job) 30:23

Naa, maa a gi dɔɔ léé, i a gona an nya an gana, Fɛana lé é a lé mi yuɛmale faa é go, ana.

Lɛrɛvɔ Sɛbɛ 89:48

Fɛan zo lé anlé tɛrɛla ’ka mɔn‐o lo, Yé i blaminu faa kɛlɛ é pla, a sele ’é dɔ i gi ma.

Bale Lé We Gifezan 12:13

Wedɔɔzannu dérenu a bélé foroné zo; dé wa é gyɛle ékeva fɛ dona, wa bélé pɔnténu lé wo wo blin, wo zo; dére ’konu faa si mi do ’léé.

1 Korent munu 16:13

Té ka vo yi bla lo. ’Ka dɔ gligli Kazambale lé we gi. ’Ka kɛlɛ gɔné nya. ’Ka dɔ plɛplɛ.

Éfez munu 6:10

We pɔné lé é ke ’ko: ’ka dɔ gligli Mizan gi, alé plɛplɛ lé a glɛ ’ka lo, a nya.

Bélidɔwesɛbɛ Fiézan 31:23

Gakelebale é dére ’konu vo Nɛn be Jozué va. É léé: ’Ibo dɔ gligli, ’i bli ta dɔ plɛplɛ, naa, bii ɛ dan go lɛ Izraɛl nya, tɛrɛ lé maa anbo ’nyɔɔn léé, maa dan a nɔ lɛ wo lɛ, a ta; yé maaboen é dan kɛlɛ lɛ i va.

1 Timoté 4:12

Té mi do kpen i ye kiéné i boroné we ma lo, naa, ’i kɛlɛ blipamunu lé wekɛlɛmazan nya dére koo, giébɛ koo, sɔlɛle koo, blipale koo, kɛlɛle sauun koo, wo gi.

2 Timoté 2:1

Bɛwemalé, bii anlé né, zin lé ke Jézu Krist gi, ’é i dɔ plɛplɛ ma.

Ébrunu 9:27

Naa, Bale a fe léé, mi faa é gaan gɔnɔ do kpen, ’bɛ zuo yé é wolé we ble.

Jozué 23:14

Ka ye, sin maa a gona tɛrɛ faa lé zi siana. Ka gi dɔɔ ka bli faa valé ka boen faa nya léé, dére zinnu faa lé Gakelebale kalé Bale a fe ka ma we nya, a do kpen ’ka kɛlɛ lɛ boadére nya lo; wo faa lɛ sɔɔ ka lɛ, a do kpen ka kɛlɛ lɛ boadére nya lo.